عَدد 30:12 - الكتاب المقدس بالعربي الدارجي هنا تشاد

¹² وَ لَاكِنْ كَنْ رَاجِلْهَا يِبَطِّلْ كَلَامْهَا فِي نَفْس الْيَوْم وَكِتْ هُو سِمِعْ، خَلَاصْ هِي مَا عِنْدَهَا نَذِرْ وَ لَا عِنْدَهَا حَلِيفَةْ أَشَانْ رَاجِلْهَا بَطَّلَاهُمْ وَ اللّٰهْ يَغْفِرْ لَيْهَا.

عَدد 30:12 Referenca të Kryqëzuara

عَدد 30:8

وَ لَاكِنْ كَنْ فِي نَفْس الْيَوْم وَكِتْ رَاجِلْهَا سِمِعْ بَسْ دَحَرْهَا، خَلَاصْ هُو يِبَطِّلْ النَّذِرْ وَ الْحَلِيفَةْ السَّوَّتْهُمْ وَ بَيْدَا، اللّٰهْ يَغْفِرْ لَيْهَا.

1 كُرُنْتُس 11:3

وَ لَاكِنْ فِي شَيّءْ نِدَوْر إِنْتُو تَفْهَمَوْه وَ دَا هُو. رَئِيسْ هَنَا أَيِّ رَاجِلْ، هُو الْمَسِيحْ وَ رَئِيسْ الْمَرَةْ، هُو الرَّاجِلْ وَ رَئِيسْ الْمَسِيحْ، هُو اللّٰهْ.

عَدد 30:5

وَ لَاكِنْ كَنْ فِي نَفْس الْيَوْم وَكِتْ أَبُوهَا سِمِعْ بَسْ دَحَرْهَا، خَلَاصْ هِي مَا مَسْؤُولَة مِنْ النَّذِرْ وَ لَا مِنْ الْحَلِيفَةْ وَ اللّٰهْ يَغْفِرْ لَيْهَا أَشَانْ أَبُوهَا دَحَرْهَا.

عَدد 15:28

وَ رَاجِلْ الدِّينْ يِسَوِّي كَفَّارَةْ لِلذَّنِبْ هَنَا النَّادُمْ السَّوَّاهْ بَلَا رَايْه قِدَّامْ اللّٰهْ. وَ وَكِتْ رَاجِلْ الدِّينْ يِسَوِّي كَفَّارَةْ، النَّادُمْ دَا يَلْقَى الْغُفْرَانْ.

عَدد 15:25

وَ رَاجِلْ الدِّينْ يِسَوِّي كَفَّارَةْ لِذُنُوبْ كُلَّ مُجْتَمَعْ بَنِي إِسْرَائِيلْ وَ هُمَّنْ يَلْقَوْا الْغُفْرَانْ. أَشَانْ الذَّنِبْ دَا سَوَّوْه بَلَا رَايْهُمْ وَ هُمَّنْ جَابَوْا ضَحِيَّةْ مُحَرَّقَةْ لِلّٰهْ وَ قَدَّمَوْا ضَحِيَّةْ لِكَفَّارَةْ الذَّنِبْ.

عَدد 30:11

كَنْ رَاجِلْهَا سِمِعْ وَ مَا قَالْ شَيّءْ وَ مَا دَحَرْهَا، خَلَاصْ نَذِرْهَا دَا هِي مَسْؤُولَة مِنَّهْ وَ حَلِيفِتْهَا كُلَ هِي مَسْؤُولَة مِنْهَا.

عَدد 30:13

«وَ أَيِّ نَذِرْ أَوْ حَلِيفَةْ هَنَا صِيَامْ، رَاجِلْهَا بَسْ يِبَطِّلَهْ أَوْ يِأَكِّدَهْ.

إرْمِيا 44:17

وَ أَكِيدْ أَنِحْنَ نِطَبُّقُوا كُلَّ الْكَلَامْ الْمَرَقْ مِنْ خَشُمْنَا. وَ نِحَرُّقُوا بَخُورْ وَ نِقَدُّمُوا هَدِيَّةْ شَرَابْ لِإِلٰـهْنَا مَلِكَةْ السَّمَاءْ مِثِلْ أَوَّلْ أَنِحْنَ سَوَّيْنَاهْ، أَنِحْنَ وَ جُدُودْنَا وَ مُلُوكْنَا وَ كُبَارَاتْنَا فِي حِلَّالْ بَلَدْ يَهُوذَا وَ فِي شَوَارِعْ مَدِينَةْ الْقُدُسْ. وَ خَلَاصْ فِي الْوَكِتْ دَاكْ، أَنِحْنَ شِبِعْنَا وَ عِشْنَا فِي الرَّاحَةْ وَ أَبَداً مَا شِفْنَا تَعَبْ.

1 صَمُوِيل 1:23

وَ رَاجِلْهَا قَالْ: «سَوِّي الشَّيّءْ التِّدَوْرَهْ. وَ أَقْعُدِي لَحَدِّي تَفُرْدِيهْ. وَ اللّٰهْ بَسْ يِحَقِّقْ كَلَامَهْ.» وَ خَلَاصْ، حِنَّةْ قَعَدَتْ فِي الْبَيْت وَ كَرَبَتْ وِلَيْدهَا لَحَدِّي فَرَدَتَهْ.

إرْمِيا 44:19

وَ الْعَوِينْ قَالَنْ: «وَكِتْ أَنِحْنَ نِحَرُّقُوا بَخُورْ وَ نِقَدُّمُوا هَدِيَّةْ شَرَابْ لِمَلِكَةْ السَّمَاءْ، دَا مَا بِإِذِنْ رُجَالْنَا وَلَّا؟ وَ مَا بِإِذِنْ رُجَالْنَا قَاعِدِينْ نِسَوُّوا كَعَكْ فِي صُورِتْهَا وَ نِقَدُّمُوا لَيْهَا هَدِيَّةْ شَرَابْ وَلَّا؟»