عَدد 8:13 - الكتاب المقدس بالعربي الدارجي هنا تشاد

¹³ وَ جِيبْ اللَّاوِيِّينْ قِدَّامْ هَارُونْ وَ أَوْلَادَهْ وَ قَدِّمْهُمْ مِثِلْ هَدِيَّةْ مَرْفُوعَةْ لِلّٰهْ.

عَدد 8:13 Referenca të Kryqëzuara

عَدد 8:21

وَ اللَّاوِيِّينْ طَهَّرَوْا نُفُوسْهُمْ وَ غَسَّلَوْا خُلْقَانْهُمْ وَ هَارُونْ قَدَّمَاهُمْ مِثِلْ هَدِيَّةْ مَرْفُوعَةْ لِلّٰهْ. وَ سَوَّى لَيْهُمْ الْكَفَّارَةْ أَشَانْ يَبْقَوْا طَاهِرِينْ.

عَدد 8:11

وَ هَارُونْ يِقَدِّمْ اللَّاوِيِّينْ مِثِلْ هَدِيَّةْ مَرْفُوعَةْ الْيِقَدُّمُوهَا بَنِي إِسْرَائِيلْ لِلّٰهْ. وَ بَيْدَا، اللَّاوِيِّينْ يَقْدَرَوْا يَخْدُمُوا لِلّٰهْ.

رَوْمَا 15:16

لِنَبْقَى خَدَّامْ لِلْمَسِيحْ عِيسَى. وَ خِدِمْتِي هِي بَلِّغِينْ بِشَارَةْ اللّٰهْ لِلْأُمَمْ الْمَا يَهُودْ. أَنَا نَبْقَى مِثِلْ رَاجِلْ دِينْ وَكِتْ نِبَلِّغْ بِشَارَةْ اللّٰهْ لِلْأُمَمْ الْمَا يَهُودْ لِيَبْقَوْا مِثِلْ ضَحِيَّةْ الْاللّٰهْ يَرْضَى بَيْهَا. وَ الضَّحِيَّةْ دِي تَبْقَى خَاصَّة لِلّٰهْ بِقُدْرَةْ الرُّوحْ الْقُدُّوسْ.

رَوْمَا 12:1

يَا أَخْوَانِي، نِوَصِّيكُو بِسَبَبْ رَحْمَةْ اللّٰهْ اللِّقِيتُوهَا، أَيِّ وَاحِدْ مِنْكُو يِقَدِّمْ جِسْمَهْ لِلّٰهْ ضَحِيَّةْ حَيَّةْ وَ مُقَدَّسَةْ الْاللّٰهْ يَرْضَى بَيْهَا. وَ دِي هِي عِبَادِتْكُو الْوَاجْبَةْ.

عَدد 18:6

وَ دَاهُو أَنَا عَزَلْت أَخْوَانْكُو اللَّاوِيِّينْ مِنْ بَنِي إِسْرَائِيلْ وَ أَنْطَيْتهُمْ لَيْكُو مِثِلْ هَدِيَّةْ أَشَانْ يَخْدُمُوا فِي خَيْمَةْ الْإِجْتِمَاعْ.

عَدد 8:12

وَ اللَّاوِيِّينْ يُخُطُّوا إِيدَيْهُمْ فِي رُوسَيْ التِّيرَانْ دَوْل وَ إِنْتَ قَدِّمْهُمْ لِلّٰهْ. التَّوْر الْوَاحِدْ ضَحِيَّةْ لِكَفَّارَةْ الذَّنِبْ وَ الْوَاحِدْ ضَحِيَّةْ مُحَرَّقَةْ وَ دَا يَبْقَى كَفَّارَةْ لِذُنُوبْ اللَّاوِيِّينْ.

عَدد 8:14

وَ بَيْدَا، أَعَزِلْ اللَّاوِيِّينْ مِنْ بَنِي إِسْرَائِيلْ وَ هُمَّنْ يَبْقَوْا هِنَيّ أَنَا اللّٰهْ.