عَدد 7:89 - الكتاب المقدس بالعربي الدارجي هنا تشاد

⁸⁹ وَ وَكِتْ مُوسَى يَدْخُلْ فِي خَيْمَةْ الْإِجْتِمَاعْ لِيِكَلِّمْ مَعَ اللّٰهْ، هُو يَسْمَعْ حِسَّهْ يَجِي لَيَّهْ مِنْ فَوْق لِسِدَادَةْ صَنْدُوقْ الْفَوْقَهْ لِيحَانْ الْمُعَاهَدَةْ أَمْبَيْن الْمَخْلُوقِينْ السَّمَاوِيِّينْ الْإِتْنَيْن الْمَصْنُوعِينْ فِي ضَهَرْ السِّدَادَةْ. وَ يِكَلِّمْ مَعَايَهْ.

عَدد 7:89 Referenca të Kryqëzuara

عِبْرَانِيِّين 4:16

وَ خَلَاصْ، خَلِّينَا نِقَرُّبُوا لِلّٰهْ الرَّحِيمْ بِأَمَانْ أَشَانْ هُو يَرْحَمْنَا. وَ نَلْقَوْا مِنَّهْ النِّعْمَةْ التِّسَاعِدْنَا وَكِتْ نِحْتَاجَوْا لَيْهَا.

زَبُور 99:1

اللّٰهْ هُو الْمَلِكْ. خَلِّي الشُّعُوبْ يَرْجُفُوا! هُو قَاعِدْ فَوْق الْمَخْلُوقِينْ السَّمَاوِيِّينْ. خَلِّي الْأَرْض تِنْهَزَّ!

زَبُور 80:1

يَا إِنْتَ التُّقُودْ ذُرِّيَّةْ يُوسُفْ مِثِلْ غَنَمْ، يَا رَاعِي إِسْرَائِيلْ، أَسْمَعْ! يَا إِنْتَ الْقَاعِدْ فَوْق الْمَخْلُوقِينْ السَّمَاوِيِّينْ، بَيِّنْ نَفْسَكْ!

1 بُطْرُس 1:12

وَ اللّٰهْ وَصَّفْ لِلْأَنْبِيَاء كَدَرْ هُمَّنْ يَخْدُمُوا لَيْكُو إِنْتُو وَ مَا لِنُفُوسْهُمْ. هُمَّنْ كَلَّمَوْا بِالْأَشْيَاءْ الْيَبْقَوْا فِي وَكِتْنَا. وَ إِنْتُو سِمِعْتُوا بِخَبَرْهُمْ مِنْ النَّاسْ الْبَلَّغَوْا لَيْكُو الْبِشَارَةْ. وَ دَا، بِقُدْرَةْ الرُّوحْ الْقُدُّوسْ الْاللّٰهْ نَزَّلَهْ مِنْ السَّمَاءْ. وَ الْكَلَامْ دَا، الْمَلَائِكَةْ ذَاتْهُمْ دَوَّرَوْا يَفْهَمَوْه.

1 مُلوك 6:23

وَ فِي لُبّ الْبَكَانْ الْمُقَدَّسْ مَرَّةْ وَاحِدْ، صَنَعْ تَمَاثِيلْ هَنَا مَخْلُوقِينْ سَمَاوِيِّينْ إِتْنَيْن بِحَطَبْ الزَّيْتُونْ. وَ أَيِّ وَاحِدْ طُولَهْ فَوْق 10 دُرَاعْ.

1 صَمُوِيل 4:4

وَ خَلَاصْ، رَسَّلَوْا نَاسْ فِي حِلَّةْ شِيلَوْه وَ جَابَوْا صَنْدُوقْ مُعَاهَدَةْ اللّٰهْ الْقَادِرْ، هُو الْقَاعِدْ فِي الْعَرْشَهْ أَمْبَيْن الْمَخْلُوقِينْ السَّمَاوِيِّينْ. وَ أَوْلَادْ عَالِي الْإِتْنَيْن حُفْنِي وَ فِينْحَاسْ، هُمَّنْ كُلَ مَشَوْا مَعَ صَنْدُوقْ مُعَاهَدَةْ الرَّبّ.

عَدد 12:8

وَ نِكَلِّمْ مَعَايَهْ خَشُمْ بِخَشُمْ بِكَلَامْ وَاضِحْ مَا مُلَبَّدْ. وَ أَنَا نِبَيِّنْ نَفْسِي لَيَّهْ وَ هُو يِشِيفْنِي أَنَا اللّٰهْ. وَ بَيْدَا، مَالَا مَا خُفْتُوا وَ قَمَّيْتُوا ضِدّ مُوسَى عَبْدِي؟»

عَدد 1:1

فِي صَحَرَاء سِينَاء، اللّٰهْ حَجَّى لِمُوسَى فِي خَيْمَةْ الْإِجْتِمَاعْ وَ دَا فِي الْيَوْم الْأَوَّلْ هَنَا الشَّهَرْ التَّانِي فِي السَّنَةْ التَّانِيَةْ بَعَدْ مَرِقِينْ بَنِي إِسْرَائِيلْ مِنْ بَلَدْ مَصِرْ. وَ اللّٰهْ قَالْ:

لاوِيِّين 1:1

وَ اللّٰهْ نَادَى مُوسَى مِنْ خَيْمَةْ الْإِجْتِمَاعْ وَ قَالْ لَيَّهْ:

خُروج 40:34

وَ بَعَدْ دَا، السَّحَابَايْ غَطَّتْ خَيْمَةْ الْإِجْتِمَاعْ وَ مَجْد اللّٰهْ مَلَا الْخَيْمَةْ.

خُروج 40:35

وَ مُوسَى مَا قِدِرْ يَدْخُلْ فِي خَيْمَةْ الْإِجْتِمَاعْ أَشَانْ السَّحَابَايْ مُغَطِّيَةْ الْخَيْمَةْ وَ مَجْد اللّٰهْ مَلَاهَا.

عَدد 8:1

وَ اللّٰهْ حَجَّى لِمُوسَى وَ قَالْ:

عَدد 11:17

وَ فِي الْبَكَانْ دَا، أَنَا نَنْزِلْ وَ نِكَلِّمْ مَعَاكْ وَ نِشِيلْ مِنْ الرُّوحْ الْقَاعِدْ فَوْقَكْ وَ نُخُطَّهْ فَوْقهُمْ. وَ بَيْدَا، هُمَّنْ يِشِيلُوا مَعَاكْ مَسْؤُولِيَّةْ الشَّعَبْ وَ بَتَّانْ إِنْتَ مَا تِشِيلْهَا وِحَيْدَكْ.