عَدد 8:8 - الكتاب المقدس بالعربي الدارجي هنا تشاد

⁸ وَ يِشِيلُوا تَوْر وَ مَعَايَهْ هَدِيَّةْ هَنَا دَقِيقْ مُخَلْبَطْ بِدِهِنْ وَ إِنْتَ تِشِيلْ تَوْر آخَرْ ضَحِيَّةْ لِكَفَّارَةْ الذَّنِبْ.

عَدد 8:8 Referenca të Kryqëzuara

لاوِيِّين 2:1

وَ كَنْ نَادُمْ يِقَدِّمْ هَدِيَّةْ هَنَا دَقِيقْ لِلّٰهْ، خَلِّي هَدِيّتَهْ دِي تَبْقَى هَدِيَّةْ مِنْ أَحْسَنْ دَقِيقْ. وَ هُو يُصُبّ فِي هَدِيّتَهْ دِي دِهِنْ وَ يِشِيلْ لُبَانْ.

2 كُرُنْتُس 5:21

وَ الْمَسِيحْ الْأَبَداً مَا أَذْنَبْ، اللّٰهْ جَعَلَهْ ضَحِيَّةْ فِي شَانْ ذُنُوبْنَا أَشَانْ أَنِحْنَ نَبْقَوْا بَيَّهْ شَعَبْ اللّٰهْ الصَّالِحِينْ.

رَوْمَا 8:3

شُرُوطْ التَّوْرَاةْ أَبَداً مَا قِدْرَوْا يِنَجُّوا النَّاسْ أَشَانْ ضُعُفْ طَبِيعَةْ الْإِنْسَانْ دَحَرَاهُمْ. وَ اللّٰهْ ذَاتَهْ سَوَّى الشَّيّءْ الشُّرُوطْ التَّوْرَاةْ مَا قِدْرَوْا يِسَوُّوهْ. هُو رَسَّلْ إِبْنَهْ الْوَاحِدْ لِيَبْقَى إِنْسَانْ فِي جِسِمْ مِثِلْ جِسِمْ الْمُذْنِبْ. وَ وَكِتْ هُو فِي جِسْمَهْ الْإِنْسَانِي دَا، اللّٰهْ حَاكَمْ فِي الذَّنِبْ مَرَّةْ وَاحِدْ.

إشَعْيا 53:10

وَ اللّٰهْ رِضِي يَرْحَكَهْ بِالتَّعَبْ وَ كَنْ حَيَاتَهْ بِقَتْ ضَحِيَّةْ لِكَفَّارَةْ الْخَطَا، خَلَاصْ هُو يِشِيفْ ذُرِّيّتَهْ. هُو يِطَوِّلْ أَيَّامْ عُمْرَهْ وَ نِيَّةْ اللّٰهْ تِلْحَقَّقْ بَيَّهْ هُو.

لاوِيِّين 16:3

وَ دَاهُو الْوَاجِبْ لِهَارُونْ وَكِتْ يَدْخُلْ فِي الْبَكَانْ الْمُقَدَّسْ مَرَّةْ وَاحِدْ. هُو يِشِيلْ تَوْر ضَحِيَّةْ لِكَفَّارَةْ الذَّنِبْ وَ كَبِشْ لِلضَّحِيَّةْ الْمُحَرَّقَةْ.

لاوِيِّين 8:2

شِيلْ هَارُونْ وَ أَوْلَادَهْ وَ الْخُلْقَانْ وَ دِهِنْ الْمَسَحَانْ وَ التَّوْر هَنَا الضَّحِيَّةْ لِكَفَّارَةْ الذَّنِبْ وَ الْكُبْشَانْ الْإِتْنَيْن وَ الْقُفَّةْ الْعِنْدَهَا خُبْزَةْ بَلَا تَوَّارَةْ.

لاوِيِّين 4:14

وَ وَكِتْ يَعَرْفُوا خَطَاهُمْ، الْمُجْتَمَعْ يِقَدِّمْ تَوْر ضَحِيَّةْ لِكَفَّارَةْ الذَّنِبْ وَ يِوَدُّوهْ قِدَّامْ خَيْمَةْ الْإِجْتِمَاعْ.

لاوِيِّين 4:3

«وَ كَنْ رَاجِلْ الدِّينْ الْمَسَحَوْه وَ دَرَّجَوْه سَوَّى ذَنِبْ وَ جَابَهْ لِكُلَّ الشَّعَبْ، هُو يِقَدِّمْ لِلّٰهْ تَوْر الْمَا عِنْدَهْ أَيِّ عَيْب فِي شَانْ الذَّنِبْ دَا. وَ دَا يَبْقَى ضَحِيَّةْ لِكَفَّارَةْ الذَّنِبْ.

لاوِيِّين 1:3

وَ كَنْ هَدِيّتَهْ دِي ضَحِيَّةْ مُحَرَّقَةْ مِنْ الْبَقَرْ، وَاجِبْ يِقَدِّمْ تَوْر الْمَا عِنْدَهْ أَيِّ عَيْب. جِيبَهْ فِي مَدَخَلْ خَيْمَةْ الْإِجْتِمَاعْ أَشَانْ اللّٰهْ يَرْضَى بِالتَّوْر دَا.

خُروج 29:3

وَ كُلَّ الْخُمَامْ دَا، صُبَّهْ فِي صَوْصَلْ وَ قَدِّمَهْ بِالصَّوْصَلْ دَا مَعَ التَّوْر وَ الْكُبْشَانْ الْإِتْنَيْن.

خُروج 29:1

«‹دَاهُو كِكَّيْف تِسَوِّي لِتِخَصِّصْ هَارُونْ وَ أَوْلَادَهْ لِيَبْقَوْا لَيِّ رُجَالْ دِينْ. شِيلْ تَوْر وَ كُبْشَانْ إِتْنَيْن الْمَا عِنْدُهُمْ أَيِّ عَيْب.