عَدد 6:18 - الكتاب المقدس بالعربي الدارجي هنا تشاد

¹⁸ «وَ النَّادُمْ السَّوَّى النَّذِرْ يِزَيِّنْ رَاسَهْ فِي مَدَخَلْ خَيْمَةْ الْإِجْتِمَاعْ وَ يِشِيلْ شَعَرْ رَاسَهْ وَ يَزْقُلَهْ فِي النَّارْ وَكِتْ هِي قَاعِدَةْ تِنَجِّضْ ضَحِيَّةْ السَّلَامَةْ.

عَدد 6:18 Referenca të Kryqëzuara

أعمال الرُسُل 21:24

وَدِّيهُمْ فِي بَيْت اللّٰهْ وَ طَهِّرْ جِلْدَكْ مَعَاهُمْ وَ كَفِّي لَيْهُمْ قُرُسْ هَنَا الطِّهَارَةْ وَ خَلَاصْ يِزَيُّنُوا رُوسَيْهُمْ. وَ بِمِثِلْ دَا، كُلَّ النَّاسْ يَعَرْفُوا كَدَرْ الْكَلَامْ الْقَالَوْه فَوْقَكْ مَا صَحِيحْ وَ إِنْتَ كُلَ تِتَابِعْ شُرُوطْ التَّوْرَاةْ.

عَدد 6:9

«وَ كَنْ فَجْأَةً نَادُمْ مَاتْ جَنْبَهْ، هُو يِنَّجَّسْ وَ نَذْرَهْ كُلَ. وَ يِطَّهَّرْ فِي الْيَوْم السَّابِعْ وَ فِي الْيَوْم دَا بَسْ، يِزَيِّنْ رَاسَهْ.

أعمال الرُسُل 18:18

وَ بُولُسْ قَعَدْ فِي كُرُنْتُسْ مُدَّةْ طَوِيلَةْ. وَ بَعَدْ دَا، هُو سَلَّمْ الْأَخْوَانْ أَشَانْ يِدَوْر يِسَافِرْ. دَوَّرْ يَمْشِي فِي سُورِيَا بِسَفِينَةْ. وَ بِرِسْكِيلَةْ وَ أَكِيلَا كُلَ مَشَوْا مَعَايَهْ. وَ فِي حِلَّةْ كَنْخِرِيَّةْ قُبَّالْ مَا يَرْكَبْ فِي السَّفِينَةْ، بُولُسْ زَيَّنْ رَاسَهْ أَشَانْ سَوَّى نَذِرْ قِدَّامْ اللّٰهْ.

أفَسُس 1:6

خَلِّي نَشْكُرُوهْ فِي شَانْ نِعْمَتَهْ الْمَجِيدَةْ النَّزَّلَاهَا فَوْقنَا بِإِبْنَهْ الْيِحِبَّهْ.

أعمال الرُسُل 21:26

وَ أَمْبَاكِرْ، بُولُسْ مَشَى مَعَ الرُّجَالْ الْأَرْبَعَةْ وَ طَهَّرْ نَفْسَهْ مَعَاهُمْ. وَ بَعَدْ دَا، دَخَلْ فِي بَيْت اللّٰهْ وَ حَدَّدْ الْوَكِتْ الْيِكَمُّلُوا فَوْقَهْ أُسْبُوعْ الطِّهَارَةْ وَ الْوَكِتْ الْيِقَدُّمُوا فَوْقَهْ الضَّحِيَّةْ لِلّٰهْ، الْوَاجِبْ أَيِّ وَاحِدْ يِقَدِّمْهَا.

لُوقا 17:10

وَ نَفْس الشَّيّءْ إِنْتُو كُلَ. وَكِتْ سَوَّيْتُوا كُلَّ شَيّءْ الْاللّٰهْ أَمَرَاكُو بَيَّهْ، وَاجِبْ تُقُولُوا: ‹أَنِحْنَ عَبِيدْ بَسْ وَ مَا سَوَّيْنَا زِيَادَةْ مِنْ الْخِدْمَةْ الْوَاجِبْ نِسَوُّوهَا.›»

عَدد 6:5

«وَ فِي كُلَّ أَيَّامْ نَذْرَهْ، النَّادُمْ دَا مَا يِزَيِّنْ رَاسَهْ. وَ وَكِتْ يِخَصِّصْ نَفْسَهْ لِلّٰهْ، وَاجِبْ يِخَلِّي صُوفْ رَاسَهْ يِزِيدْ لَحَدِّي يِتِمّ أَيَّامْ نَذْرَهْ.

أعمال الرُسُل 21:23

«هَسَّعْ دَا، سَوِّي الشَّيّءْ النِّوَصُّوكْ بَيَّهْ. أَنِحْنَ عِنْدِنَا مَعَانَا أَرْبَعَةْ رُجَالْ السَّوَّوْا نَذِرْ لِلّٰهْ.

عَدد 6:17

وَ الْكَبِشْ هُو يِقَدِّمَهْ لِلّٰهْ ضَحِيَّةْ السَّلَامَةْ مَعَ الْقُفَّةْ الْعِنْدَهَا كَعَكْ بَلَا تَوَّارَةْ. وَ بَتَّانْ رَاجِلْ الدِّينْ يِقَدِّمْ هَدِيَّةْ هَنَا دَقِيقْ وَ هَدِيَّةْ هَنَا شَرَابْ.