عَدد 31:2 - الكتاب المقدس بالعربي الدارجي هنا تشاد

² «شِيلْ لِبَنِي إِسْرَائِيلْ تَارْهُمْ فِي الْمِدْيَانِيِّينْ وَ بَعَدْ دَا، تُمُوتْ وَ تَلْحَقْ أَبَّهَاتَكْ.»

عَدد 31:2 Referenca të Kryqëzuara

عَدد 27:13

إِنْتَ تِشِيفْهَا وَ بَعَدْ دَا، تُمُوتْ إِنْتَ كُلَ مِثِلْ أَخُوكْ هَارُونْ وَ تَلْحَقْ أَبَّهَاتَكْ.

رُؤية 6:10

وَ صَرَخَوْا بِحِسّ شَدِيدْ وَ قَالَوْا: «يَا رَبِّنَا الْحَقّ وَ الْقُدُّوسْ. نَرْجَوْا كَمْ يَوْم حَتَّى إِنْتَ تِعَاقِبْ وَ تِشِيلْ لَيْنَا التَّارْ فِي سُكَّانْ الْأَرْض الدَّفَّقَوْا دَمِّنَا؟»

قُضياء 2:10

وَ بَعَدْ كُلَّ الذُّرِّيَّةْ دِي مَاتَتْ وَ لِحْقَتْ أَبَّهَاتْهَا، ذُرِّيَّةْ آخَرَةْ قَمَّتْ بَعَدْهَا وَ لَاكِنْ الذُّرِّيَّةْ دِي مَا عِرْفَتْ اللّٰهْ وَ لَا الْأَعْمَالْ السَّوَّاهُمْ لِبَنِي إِسْرَائِيلْ.

رُؤية 19:2

حِسَابَهْ حَقّ وَ عَادِلْ. هُو حَاسَبْ الشَّرْمُوطَةْ الْكَبِيرَةْ الْفَسَدَتْ نَاسْ الْأَرْض بِزِنَاهَا. هِي دَفَّقَتْ دَمّ عَبِيدْ اللّٰهْ وَ اللّٰهْ شَالْ لَيْهُمْ التَّارْ فَوْقهَا.»

رُؤية 18:20

يَا سُكَّانْ السَّمَاوَاتْ، أَفْرَحَوْا بِدَمَارْهَا. يَا الرُّسُلْ وَ الْأَنْبِيَاء وَ الصَّالِحِينْ، أَفْرَحَوْا! أَشَانْ اللّٰهْ قَطَعْ لَيْكُو شَرِيعَةْ وَ عَاقَبَاهَا خَلَاصْ.»

عِبْرَانِيِّين 10:30

نَعَرْفُوا اللّٰهْ بَسْ الْقَالْ: <التَّارْ هَنَايِ، أَنَا بَسْ النِّشِيلَهْ.> وَ بَتَّانْ مَكْتُوبْ: <اللّٰهْ يِحَاكِمْ شَعَبَهْ.>

1 تَسَلونِيكِي 4:6

فِي الْكَلَامْ دَا، خَلِّي نَادُمْ مَا يَخْطَا فِي أَخُوهْ وَ لَا يُغُشَّهْ أَشَانْ حَذَّرْنَاكُو مِنْ أَوَّلْ بِكَلَامْ وَاضِحْ، اللّٰهْ يِعَاقِبْ النَّاسْ الْيِسَوُّوا كُلَّ الذُّنُوبْ الْمِثِلْ دَوْل.

رَوْمَا 13:4

الْحَاكِمْ هُو خَدَّامْ اللّٰهْ لِخَيْرَكْ. لَاكِنْ كَنْ إِنْتَ مُجْرِمْ، لَابُدَّ تَخَافْ مِنَّهْ أَشَانْ الْحَاكِمْ عِنْدَهْ السَّيْف وَ مَا يِشِيلَهْ سَاكِتْ. هُو خَدَّامْ اللّٰهْ أَشَانْ يِنَزِّلْ غَضَبْ اللّٰهْ فِي الْمُجْرِمْ.

رَوْمَا 12:19

يَا الْمَحْبُوبِينْ، مَا تِشِيلُوا التَّارْ. خَلُّوا غَضَبْ اللّٰهْ يِشِيلْ لَيْكُو التَّارْ أَشَانْ مَكْتُوبْ فِي الْكِتَابْ: <التَّارْ هَنَايِ. أَنَا بَسْ النِّشِيلَهْ.> دَا بَسْ كَلَامْ اللّٰهْ.

أعمال الرُسُل 13:36

وَ دَاوُدْ سَوَّى كُلَّ شَيّءْ الْاللّٰهْ دَوَّرَهْ فِي وَكْتَهْ وَ بَعَدْ دَا، هُو مَاتْ وَ لِحِقْ جُدُودَهْ وَ جَنَازْتَهْ بِقَتْ تُرَابْ.

لُوقا 21:22

أَشَانْ فِي الْوَكِتْ دَا، اللّٰهْ يِعَاقِبْ شَعَبَهْ وَ كُلَّ الْكَلَامْ الْأَوَّلْ الْأَنْبِيَاء كَتَبَوْه فَوْقهُمْ يِتِمّ.

نَاحُوم 1:2

اللّٰهْ هُو غَيُّورْ. أَيْوَى، مَا يِدَوْر يَعَبُدُوا إِلٰـهْ آخَرْ بَلَايَهْ وَ يِشِيلْ التَّارْ. أَيْوَى، اللّٰهْ هُو الْيِشِيلْ التَّارْ وَ سِيدْ الْغَضَبْ الشَّدِيدْ. هُو يِشِيلْ التَّارْ فِي خُصْمَانَهْ وَ يَغْضَبْ لِعُدْوَانَهْ.

إشَعْيا 1:24

فِي شَانْ كُلَّ الشَّيّءْ دَا، دَاهُو كَلَامْ اللّٰهْ الرَّبّ الْقَادِرْ، جَبَّارْ إِسْرَائِيلْ. هُو قَالْ: «الْعَذَابْ لَيْكِ، يَا مَدِينَةْ الْقُدُسْ! نِشِيلْ التَّارْ فَوْقكِ، إِنْتِ خَصِيمْتِي أَيْوَى نِكَمِّلْكِ، إِنْتِ عَدُويِ.

قُضياء 16:24

وَ وَكِتْ الشَّعَبْ شَافَوْا شَمْشُونْ، شَكَرَوْا إِلٰـهُّمْ وَ قَالَوْا: «إِلٰـهْنَا سَلَّمْ لَيْنَا عَدُونَا فِي إِيدَيْنَّا! هُو بَسْ الْخَرَبْ بَلَدْنَا وَ كَتَّرْ مَيْتِينَّا.»

تَثْنِية 32:35

وَ أَنَا بَسْ النِّشِيلْ التَّارْ وَ نَنْطِي الْأَجُرْ وَكِتْ رِجْلَيْهُمْ يِتَّرْتَعَوْا أَشَانْ يَوْم خَرَابْهُمْ قَرَّبْ وَ يَجِيهُمْ بِسُرْعَةْ.»

عَدد 31:3

وَ مُوسَى قَالْ لِلشَّعَبْ: «خَلِّي رُجَالْ وَاحِدِينْ مِنْكُو يِشِيلُوا سِلَاحْهُمْ لِيِحَارُبُوا الْمِدْيَانِيِّينْ وَ يِشِيلُوا فِيهُمْ تَارْ بِأُسُمْ اللّٰهْ.

عَدد 25:6

وَ وَكِتْ بَنِي إِسْرَائِيلْ قَاعِدِينْ يَبْكُوا فِي مَدَخَلْ خَيْمَةْ الْإِجْتِمَاعْ، فِي رَاجِلْ مِنْ بَنِي إِسْرَائِيلْ جَايِ لِأَخْوَانَهْ مَعَ مَرَةْ مِدْيَانِيَّةْ. وَ مُوسَى وَ كُلَّ مُجْتَمَعْ بَنِي إِسْرَائِيلْ شَافَوْه.

عَدد 20:26

وَ سِلّ خُلْقَانْ رَاجِلْ الدِّينْ مِنْ هَارُونْ وَ لَبِّسْهُمْ لِوِلَيْدَهْ أَلِعَازَرْ وَ خَلَاصْ هَارُونْ يُمُوتْ فِي الْبَكَانْ دَاكْ.»

عَدد 20:24

«هَارُونْ يُمُوتْ وَ يَلْحَقْ أَبَّهَاتَهْ. وَ هُو مَا يَدْخُلْ فِي الْبَلَدْ الْأَنَا أَنْطَيْتهَا لِبَنِي إِسْرَائِيلْ أَشَانْ إِنْتُو عِصِيتُوا كَلَامِي فِي أَلْمِي مَرِيبَةْ.

خُروج 2:16

وَ فِيَّهْ رَاجِلْ دِينْ وَاحِدْ أُسْمَهْ رَعُوِيلْ فِي بَلَدْ مِدْيَانْ عِنْدَهْ سَبْعَةْ بَنَاتْ. وَ هِنَّ جِنْ لِيِسِلَّنْ أَلْمِي مِنْ الْبِيرْ وَ يَمْلَنْ الْحِيطَانْ لِيَزْقَنْ غَنَمْ أَبُوهِنْ.

تكوين 25:17

وَ إِسْمَاعِيلْ عَاشْ 137 سَنَةْ وَ مَاتْ وَ لِحِقْ أَبَّهَاتَهْ.

تكوين 25:8

وَ وَكِتْ شَيَّبْ وَ شِبِعْ مِنْ الدُّنْيَا، هُو مَاتْ وَ لِحِقْ أَبَّهَاتَهْ بِفَرْحَةْ وَ سَلَامْ.

تكوين 15:15

وَ كَنْ لَيْك إِنْتَ، تِشَيِّبْ وَ تَلْحَقْ أَبَّهَاتَكْ بِسَلَامْ وَ بِفَرْحَةْ، وَ يَدْفُنُوكْ.

عَدد 25:1

وَكِتْ بَنِي إِسْرَائِيلْ قَعَدَوْا فِي شِطِّيمْ، قَمَّوْا يَفْسُدُوا مَعَ بَنَاتْ الْمُوَابِيِّينْ.

عَدد 31:1

وَ اللّٰهْ حَجَّى لِمُوسَى وَ قَالْ:

تَثْنِية 4:22

وَ كَنْ لَيِّ أَنَا، نُمُوتْ فِي الْبَلَدْ دِي، مَا نَقْطَعْ بَحَرْ الْأُرْدُنْ مَعَاكُو. وَ لَاكِنْ إِنْتُو تَقْطَعَوْه وَ تِشِيلُوا الْبَلَدْ الْعَدِيلَةْ دِي وَرَثَةْ.