عَدد 33:2 - الكتاب المقدس بالعربي الدارجي هنا تشاد

² وَ مُوسَى يَكْتِبْ الْبَكَانَاتْ الْيِسِيرُوا مِنْهُمْ وَ الْيَنْزُلُوا فَوْقهُمْ حَسَبْ أَمُرْ اللّٰهْ وَ دَاهُو مَرَاحِلْهُمْ حَسَبْ مَسَارْهُمْ.

عَدد 33:2 Referenca të Kryqëzuara

تَثْنِية 10:11

وَ اللّٰهْ قَالْ لَيِّ: «قُمّ وَ أَمْشِي قِدَّامْ الشَّعَبْ دَا وَ خَلِّي يَمْشُوا يِشِيلُوا الْبَلَدْ الْأَنَا حَلَفْت نَنْطِيهَا لِجُدُودْهُمْ.»

تَثْنِية 1:2

وَ مِنْ حُورِيبْ لِقَادِشْ بَرْنِيعَ، عِنْدَهْ 11 يَوْم بِالرِّجِلْ. وَ دَا بِالدَّرِبْ الْيِعَدِّي بِبَلَدْ جِبَالْ سَعِيرْ.

عَدد 10:13

وَ دَا أَوَّلْ مَسَارْ الْأَمَرَاهُمْ بَيَّهْ اللّٰهْ بِوَاسِطَةْ مُوسَى.

عَدد 10:6

وَ كَنْ تَضُرْبُوا الْبُرُنْجِي عِدَّةْ مَرَّاتْ ضَرْبَةْ تَانِيَةْ، الْمُعَسْكَرْ النَّازِلْ وَطِي يُقُمّ يِسِيرْ. وَ ضَرِبِينْ الْبُرُنْجِي عِدَّةْ مَرَّاتْ دَا يِوَصِّفْ الْمَسَارْ.

خُروج 17:14

وَ خَلَاصْ، اللّٰهْ قَالْ لِمُوسَى: «أَكْتِبْ كُلَّ الشَّيّءْ دَا فِي كِتَابْ أَشَانْ مَا يِنَّسِي. وَ خَلِّي يَشُوعْ كُلَ يَسْمَعَهْ أَشَانْ أَنَا نُقُشّ كُلَّ الْعَمَالِقْ مِنْ الْأَرْض وَ بَتَّانْ نَادُمْ مَا يِحَجِّي بَيْهُمْ.»

عَدد 33:1

وَ دَوْل مَرَاحِلْ الْمَسَارْ هَنَا بَنِي إِسْرَائِيلْ وَكِتْ مَرَقَوْا مِنْ بَلَدْ مَصِرْ حَسَبْ مَجْمُوعَاتْهُمْ الْعَسْكَرِيَّةْ تِحِتْ قِيَادَةْ مُوسَى وَ هَارُونْ.

عَدد 33:3

وَ هُمَّنْ قَمَّوْا مِنْ رَعَمْسِيس يَوْم 15 هَنَا الشَّهَرْ الْأَوَّلْ وَ دَا فِي الْيَوْم التَّانِي هَنَا عِيدْ الْفِصْحَ الْأَوَّلْ. وَ فِي الْيَوْم دَا، بَنِي إِسْرَائِيلْ قَمَّوْا مَشَوْا بِكُلَّ حُرِّيَّةْ قِدَّامْ كُلَّ الْمَصْرِيِّينْ.