عَدد 32:22 - الكتاب المقدس بالعربي الدارجي هنا تشاد

²² وَ خَلِّي رُجَالْكُو مَا يِقَبُّلُوا لَحَدِّي الْأَرْض تَبْقَى تِحِتْ مَسْؤُولِيَّةْ اللّٰهْ. وَ مِثِلْ دَا، وَ لَا اللّٰهْ وَ لَا بَنِي إِسْرَائِيلْ كُلَ يَجْعَلَوْكُو بَرِيِّينْ وَ خَلَاصْ الْأَرْض الْإِنْتُو قَاعِدِينْ فَوْقهَا، اللّٰهْ يَرْضَى هِي تَبْقَى مِثِلْ وَرَثَتْكُو.

عَدد 32:22 Referenca të Kryqëzuara

يَشُوع 22:9

وَ بِمِثِلْ دَا، قَبِيلَةْ رَأُوبِينْ وَ قَبِيلَةْ قَادْ وَ نُصّ قَبِيلَةْ مَنَسَّى قَمَّوْا مِنْ بَكَانْ بَنِي إِسْرَائِيلْ فِي شِيلَوْه فِي بَلَدْ كَنْعَانْ وَ مَشَوْا لِبَلَدْ قِلْعَادْ أَرْض وَرَثَتْهُمْ الْاللّٰهْ أَنْطَاهَا لَيْهُمْ بِوَاسِطَةْ مُوسَى.

يَشُوع 22:4

وَ هَسَّعْ اللّٰهْ إِلٰـهْكُو أَنْطَى الرَّاحَةْ لِأَخْوَانْكُو مِثِلْ هُو وَاعَدَاهُمْ بَيْهَا. وَ هَسَّعْ تَقْدَرَوْا تَمْشُوا لِخِيَمْكُو فِي بَلَدْكُو الْأَنْطَاهَا لَيْكُو مُوسَى عَبْد اللّٰهْ صَبَاحْ غَادِي لِبَحَرْ الْأُرْدُنْ.

تَثْنِية 3:20

وَ سَاعُدُوا أَخْوَانْكُو لَحَدِّي اللّٰهْ يَنْطِيهُمْ الرَّاحَةْ مِثِلْكُو. وَ وَكِتْ هُمَّنْ كُلَ شَالَوْا الْبَلَدْ الْيَنْطِيهَا لَيْهُمْ اللّٰهْ إِلٰـهْكُو وَرَثَةْ غَرِبْ لِبَحَرْ الْأُرْدُنْ، فِي الْوَكِتْ دَا، إِنْتُو تِقَبُّلُوا وَ تَقْعُدُوا أَيِّ وَاحِدْ فِي أَرْضَهْ الْأَنَا أَنْطَيْتهَا لَيَّهْ.»

يَشُوع 13:8

وَ النُّصّ الْآخَرْ هَنَا قَبِيلَةْ مَنَسَّى وَ قَبِيلَةْ رَأُوبِينْ وَ قَبِيلَةْ قَادْ لِقَوْا أَرْض وَرَثَتْهُمْ صَبَاحْ لِبَحَرْ الْأُرْدُنْ وَ دَا بَسْ الْأَنْطَاهْ لَيْهُمْ مُوسَى عَبْد اللّٰهْ.

يَشُوع 1:15

سَاعُدُوا أَخْوَانْكُو لَحَدِّي اللّٰهْ يَنْطِيهُمْ الرَّاحَةْ مِثِلْكُو وَ هُمَّنْ كُلَ يِشِيلُوا الْأَرْض الْأَنْطَاهَا لَيْهُمْ اللّٰهْ إِلٰـهْكُو. وَ بَعَدْ دَا، تِقَبُّلُوا فِي أَرْض وَرَثَتْكُو، صَبَاحْ لِبَحَرْ الْأُرْدُنْ، الْأَنْطَاهَا لَيْكُو مُوسَى عَبْد اللّٰهْ.»

زَبُور 78:55

هُو طَرَدْ أُمَمْ قِدَّامْهُمْ وَ كَالْ الْأَرْض بِحُبَالْ وَ قَسَّمَاهَا لَيْهُمْ وَرَثَةْ وَ سَكَّنْ قَبَايِلْ بَنِي إِسْرَائِيلْ فِي بُيُوتْهُمْ.

2 صَمُوِيل 3:28

وَ وَكِتْ دَاوُدْ سِمِعْ بِشَيّءْ الْكَانْ دَا، قَالْ: «أَنَا وَ مَمْلَكَتِي بَرِيِّينْ قِدَّامْ اللّٰهْ مِنْ دِمَّةْ أَبْنِيرْ وِلَيْد نِيرْ إِلَى الْأَبَدْ.

يَشُوع 18:1

وَ بَعَدْ خَطَّوْا كُلَّ الْبَلَدْ تِحِتْ حُكُمْهُمْ، كُلَّ مُجْتَمَعْ بَنِي إِسْرَائِيلْ لَمَّوْا فِي شِيلَوْه وَ بَنَوْا خَيْمَةْ الْإِجْتِمَاعْ.

يَشُوع 11:23

وَ يَشُوعْ شَالْ كُلَّ الْبَلَدْ وَ دَا حَسَبْ كَلَامْ اللّٰهْ الْقَالَهْ لِمُوسَى. وَ الْبَلَدْ دِي، يَشُوعْ أَنْطَاهَا لِبَنِي إِسْرَائِيلْ وَرَثَةْ لِيِقَسُّمُوهَا أَمْبَيْنَاتْ قَبَايِلْهُمْ. وَ خَلَاصْ، الْحَرِبْ وَقَفْ وَ الْبَلَدْ لِقَتْ الرَّاحَةْ.

يَشُوع 10:42

وَ يَشُوعْ غَلَبْ كُلَّ الْمُلُوكْ دَوْل وَ شَالْ بُلْدَانْهُمْ فِي وَكِتْ وَاحِدْ أَشَانْ اللّٰهْ إِلٰـهْ بَنِي إِسْرَائِيلْ قَاعِدْ يِحَارِبْ لَيْهُمْ.

يَشُوع 10:30

وَ لِبْنَةْ كُلَ اللّٰهْ سَلَّمَاهَا هِي وَ مَلِكْهَا فِي إِيدْ بَنِي إِسْرَائِيلْ وَ هُمَّنْ كَتَلَوْا مَلِكْهَا بِالْسَّيْف وَ دَمَّرَوْا كُلَّ نَاسْهَا لَحَدِّي نَادُمْ وَاحِدْ مِنْهُمْ كُلَ مَا فَضَّلْ حَيّ. وَ يَشُوعْ سَوَّى فِي مَلِكْ لِبْنَةْ مِثِلْ سَوَّى فِي مَلِكْ أَرِيحَا.

يَشُوع 2:19

وَ كَنْ نَادُمْ مِنْهُمْ مَرَقْ مِنْ بَيْتكِ، أَنِحْنَ بَرِيِّينْ مِنَّهْ وَ هُو يِلْحَمَّلْ مَسْؤُولِيَّةْ مَوْتَهْ. وَ كَنْ نَادُمْ مِنْ نَاسْكِ الْمَعَاكِ كَتَلَوْه فِي بَيْتكِ، أَنِحْنَ نِلْحَمَّلَوْا مَسْؤُولِيَّةْ مَوْتَهْ.

لاوِيِّين 14:34

وَكِتْ تِوَصُّلُوا فِي بَلَدْ كَنْعَانْ النَّنْطِيهَا لَيْكُو وَرَثَةْ، كَنْ أَنَا نُخُطّ بَرْنُوقْ فِي وَاحِدْ مِنْ الْبُيُوتْ هَنَا الْبَلَدْ التَّبْقَى هِنْتُكُو،

عَدد 32:21

وَ خَلِّي كُلَّ رُجَالْكُو يِسَّلَّحَوْا وَ يَقْطَعَوْا بَحَرْ الْأُرْدُنْ فِي شَانْ اللّٰهْ وَ يِشِيلُوا أَرْض عُدْوَانَهْ.