عَدد 3:32 - الكتاب المقدس بالعربي الدارجي هنا تشاد

³² وَ كُبَارَاتْ اللَّاوِيِّينْ كَبِيرْهُمْ أَلِعَازَرْ وِلَيْد هَارُونْ رَاجِلْ الدِّينْ. وَ هُو مَسْؤُولْ مِنْ النَّاسْ الْيَحْفَضَوْا الْبَكَانْ الْمُقَدَّسْ.

عَدد 3:32 Referenca të Kryqëzuara

2 مُلوك 25:18

وَ بَتَّانْ كَبِيرْ الْحُرَّاسْ كَرَبْ سَرَايَا كَبِيرْ رُجَالْ الدِّينْ وَ صَفَنْيَا رَاجِلْ الدِّينْ النَّايِبْ وَ الْحُرَّاسْ التَّلَاتَةْ هَنَا مَدَخَلْ بَيْت اللّٰهْ.

عَدد 4:27

«وَ بِأَمُرْ مِنْ هَارُونْ وَ أَوْلَادَهْ، ذُرِّيَّةْ قِرْشُونْ يِسَوُّوا كُلَّ خِدْمِتْهُمْ هَنَا النَّقِلِينْ. وَ هُمَّنْ بَسْ الْيِكَلُّفُوا ذُرِّيَّةْ قِرْشُونْ بِالْخُمَامْ الْيَحْفَضَوْه وَ الْيَنْقُلُوهْ.

عَدد 4:16

وَ أَلِعَازَرْ وِلَيْد هَارُونْ رَاجِلْ الدِّينْ مُكَلَّفْ بِدِهِنْ الْفَانُوسْ وَ الْبَخُورْ الْمُعَطَّرْ وَ الْهَدِيَّةْ الدَّايْمَةْ وَ دِهِنْ الْمَسَحَانْ. وَ هُو عِنْدَهْ مَسْؤُولِيَّةْ فِي كُلَّ خَيْمَةْ الْعِبَادَةْ وَ فِي كُلَّ شَيّءْ الْقَاعِدْ فِي لُبَّهَا وَ فِي الْبَكَانْ الْمُقَدَّسْ وَ كُلَّ مُعِدَّاتَهْ.»

عَدد 3:31

وَ هُمَّنْ مَسْؤُولِينْ مِنْ صَنْدُوقْ مُعَاهَدَةْ اللّٰهْ وَ الطَّرَبَيْزَةْ وَ الْفَانُوسْ وَ الْمَدَابِحْ وَ الْمُعِدَّاتْ الْمُخَصَّصِينْ وَ السِّتَارْ الْيِدَارِقْ صَنْدُوقْ مُعَاهَدَةْ اللّٰهْ. وَ قَبِيلَةْ قَهَاتْ مَسْؤُولَة مِنْ كُلَّ الْخُمَامْ دَوْل.

عَدد 3:33

وَ مِنْ مَرَارِي وِلَيْد لَاوِي مَرَقَوْا خُشُومْ بُيُوتْ مَحْلِي وَ مُوشِي. وَ هُمَّنْ بَسْ الْيِكَوُّنُوا قَبِيلَةْ مَرَارِي.

عَدد 4:40

وَ فِي خُشُومْ الْبُيُوتْ وَ الْعَايِلَاتْ دَوْل عَدَدْ الرُّجَالْ بِقِي 2 630 رَاجِلْ.

عَدد 8:26

هُو يِسَاعِدْ أَخْوَانَهْ الْقَاعِدِينْ يَحْفَضَوْا وَ يَخْدُمُوا فِي خَيْمَةْ الْإِجْتِمَاعْ لَاكِنْ مَا يَنْطُوهْ خِدْمَةْ خَاصَّةْ لَيَّهْ. وَ دَا الشَّيّءْ الْوَاجِبْ تِسَوِّيهْ فِي الْخِدْمَةْ التُّخُصّ اللَّاوِيِّينْ.»

عَزْرا 7:5

وِلَيْد أَبِشُوعْ وِلَيْد فِينْحَاسْ وِلَيْد أَلِعَازَرْ وِلَيْد هَارُونْ. وَ هَارُونْ دَا، هُو رَاجِلْ الدِّينْ الْأَوَّلْ.

حِزْقِيال 40:45

وَ الرَّاجِلْ قَالْ لَيِّ: «الْغُرْفَةْ الْمُوَجِّهَةْ وَطِي، دِي هِنْت رُجَالْ الدِّينْ الْيَحْفَضَوْا خِدْمَةْ الْبَيْت الْمُقَدَّسْ.