عَدد 7:9 - الكتاب المقدس بالعربي الدارجي هنا تشاد

⁹ وَ لَاكِنْ مَا أَنْطَى شَيّءْ لِذُرِّيَّةْ قَهَاتْ أَشَانْ هُمَّنْ خِدْمِتْهُمْ يَنْقُلُوا الْمُعِدَّاتْ الْمُقَدَّسِينْ فِي كَتَافَيْهُمْ.

عَدد 7:9 Referenca të Kryqëzuara

1 أخبار 15:13

أَشَانْ أَوَّلْ وَكِتْ إِنْتُو مَا فِيكُو، اللّٰهْ إِلٰـهْنَا ضَرَبَانَا بِسَبَبْ أَنِحْنَ مَا طَبَّقْنَا الشُّرُوطْ الْبُخُصُّوا صَنْدُوقْ الْمُعَاهَدَةْ.»

2 صَمُوِيل 6:13

وَ وَكِتْ النَّاسْ الشَّالَوْا صَنْدُوقْ اللّٰهْ يِسَوُّوا سِتَّةْ خَطْوَةْ، دَاوُدْ يَدْبَحْ تَوْر وَ عِجِلْ سَمِينْ.

عَدد 3:31

وَ هُمَّنْ مَسْؤُولِينْ مِنْ صَنْدُوقْ مُعَاهَدَةْ اللّٰهْ وَ الطَّرَبَيْزَةْ وَ الْفَانُوسْ وَ الْمَدَابِحْ وَ الْمُعِدَّاتْ الْمُخَصَّصِينْ وَ السِّتَارْ الْيِدَارِقْ صَنْدُوقْ مُعَاهَدَةْ اللّٰهْ. وَ قَبِيلَةْ قَهَاتْ مَسْؤُولَة مِنْ كُلَّ الْخُمَامْ دَوْل.

1 أخبار 23:26

وَ بِمِثِلْ دَا، اللَّاوِيِّينْ مَا يَنْقُلُوا بَتَّانْ خَيْمَةْ الْعِبَادَةْ وَ كُلَّ مُعِدَّاتْ الْخِدْمَةْ.»

1 أخبار 15:3

وَ دَاوُدْ لَمَّ كُلَّ بَنِي إِسْرَائِيلْ فِي أُورُشَلِيمْ لِيِوَدُّوا صَنْدُوقْ اللّٰهْ فِي الْبَكَانْ الْهُو جَهَّزَهْ لَيَّهْ.

2 صَمُوِيل 6:6

وَ وَكِتْ وَصَّلَوْا فِي الْمَدَقّ هَنَا نَاكُونْ، الْبَقَرْ أَتَّرْتَعَوْا وَ عُزَّى مَدَّ إِيدَهْ وَ كَرَبْ صَنْدُوقْ الرَّبّ.

1 مُلوك 8:3

وَكِتْ كُلَّ شُيُوخْ بَنِي إِسْرَائِيلْ جَوْا، رُجَالْ الدِّينْ شَالَوْا الصَّنْدُوقْ.

2 صَمُوِيل 6:3

وَ هُمَّنْ شَالَوْا صَنْدُوقْ الرَّبّ مِنْ بَيْت أَبِنَدَابْ الْقَاعِدْ فِي رَاسْ الْحَجَرْ وَ خَطَّوْه فِي كَارَّوْ جَدِيدْ. وَ أَوْلَادْ أَبِنَدَابْ، عُزَّى وَ أَخْيُو، قَادَوْا الْكَارَّوْ