عَدد 5:23 - الكتاب المقدس بالعربي الدارجي هنا تشاد

²³ «وَ رَاجِلْ الدِّينْ يَكْتِبْ كَلِمَاتْ اللَّعَنَةْ دِي وَ يَغْسِلْهُمْ فِي الْأَلْمِي الْمُرّ.

عَدد 5:23 Referenca të Kryqëzuara

رُؤية 20:12

وَ شِفْت كُلَّ الْمَيْتِينْ كُبَارْ وَ صُغَارْ وَاقْفِينْ قِدَّامْ الْعَرْش. وَ الْكُتُبْ فَتَحَوْهُمْ. وَ بَتَّانْ كِتَابْ آخَرْ فَتَحَوْه وَ هُو كِتَابْ الْحَيَاةْ. وَ كُلَّ خِدْمَةْ الْمَيْتِينْ الْأَوَّلْ سَوَّوْهَا مَكْتُوبَةْ فِي الْكُتُبْ. وَ هُمَّنْ يِحَاسُبُوهُمْ حَسَبْ الشَّيّءْ الْمَكْتُوبْ فِي الْكُتُبْ.

أعمال الرُسُل 3:19

وَ هَسَّعْ تُوبُوا وَ قَبُّلُوا لِلّٰهْ أَشَانْ هُو يَمْحَا ذُنُوبْكُو!

إشَعْيا 44:22

مِثِلْ الرِّيحْ تِشِيلْ السَّحَابْ، أَنَا مَحَيْت ذُنُوبَكْ. وَ مِثِلْ الرِّيحْ تِشِيلْ الْغَمَامْ، أَنَا قَشَّيْت خَطَايَاكْ. قَبِّلْ لَيِّ أَشَانْ أَنَا فَدَيْتَكْ.

إشَعْيا 43:25

أَنَا! أَنَا بَسْ هُو! أَنَا بِنَفْسِي نُقُشّ عِصْيَانَكْ وَ بَتَّانْ مَا نِذَّكَّرْ ذُنُوبَكْ.

زَبُور 51:9

مَا تِوَجِّهْ عَلَيْ ذُنُوبِي وَ أَمْحَا كُلَّ خَطَايِ.

زَبُور 51:1

يَا رَبِّي! حِنّ فَوْقِي حَسَبْ نِعْمَتَكْ وَ بِرَحْمَتَكْ الْكَبِيرَةْ، أَمْحَا خَطَايِ.

أيُّوب 31:35

فِي نَادُمْ الْيَسْمَعْنِي وَلَّا؟ وَ دَا كَلَامِي الْأَخِيرْ. خَلِّي الْقَادِرْ يُرُدّ لَيِّ! كَنْ فِي شَكْوَةْ مِنْ عَدُويِ مَكْتُوبَةْ ضِدِّي،

2 أخبار 34:24

‹دَاهُو اللّٰهْ قَالْ: ”أَكِيدْ أَنَا نِجِيبْ مَصِيبَةْ فِي مَدِينَةْ الْقُدُسْ وَ فِي سُكَّانْهَا. وَ دَا يِحَقِّقْ كُلَّ كَلَامْ اللَّعَنَةْ الْمَكْتُوبْ فِي الْكِتَابْ الْقَرَوْه لِمَلِكْ مَمْلَكَةْ يَهُوذَا.

تَثْنِية 31:19

«وَ هَسَّعْ، أَكْتُبُوا الْغِنَيْ دَا وَ عَلُّمُوهْ لِبَنِي إِسْرَائِيلْ. وَ أَحْفَضَوْه لَيْهُمْ أَشَانْ الْغِنَيْ دَا يَشْهَدْ لَيِّ ضِدّ بَنِي إِسْرَائِيلْ.

خُروج 17:14

وَ خَلَاصْ، اللّٰهْ قَالْ لِمُوسَى: «أَكْتِبْ كُلَّ الشَّيّءْ دَا فِي كِتَابْ أَشَانْ مَا يِنَّسِي. وَ خَلِّي يَشُوعْ كُلَ يَسْمَعَهْ أَشَانْ أَنَا نُقُشّ كُلَّ الْعَمَالِقْ مِنْ الْأَرْض وَ بَتَّانْ نَادُمْ مَا يِحَجِّي بَيْهُمْ.»

عَدد 5:22

وَ خَلِّي الْأَلْمِي الْيِجِيبْ اللَّعَنَةْ دَا يَدْخُلْ فِي بَطُنْكِ وَ يَنْفُخْهَا وَ بَيْدَا، تَبْقَيْ عَاقْرَةْ.› وَ هِي تُقُولْ: ‹آمِينْ! آمِينْ!›

عَدد 5:24

وَ يَنْطِي الْأَلْمِي الْمُرّ الْيِجِيبْ اللَّعَنَةْ لِلْمَرَةْ أَشَانْ يِجِيبْ فَوْقهَا اللَّعَنَةْ وَ مَرَارَةْ الدُّنْيَا.