عَدد 6:15 - الكتاب المقدس بالعربي الدارجي هنا تشاد

¹⁵ وَ قُفَّةْ الْعِنْدَهَا كَعَكْ السَّوَّوْه بِدَقِيقْ بَلَا تَوَّارَةْ مُخَلْبَطْ بِدِهِنْ وَ كِسَارْ مَمْسُوحْ بِدِهِنْ وَ هَدَايَا آخَرِينْ الْوَاحِدْ هَنَا دَقِيقْ وَ الْآخَرْ هَنَا شَرَابْ.

عَدد 6:15 Referenca të Kryqëzuara

لاوِيِّين 2:4

وَ كَنْ نَادُمْ يِقَدِّمْ هَدِيَّةْ هَنَا دَقِيقْ وَ كَنْ الْهَدِيَّةْ دِي نَجَّضَوْهَا فِي فُرُنْ، خَلِّي تُكُونْ مِنْ أَحْسَنْ دَقِيقْ وَ تُكُونْ كَعَكْ بَلَا تَوَّارَةْ مُخَلْبَطْ بِدِهِنْ أَوْ كِسَارْ بَلَا تَوَّارَةْ مَمْسُوحْ بِدِهِنْ.

خُروج 29:2

وَ شِيلْ دَقِيقْ هَنَا قَمَحْ وَ سَوِّي بَيَّهْ خُبْزَةْ بَلَا تَوَّارَةْ وَ كَعَكْ بَلَا تَوَّارَةْ التِّسَوِّيهْ بِدِهِنْ وَ كِسَارْ مَمْسُوحْ بِدِهِنْ.

عَدد 15:10

وَ يِشِيلْ لِيتْرَيْن هَنَا خَمَرْ هَدِيَّةْ شَرَابْ وَ يِقَدِّمْهَا هَدِيَّةْ مُحَرَّقَةْ لِلّٰهْ وَ هُو يَرْضَى بِرِيحِتْهَا.

1 كُرُنْتُس 11:26

وَ بَيْدَا، فِي أَيِّ وَكِتْ كَنْ تَاكُلُوا الْخُبْزَةْ دِي وَ تَشَرْبَوْا مِنْ الْكَاسْ دَا، تِبَلُّغُوا مَوْت رَبِّنَا عِيسَى لَحَدِّي هُو يَجِي بَتَّانْ.

1 كُرُنْتُس 10:31

وَ خَلَاصْ، فِي كُلِّ شَيّءْ التَّاكُلُوهْ وَ تَشَرْبَوْه وَ تِسَوُّوهْ، مَجُّدُوا اللّٰهْ. مَجُّدُوهْ فِي كُلِّ شَيّءْ.

يُوِيل 2:14

أَكُونْ يِخَلِّي غَضَبَهْ وَ يِبَارِكُّو بَتَّانْ. وَ بَتَّانْ إِنْتُو تِقَدُّمُوا لِلّٰهْ إِلٰـهْكُو هَدَايَا هَنَا دَقِيقْ وَ هَدَايَا هَنَا شَرَابْ.

يُوِيل 1:13

يَا رُجَالْ الدِّينْ، أَلْبَسَوْا خُلْقَانْ الْحِزِنْ وَ نُوحُوا وَ أَبْكُوا، يَا إِنْتُو الْخَدَّامِينْ فِي الْمَدْبَحْ. تَعَالُوا أَحْزَنَوْا طُولْ اللَّيْل بِخُلْقَانْ الْحِزِنْ، يَا خَدَّامِينْ إِلٰـهِي. هَدَايَا الدَّقِيقْ وَ هَدَايَا الشَّرَابْ مَا يِقَدُّمُوهُمْ بَتَّانْ فِي بَيْت اللّٰهْ إِلٰـهْكُو.

يُوِيل 1:9

هَدَايَا الدَّقِيقْ وَ هَدَايَا الشَّرَابْ، مَا يِقَدُّمُوهُمْ بَتَّانْ فِي بَيْت اللّٰهْ وَ رُجَالْ الدِّينْ خَدَّامِينْ اللّٰهْ حِزْنَوْا.

إشَعْيا 62:9

وَ لَاكِنْ الْيِلِمُّوا الْقَمَحْ يَاكُلُوهْ وَ يَشْكُرُوا اللّٰهْ. وَ الْيِلِمُّوا الْعِنَبْ يَشَرْبَوْا عَصِيرَهْ فِي فَضَايَةْ بَيْتِي الْمُقَدَّسْ.»

لاوِيِّين 9:4

وَ شِيلُوا تَوْر وَ كَبِشْ لِضَحِيَّةْ السَّلَامَةْ وَ قَدُّمُوهُمْ قِدَّامْ اللّٰهْ وَ هَدِيَّةْ هَنَا دَقِيقْ مُخَلْبَطْ بِدِهِنْ أَشَانْ الْيَوْم اللّٰهْ يِبِينْ لَيْكُو.›»

لاوِيِّين 8:2

شِيلْ هَارُونْ وَ أَوْلَادَهْ وَ الْخُلْقَانْ وَ دِهِنْ الْمَسَحَانْ وَ التَّوْر هَنَا الضَّحِيَّةْ لِكَفَّارَةْ الذَّنِبْ وَ الْكُبْشَانْ الْإِتْنَيْن وَ الْقُفَّةْ الْعِنْدَهَا خُبْزَةْ بَلَا تَوَّارَةْ.

لاوِيِّين 7:12

وَ كَنْ نَادُمْ يِقَدِّمْ ضَحِيَّةْ شُكُرْ، خَلِّي يِقَدِّمْ مَعَاهَا كَعَكْ بَلَا تَوَّارَةْ مُخَلْبَطْ بِدِهِنْ وَ كِسَارْ بَلَا تَوَّارَةْ مَمْسُوحْ بِدِهِنْ وَ كَعَكْ هَنَا دَقِيقْ الْمُعَجَّنْ بِدِهِنْ.

عَدد 6:16

وَ رَاجِلْ الدِّينْ يِوَدِّي كُلَّ الْهَدَايَا دَوْل قِدَّامْ اللّٰهْ وَ يِقَدِّمْهُمْ ضَحِيَّةْ لِكَفَّارَةْ الذَّنِبْ وَ ضَحِيَّةْ مُحَرَّقَةْ.