عَدد 3:3 - الكتاب المقدس بالعربي الدارجي هنا تشاد

³ وَ دَوْل أَوْلَادْ هَارُونْ الْمَسَحَوْهُمْ وَ دَرَّجَوْهُمْ رُجَالْ دِينْ.

عَدد 3:3 Referenca të Kryqëzuara

خُروج 28:41

وَ بَعَدْ تِلَبِّسْ أَخُوكْ هَارُونْ وَ أَوْلَادَهْ الْخُلْقَانْ دَوْل، أَمْسَحْهُمْ وَ دَرِّجْهُمْ وَ خَصِّصْهُمْ لِيَبْقَوْا لَيِّ رُجَالْ دِينْ.

لاوِيِّين 8:30

وَ مُوسَى شَالْ دِهِنْ الْمَسَحَانْ وَ الدَّمّ الْقَاعِدْ فِي الْمَدْبَحْ وَ رَشَّ هَارُونْ وَ خُلْقَانَهْ وَ أَوْلَادَهْ وَ خُلْقَانْهُمْ. وَ بِمِثِلْ دَا، هُو خَصَّصْ هَارُونْ وَ خُلْقَانَهْ وَ أَوْلَادَهْ وَ خُلْقَانْهُمْ.

لاوِيِّين 8:12

وَ صَبَّ مِنْ دِهِنْ الْمَسَحَانْ دَا فِي رَاسْ هَارُونْ وَ مَسَحَهْ لِيِخَصِّصَهْ.

عِبْرَانِيِّين 7:28

أَيْوَى، شُرُوطْ التَّوْرَاةْ خَطَّوْا نَاسْ ضَعِيفِينْ لِيَبْقَوْا كُبَارَاتْ هَنَا رُجَالْ الدِّينْ. لَاكِنْ الْحَلِيفَةْ الْجَاتْ بَعَدْ التَّوْرَاةْ خَطَّتْ إِبْن اللّٰهْ كَبِيرْ رُجَالْ الدِّينْ. وَ اللّٰهْ سَوَّاهْ كَامِلْ إِلَى الْأَبَدْ.

خُروج 40:15

وَ أَمْسَحْهُمْ مِثِلْ مَسَحْت أَبُوهُمْ لِيَبْقَوْا لَيِّ رُجَالْ دِينْ. وَ بِالْمَسَحَانْ دَا، هُمَّنْ يَبْقَوْا خَاصِّينْ لِخِدْمَةْ بَيْتِي دَايْماً وَ ذُرِّيِّتْهُمْ كُلَ.»

خُروج 40:13

وَ بَعَدْ دَا، لَبِّسْ هَارُونْ الْخُلْقَانْ الْخَاصِّينْ وَ أَمْسَحَهْ وَ خَصِّصَهْ لِيَبْقَى لَيِّ رَاجِلْ دِينْ.

عَدد 3:4

لَاكِنْ نَدَابْ وَ أَبِيهُو مَاتَوْا فِي صَحَرَاء سِينَاء قِدَّامْ اللّٰهْ. وَ مَاتَوْا أَشَانْ هُمَّنْ قَدَّمَوْا لِلّٰهْ فِي لُبّ خَيْمَةْ الْإِجْتِمَاعْ بَخُورْ فِي نَارْ الْهُو مَا أَذَنْ بَيْهَا. وَ هُمَّنْ مَاتَوْا وَ مَا خَلَّوْا عِيَالْ. وَ أَخْوَانْهُمْ أَلِعَازَرْ وَ إِتَمَارْ كَمَانْ قَاعِدِينْ يَخْدُمُوا خِدْمَةْ رُجَالْ الدِّينْ تِحِتْ مُرَاقَبَةْ أَبُوهُمْ هَارُونْ.

1 أخبار 23:6

وَ دَاوُدْ قَسَّمْ اللَّاوِيِّينْ بِمَجْمُوعَاتْ عَلَيْ حَسَبْ عِيَالْ لَاوِي وَ هُمَّنْ قِرْشُونْ وَ قَهَاتْ وَ مَرَارِي.