عَدد 6:24 - الكتاب المقدس بالعربي الدارجي هنا تشاد

²⁴ ‹اللّٰهْ يِبَارِكُّو وَ يَحْفَضْكُو.

عَدد 6:24 Referenca të Kryqëzuara

1 تَسَلونِيكِي 5:23

خَلِّي اللّٰهْ رَبّ السَّلَامْ ذَاتَهْ يِخَصِّصْ قُلُوبْكُو مَرَّةْ وَاحِدْ وَ يَحْفَضْكُو سَالِمِينْ فِي الرُّوحْ وَ النَّفْس وَ الْجِسِمْ أَشَانْ تُكُونُوا بَلَا عَيْب فِي يَوْم جَيَّةْ رَبِّنَا عِيسَى الْمَسِيحْ.

فِلِبِّي 4:7

وَ اللّٰهْ يَنْطِيكُو سَلَامَهْ الْفَايِتْ فِكِرْ النَّاسْ. وَ خَلِّي سَلَامْ اللّٰهْ يَحْفَضْ قُلُوبْكُو وَ أَفْكَارْكُو وَ تَقْعُدُوا ثَابْتِينْ فِي الْمَسِيحْ عِيسَى.

يَهُوذَا 1:24

اللّٰهْ قَادِرْ وَ يَقْدَرْ يَحْفَضْكُو أَشَانْ مَا تَقَعَوْا. هُو بَسْ يِوَدِّيكُو فِي حَضَرَتَهْ الْمَجِيدَةْ بَلَا أَيِّ عَيْب، فَرْحَانِينْ فَرْحَةْ شَدِيدَةْ.

إشَعْيا 42:6

«أَنَا اللّٰهْ نَادَيْتَكْ لِلْعَدَالَةْ وَ كَرَبْت إِيدَكْ. أَنَا حَفَضْتَكْ وَ ثَبَّتَّكْ لِنِسَوِّيكْ تَبْقَى مُعَاهَدَةْ لِلشَّعَبْ وَ نُورْ لِلْأُمَمْ.

يُوحَنَّا 17:11

أَنَا مَا نَقْعُدْ فِي الدُّنْيَا لَاكِنْ هُمَّنْ قَاعِدِينْ فِي الدُّنْيَا وَ أَنَا نَمْشِي لَيْك. يَا أَبُويِ الْقُدُّوسْ، أَحْفَضْهُمْ بِأُسْمَكْ الْأَنْطَيْتنِي، أَشَانْ هُمَّنْ يَبْقَوْا وَاحِدْ مِثِلْ إِنْتَ وَ أَنَا وَاحِدْ.

زَبُور 91:11

أَشَانْ هُو يَامُرْ مَلَائِكَتَهْ يَحْفَضَوْك فِي كُلَّ دُرُوبَكْ.

زَبُور 134:3

وَ مِنْ صَهْيُون، اللّٰهْ يِبَارِكُّو، وَ هُو خَالِقْ السَّمَاوَاتْ وَ الْأَرْض.

رَعُوث 2:4

وَ بَعَدْ شِيَّةْ، بُعَازْ كُلَ جَاءْ مِنْ بَيْت لَحَمْ وَ قَالْ لِلَّمَّامِينْ: «اللّٰهْ مَعَاكُو!» وَ هُمَّنْ قَالَوْا لَيَّهْ: «اللّٰهْ يِبَارِكَكْ!»

زَبُور 17:8

أَحْفَضْنِي مِثِلْ يَحْفَضَوْا وَلْد الْعَيْن وَ خُطِّنِي تِحِتْ جَنَاحَيْك.

1 صَمُوِيل 2:9

اللّٰهْ يَحْفَضْ النَّاسْ الصَّالِحِينْ وَ فِي الضَّلَامْ، يُمُوتُوا الْفَسْلِينْ. أَشَانْ الْإِنْسَانْ بِقُدُرْتَهْ مَا يِنَّصِرْ.

1 بُطْرُس 1:5

وَ قُدْرَةْ اللّٰهْ تَحْفَضْكُو بِإِيمَانْكُو أَشَانْ تَلْقَوْا النَّجَاةْ الْاللّٰهْ جَهَّزَاهَا وَ يِبَيِّنْهَا فِي الْيَوْم الْأَخِيرْ.

فِلِبِّي 4:23

عَلَيْكُمْ رَحْمَةْ الرَّبّ عِيسَى الْمَسِيحْ.

أفَسُس 6:24

وَ النِّعْمَةْ لِكُلَّ النَّاسْ الْيِحِبُّوا رَبِّنَا عِيسَى الْمَسِيحْ بِالْمَحَبَّةْ الْمَا تِكَمِّلْ أَبَداً.

زَبُور 28:9

يَا رَبّ، نَجِّي شَعَبَكْ! هُمَّنْ الْوَرَثَتَكْ، بَارِكْهُمْ. أَبْقَى رَاعِيهُمْ وَ فَكِّرْ فَوْقهُمْ إِلَى الْأَبَدْ.

إشَعْيا 27:3

أَنَا اللّٰهْ بَسْ حَارِسْهَا وَ نَزْقِيهَا فِي كُلَّ وَكِتْ. وَ فِي شَانْ مَا يَدْخُلُوا فَوْقهَا، أَنَا قَاعِدْ نَحْرِسْهَا لَيْل وَ نَهَارْ.

1 كُرُنْتُس 14:16

وَ كَنْ إِنْتَ تَشْكُرْ اللّٰهْ بِلُغَّاتْ الْيَجُوا مِنْ الرُّوحْ، النَّادُمْ الْمَا يَفْهَمْ كَلَامَكْ دَا، يَبْقَى لَيْك مِثِلْ أَجْنَبِي. هُو مَا يَفْهَمْ الْكَلَامْ الْإِنْتَ تُقُولَهْ وَ أَشَانْ دَا، مَا يَقْدَرْ يُقُولْ: «آمِينْ.»

تكوين 28:15

شِيفْ! نِأَكِّدْ لَيْك! أَنَا ذَاتِي قَاعِدْ مَعَاكْ. نَحْفَضَكْ فِي أَيِّ بَكَانْ التَّمْشِي فَوْقَهْ وَ نِقَبِّلَكْ فِي الْبَلَدْ دِي. أَنَا مَا نِخَلِّيكْ وَ لَحَدِّي نِتِمّ كُلَّ الشَّيّءْ الْقُلْتَهْ لَيْك.»

2 صَمُوِيل 7:29

وَ خَلَاصْ هَسَّعْ دَا، أَقْبَلْ سُؤَالِي وَ بَارِكْ عَايِلْتِي أَنَا عَبْدَكْ لِيَمُلْكُوا قِدَّامَكْ إِلَى الْأَبَدْ. يَا اللّٰهْ رَبِّي، أَشَانْ إِنْتَ بَسْ قُلْت بِبَرَكَتَكْ، عَايِلَةْ بَيْتِي تَلْقَى بَرَكَةْ دَايْمَةْ.»

دَنْيال 9:17

وَ هَسَّعْ دَا، يَا إِلٰـهْنَا، أَسْمَعْ الصَّلَاةْ وَ الدُّعَا هَنَا عَبْدَكْ. فِي شَانْ أُسْمَكْ، يَا رَبّ، وَجِّهْ نُورْ وِجْهَكْ عَلَيْ بَيْتَكْ الْمُقَدَّسْ الْخِرِبْ.