عَدد 6:23 - الكتاب المقدس بالعربي الدارجي هنا تشاد

²³ «حَجِّي لِهَارُونْ وَ أَوْلَادَهْ وَ قُولْ لَيْهُمْ كَنْ يِبَارُكُوا بَنِي إِسْرَائِيلْ، خَلِّي يُقُولُوا مِثِلْ دَا:

عَدد 6:23 Referenca të Kryqëzuara

1 أخبار 23:13

وَ أَوْلَادْ عَمْرَامْ هُمَّنْ هَارُونْ وَ مُوسَى. وَ هَارُونْ عَزَلَوْه هُو وَ عِيَالَهْ لِيَبْقَوْا مُخَصَّصِينْ وَ يِسَوِّي خِدْمَةْ اللّٰهْ فِي الْبَكَانْ الْمُقَدَّسْ مَرَّةْ وَاحِدْ، إِلَى الْأَبَدْ. وَ يِحَرُّقُوا بَخُورْ قِدَّامْ اللّٰهْ وَ يِسَوُّوا خِدْمَةْ اللّٰهْ وَ يِبَارُكُوا النَّاسْ بِأُسُمْ اللّٰهْ إِلَى الْأَبَدْ.

تَثْنِية 21:5

وَ خَلَاصْ، رُجَالْ الدِّينْ عِيَالْ لَاوِي يِقَرُّبُوا أَشَانْ هُمَّنْ بَسْ اللّٰهْ إِلٰـهْكُو عَزَلَاهُمْ لِيَخْدُمُوا لَيَّهْ وَ يِبَارُكُوا بِأُسْمَهْ. وَ هُمَّنْ بَسْ الْيِحِلُّوا أَيِّ مُشْكِلَةْ هَنَا هُرَاجْ وَ أَيِّ مُشْكِلَةْ هَنَا ضَرَبَانْ.

عِبْرَانِيِّين 7:1

وَ مَلْكِصَادِقْ دَا، هُو مَلِكْ حِلَّةْ شَالِيمْ وَ رَاجِلْ دِينْ هَنَا اللّٰهْ الْعَالِي. وَ هُو لَاقَى إِبْرَاهِيمْ وَ بَارَكَهْ وَكِتْ إِبْرَاهِيمْ مُقَبِّلْ مِنْ الْبَكَانْ الْأَنَّصَرْ فَوْقَهْ فِي الْمُلُوكْ.

تكوين 48:20

وَ فِي الْيَوْم دَا، يَعْقُوبْ بَارَكَاهُمْ وَ قَالْ: «بَنِي إِسْرَائِيلْ يِبَارُكُوا بِأُسُمْكُو وَ يُقُولُوا أَمْبَيْنَاتْهُمْ: ‹اللّٰهْ يِبَارِكَكْ مِثِلْ أَفْرَايِمْ وَ مَنَسَّى!›» وَ بِمِثِلْ دَا، يَعْقُوبْ قَدَّمْ أَفْرَايِمْ فِي مَنَسَّى.

2 يُوحَنَّا 1:3

أَكِيدْ السَّلَامْ وَ النِّعْمَةْ وَ الرَّحْمَةْ الْجَايِينْ مِنْ أَبُونَا اللّٰهْ وَ مِنْ إِبْن أَبُونَا، عِيسَى الْمَسِيحْ، يَقْعُدُوا مَعَانَا بِالْحَقّ وَ بِالْمَحَبَّةْ.

2 كُرُنْتُس 13:14

خَلِّي رَحْمَةْ رَبِّنَا عِيسَى الْمَسِيحْ وَ مَحَبَّةْ اللّٰهْ وَ الْخُوَّةْ الْجَايَةْ مِنْ الرُّوحْ الْقُدُّوسْ يَقْعُدُوا ثَابْتِينْ فَوْقكُو كُلُّكُو.

تكوين 47:7

وَ يُوسُفْ قَدَّمْ أَبُوهْ يَعْقُوبْ لِلْمَلِكْ وَ يَعْقُوبْ قَالْ لَيَّهْ: «اللّٰهْ يِبَارِكَكْ.»

1 بُطْرُس 1:2

اللّٰهْ أَبُوكُو عَزَلَاكُو حَسَبْ النِّظَامْ الْعِنْدَهْ مِنْ زَمَانْ. وَ إِنْتُو بِقِيتُوا النَّاسْ الْخَاصِّيْن لَيَّهْ بِقُدْرَةْ الرُّوحْ الْقُدُّوسْ. وَ دَا، لِتِتَابُعُوا عِيسَى الْمَسِيحْ وَ تَبْقَوْا طَاهِرِينْ بِدَمَّهْ الدَّفَّقْ فِي شَانْكُو. عَلَيْكُمْ السَّلَامْ وَ الرَّحْمَةْ بِكَتَرَةْ.

عِبْرَانِيِّين 7:7

وَ بَلَا شَكَكْ، النَّادُمْ الْيَنْطِي الْبَرَكَةْ أَكْبَرْ مِنْ النَّادُمْ الْيِشِيلْهَا.

1 كُرُنْتُس 1:3

عَلَيْكُمْ السَّلَامْ وَ الرَّحْمَةْ مِنْ اللّٰهْ أَبُونَا وَ رَبِّنَا عِيسَى الْمَسِيحْ.

رَوْمَا 1:7

وَ نَكْتِبْ لَيْكُو إِنْتُو كُلُّكُو الْقَاعِدِينْ فِي مَدِينَةْ رَوْمَا، إِنْتُو الْاللّٰهْ يِحِبُّكُو وَ نَادَاكُو لِتَبْقَوْا صَالِحِينْ. عَلَيْكُمْ السَّلَامْ وَ الرَّحْمَةْ مِنْ اللّٰهْ أَبُونَا وَ رَبِّنَا عِيسَى الْمَسِيحْ.

يَشُوع 8:33

وَ شَعَبْ بَنِي إِسْرَائِيلْ وَ شُيُوخْهُمْ وَ مَسَائِيلْهُمْ وَ قُضْيَاهُمْ وَقَفَوْا جَايْ وَ جَايْ لِصَنْدُوقْ مُعَاهَدَةْ اللّٰهْ قِدَّامْ رُجَالْ الدِّينْ اللَّاوِيِّينْ الشَّالَوْا الصَّنْدُوقْ دَا. الْأَجَانِبْ وَ الْمُوَاطِنِينْ كُلُّهُمْ قَاعِدِينْ. نُصُّهُمْ وَقَفَوْا قِدَّامْ جَبَلْ قَرِزِيمْ وَ نُصُّهُمْ وَقَفَوْا قِدَّامْ جَبَلْ عِبَالْ مِثِلْ مُوسَى عَبْد اللّٰهْ أَمَرَاهُمْ لِيِبَارُكُوا أَوَّلاً كَيْ بَنِي إِسْرَائِيلْ.

تَثْنِية 10:8

وَ فِي الْوَكِتْ دَاكْ، اللّٰهْ عَزَلْ قَبِيلَةْ اللَّاوِيِّينْ لِيِشِيلُوا صَنْدُوقْ مُعَاهَدَةْ اللّٰهْ وَ لِيَقِيفُوا قِدَّامَهْ وَ يَخْدُمُوا لَيَّهْ وَ يِبَارُكُوا الشَّعَبْ بِأُسْمَهْ. وَ دَا مِثِلْ هُمَّنْ قَاعِدِينْ يِسَوُّوهْ لَحَدِّي الْيَوْم.

تكوين 47:10

وَ بَتَّانْ يَعْقُوبْ قَالْ لِفِرْعَوْن: «اللّٰهْ يِبَارِكَكْ.» وَ مَرَقْ.

تَثْنِية 33:1

وَ دِي هِي الْبَرَكَةْ النَّبِي اللّٰهْ مُوسَى بَارَكْ بَيْهَا بَنِي إِسْرَائِيلْ قَبُلْ مَوْتَهْ.

تكوين 24:60

وَ بَارَكَوْا رِفْقَةْ وَ قَالَوْا: «يَا أَخُتْنَا! أَبْقَيْ أَمّ هَنَا مَلَايِينْ النَّاسْ وَ ذُرِّيِّتْكِ تِشِيلْ تُرَابْ هَنَا عُدْوَانْهَا!»

خُروج 39:43

وَ وَكِتْ مُوسَى شَافْ وَ عِرِفْ كَدَرْ هُمَّنْ سَوَّوْا كُلَّ شَيّءْ مِثِلْ اللّٰهْ أَمَرْ بَيَّهْ، هُو بَارَكَاهُمْ.

عَدد 6:22

وَ اللّٰهْ حَجَّى لِمُوسَى وَ قَالْ:

1 مُلوك 8:55

وَ وَقَفْ بِطُولَهْ وَ بَارَكْ كُلَّ جَمَاعَةْ بَنِي إِسْرَائِيلْ بِحِسّ عَالِي وَ قَالْ:

2 أخبار 30:27

وَ بَعَدْ دَا، رُجَالْ الدِّينْ اللَّاوِيِّينْ قَمَّوْا وَ بَارَكَوْا الشَّعَبْ. وَ حِسُّهُمْ أَنْسَمَعْ وَ دُعَاهُمْ وَصَّلْ لَحَدِّي السَّمَاءْ فِي الْمَسْكَنْ الْمُقَدَّسْ السَّاكِنْ فَوْقَهْ اللّٰهْ.