عَدد 32:41 - الكتاب المقدس بالعربي الدارجي هنا تشاد

⁴¹ وَ ذُرِّيَّةْ يَيِيرْ وِلَيْد مَنَسَّى مَشَوْا شَالَوْا فُرْقَانْ الْأَمُورِيِّينْ وَ سَمَّاهُمْ فُرْقَانْ يَيِيرْ.

عَدد 32:41 Referenca të Kryqëzuara

تَثْنِية 3:14

وَ ذُرِّيَّةْ يَيِيرْ وِلَيْد مَنَسَّى شَالَوْا كُلَّ مَنْطَقَةْ أَرْقُوبْ لَحَدِّي تُرَابْ الْقَشُورِيِّينْ وَ الْمَعَاكِيِّينْ. وَ سَمَّوْا بَلَدْ بَاشَانْ بِأُسُمْ جِدُّهُمْ يَيِيرْ وَ لَحَدِّي الْيَوْم كُلَ، بِنَادُوهَا فُرْقَانْ يَيِيرْ.

قُضياء 10:4

وَ هُو عِنْدَهْ 30 أَوْلَادْ رَاكْبِينْ فِي 30 دُحُوشْ وَ عِنْدُهُمْ 30 حِلَّالْ الْبِسَمُّوهُمْ لَحَدِّي الْيَوْم فُرْقَانْ يَيِيرْ فِي تُرَابْ قِلْعَادْ.

يَشُوع 13:30

وَ قِسِمْهُمْ مِنْ مَحَنَايِمْ لَحَدِّي كُلَّ تُرَابْ بَاشَانْ وَ دَا كُلَّ أَرْض مَمْلَكَةْ عُوقْ مَلِكْ بَاشَانْ وَ كُلَّ فُرْقَانْ يَيِيرْ الْقَاعِدِينْ فِي بَاشَانْ، عَدَدْهُمْ 60 فَرِيقْ.

1 مُلوك 4:13

وَ وِلَيْد قِيبَرْ حَاكِمْ فِي رَامُوتْ الْفِي قِلْعَادْ. وَ هُو مَسْؤُولْ فِي حِلَّالْ هَنَا يَيِيرْ وِلَيْد مَنَسَّى فِي قِلْعَادْ. وَ بَتَّانْ هُو حَاكِمْ فِي أَرْقُوبْ فِي تُرَابْ بَاشَانْ وَ 60 مُدُنْ كُبَارْ وَ مُحَوَّقِينْ بِدَرَادِرْ قَوِيِّينْ وَ مُقَفَّلِينْ بِحَوَادِرْ هَنَا نَحَاسْ.