عَدد 8:21 - الكتاب المقدس بالعربي الدارجي هنا تشاد

²¹ وَ اللَّاوِيِّينْ طَهَّرَوْا نُفُوسْهُمْ وَ غَسَّلَوْا خُلْقَانْهُمْ وَ هَارُونْ قَدَّمَاهُمْ مِثِلْ هَدِيَّةْ مَرْفُوعَةْ لِلّٰهْ. وَ سَوَّى لَيْهُمْ الْكَفَّارَةْ أَشَانْ يَبْقَوْا طَاهِرِينْ.

عَدد 8:21 Referenca të Kryqëzuara

عَدد 8:7

وَ دَاهُو الشَّيّءْ التِّسَوِّيهْ لِيَبْقَوْا طَاهِرِينْ. رُشُّهُمْ بِأَلْمِي التَّطْهِيرْ وَ خَلِّي يِزَيُّنُوا كُلَّ جِلِدْهُمْ وَ يِغَسُّلُوا خُلْقَانْهُمْ وَ بَيْدَا، خَلَاصْ يَبْقَوْا طَاهِرِينْ.

عَدد 19:19

وَ الرَّاجِلْ الطَّاهِرْ يُرُشّ النَّادُمْ النِّجِسْ فِي الْيَوْم التَّالِتْ وَ الْيَوْم السَّابِعْ. وَ فِي الْيَوْم السَّابِعْ دَا، خَطَايَهْ يِنْمَحِي. وَ بَعَدْ دَا، يِغَسِّلْ خُلْقَانَهْ وَ يِلْبَرَّدْ وَ بِعَشِيَّةْ هُو يَبْقَى طَاهِرْ.

عَدد 8:15

«وَ بَعَدْ تِطَهِّرْ اللَّاوِيِّينْ وَ تِقَدِّمْهُمْ لَيِّ مِثِلْ هَدِيَّةْ مَرْفُوعَةْ، خَلِّي يَمْشُوا يَخْدُمُوا فِي خَيْمَةْ الْإِجْتِمَاعْ.

عَدد 19:12

وَ النَّادُمْ دَا، خَلِّي يِطَهِّرْ نَفْسَهْ بِأَلْمِي التَّطْهِيرْ السَّوَّوْه بِرُمَادْ الْبَقَرَةْ فِي الْيَوْم التَّالِتْ وَ فِي الْيَوْم السَّابِعْ وَ بَيْدَا، هُو يُكُونْ طَاهِرْ. وَ لَاكِنْ كَنْ مَا يِطَهِّرْ نَفْسَهْ فِي الْيَوْم التَّالِتْ وَ الْيَوْم السَّابِعْ، هُو مَا يَبْقَى طَاهِرْ.

عَدد 3:12

«دَاهُو أَنَا شِلْت اللَّاوِيِّينْ مِنْ كُلَّ بَنِي إِسْرَائِيلْ فِي بَدَلْ كُلَّ أَوْلَادْ الْبِكِرْ مِنْ أَمَّهَاتْهُمْ أَشَانْ اللَّاوِيِّينْ يَبْقَوْا هِنَيّ أَنَا.

خُروج 19:10

وَ اللّٰهْ قَالْ لِمُوسَى: «قَبِّلْ لِلشَّعَبْ وَ خَصِّصْهُمْ الْيَوْم وَ أَمْبَاكِرْ. وَ خَلِّي يِغَسُّلُوا خُلْقَانْهُمْ.

عَدد 8:20

وَ مُوسَى وَ هَارُونْ وَ كُلَّ مُجْتَمَعْ بَنِي إِسْرَائِيلْ سَوَّوْا كُلَّ شَيّءْ الْبُخُصّ اللَّاوِيِّينْ مِثِلْ اللّٰهْ أَمَرْ بَيَّهْ مُوسَى.

عَدد 8:22

وَ بَعَدْ دَا، اللَّاوِيِّينْ قِدْرَوْا خَدَمَوْا فِي خَيْمَةْ الْإِجْتِمَاعْ تِحِتْ مُرَاقَبَةْ هَارُونْ وَ أَوْلَادَهْ. وَ سَوَّوْا كُلَّ شَيّءْ الْبُخُصّ اللَّاوِيِّينْ مِثِلْ اللّٰهْ أَمَرْ بَيَّهْ مُوسَى.

لاوِيِّين 14:11

وَ رَاجِلْ الدِّينْ الْيِسَوِّي الطِّهَارَةْ يُخُطّ النَّادُمْ الْيِطَّهَّرْ وَ الْهَدَايَا قِدَّامْ اللّٰهْ فِي مَدَخَلْ خَيْمَةْ الْإِجْتِمَاعْ.