عَدد 5:7 - الكتاب المقدس بالعربي الدارجي هنا تشاد

⁷ خَلِّي يِعْتَرِفْ بِذَنْبَهْ الْهُو سَوَّاهْ وَ يِقَبِّلْ الشَّيّءْ الْهُو سَرَقَهْ وَ يِزِيدْ فَوْقَهْ الْخُمُسْ هَنَا تَمَنَهْ وَ يَنْطِيهْ لِلنَّادُمْ الْهُو خِطِي فَوْقَهْ.

عَدد 5:7 Referenca të Kryqëzuara

لاوِيِّين 5:5

«وَ كَنْ نَادُمْ خِطِي فِي وَاحِدَةْ مِنْ الْحَالَاتْ دَوْل، وَاجِبْ يِعْتَرِفْ بِذَنْبَهْ السَّوَّاهْ.

يَشُوع 7:19

وَ يَشُوعْ قَالْ لِعَكَانْ: «يَا وِلَيْدِي، اللّٰهْ عَلَيْك! مَجِّدْ اللّٰهْ إِلٰـهْ بَنِي إِسْرَائِيلْ وَ أَشْكُرَهْ. كَلِّمْنِي! إِنْتَ سَوَّيْت شُنُو؟ مَا تِلَبِّدْ لَيِّ شَيّءْ.»

لاوِيِّين 26:40

«وَ لَاكِنْ يِعْتَرُفُوا بِخَطَاهُمْ وَ خَطَا أَبَّهَاتْهُمْ وَ يُقُولُوا هُمَّنْ سَوَّوْا خِيَانَةْ لَحَدِّي قَمَّوْا ضِدِّي.

لُوقا 19:8

وَ زَكَّا قَمَّ فَوْق وَ قَالْ لِلرَّبّ عِيسَى: «يَا سَيِّدْنَا، نَنْطِي نُصّ مَالِي لِلْمَسَاكِينْ. وَ كَنْ شِلْت شَيّءْ مِنْ أَيِّ نَادُمْ بِظُلُمْ، نِقَبِّلَهْ لَيَّهْ أَرْبَعَةْ مَرَّاتْ.»

أمْثال 28:13

الْيِلَبِّدْ خَطَايَهْ مَا يَنْجَحْ. وَ لَاكِنْ الْيُتُوبْ مِنْ خَطَايَهْ وَ يِخَلِّيهْ، اللّٰهْ يَرْحَمَهْ.

زَبُور 32:5

وَ خَلَاصْ، أَنَا كَلَّمْت لَيْك بِذَنْبِي وَ مَا لَبَّدْت خَطَايِ. وَ قُلْت: «يَا رَبّ، أَنَا أَعْتَرَفْت بِعِصْيَانِي.» وَ إِنْتَ، يَا اللّٰهْ، غَفَرْت لَيِّ خَطَايِ وَ ذَنْبِي. وَقْفَةْ.

لاوِيِّين 7:7

وَ الضَّحِيَّةْ لِكَفَّارَةْ الذَّنِبْ، هِي مِثِلْ الضَّحِيَّةْ لِكَفَّارَةْ الْخَطَا وَ هُمَّنْ الْإِتْنَيْن قَانُونْهُمْ وَاحِدْ. وَ الضَّحِيَّةْ دِي تَبْقَى هِنْت رَاجِلْ الدِّينْ الْيِسَوِّي الْكَفَّارَةْ.

لاوِيِّين 5:15

وَ كَنْ نَادُمْ سَوَّى ذَنِبْ بَلَا رَايْه ضِدّ مُقَدَّسَاتْ اللّٰهْ، وَاجِبْ هُو يِقَدِّمْ لِلّٰهْ ضَحِيَّةْ لِكَفَّارَةْ الْخَطَا. وَ دَا، وَاحِدْ كَبِشْ الْمَا عِنْدَهْ أَيِّ عَيْب الْيِشِيلَهْ مِنْ الْغَنَمْ وَ تَمَنَهْ يِسَاوِي حَجَرْ فُضَّةْ حَسَبْ الْوَزِنْ الرَّسْمِي هَنَا الْبَكَانْ الْمُقَدَّسْ.

لاوِيِّين 5:16

وَ يِكَفِّي تَمَنْ الذَّنِبْ السَّوَّاهْ ضِدّ الْبَكَانْ الْمُقَدَّسْ وَ يِزِيدْ فَوْقَهْ خُمْسَهْ وَ يَنْطِيهْ لِرَاجِلْ الدِّينْ. وَ رَاجِلْ الدِّينْ يِسَوِّي لَيَّهْ كَفَّارَةْ بِالْكَبِشْ هَنَا ضَحِيَّةْ لِكَفَّارَةْ الْخَطَا وَ هُو يَلْقَى الْغُفْرَانْ.

لاوِيِّين 26:41

وَ أَنَا كُلَ نُقُمّ ضِدُّهُمْ وَ نِوَدِّيهُمْ فِي بَلَدْ عُدْوَانْهُمْ. وَ بَيْدَا، قُلُوبْهُمْ الْمَا طَاهِرِينْ يِعَيُّبُوهُمْ وَ عِقَابْهُمْ يِلْحَقَّقْ.

عَدد 5:8

وَ كَنْ النَّادُمْ دَا مَاتْ وَ مَا عِنْدَهْ وَرِيثْ لِيِقَبُّلُوا لَيَّهْ الشَّيّءْ السِّرْقَوْه، خَلَاصْ الشَّيّءْ دَا يَنْطُوهْ لِلّٰهْ يَعْنِي يَنْطُوهْ لِرَاجِلْ الدِّينْ. وَ دَا بَلَا كَبِشْ الْكَفَّارَةْ الْوَاجِبْ هُو يِجِيبَهْ لِيِكَفِّرْ بَيَّهْ ذَنْبَهْ.