عَدد 29:6 - الكتاب المقدس بالعربي الدارجي هنا تشاد

⁶ وَ دِي تِزِيدْ فِي الضَّحِيَّةْ الْمُحَرَّقَةْ هَنَا الشَّهَرْ وَ الضَّحِيَّةْ الْمُحَرَّقَةْ الدَّايْمَةْ وَ هَدِيَّةْ الدَّقِيقْ وَ هَدِيَّةْ الشَّرَابْ الْمَعَاهُمْ حَسَبْ الشُّرُوطْ. كُلَّ الْهَدَايَا الْمُحَرَّقِينْ دَوْل اللّٰهْ يَرْضَى بِرِيحِتْهُمْ.

عَدد 29:6 Referenca të Kryqëzuara

عَزْرا 3:4

وَ عَيَّدَوْا عِيدْ اللَّقَادِيبْ مِثِلْ مَكْتُوبْ فِي كِتَابْ التَّوْرَاةْ. وَ فِي طُولْ أَيَّامْ الْعِيدْ، كُلَّ يَوْم يِقَدُّمُوا ضَحَايَا عَدَدْ الْوَاجِبْ حَسَبْ الشُّرُوطْ.

عَدد 29:21

وَ هَدِيَّةْ الدَّقِيقْ وَ هَدِيَّةْ الشَّرَابْ تِقَدُّمُوهُمْ حَسَبْ عَدَدْ التِّيرَانْ وَ الْكُبْشَانْ وَ الْخُرْفَانْ حَسَبْ الشُّرُوطْ.

عَدد 29:18

وَ هَدِيَّةْ الدَّقِيقْ وَ هَدِيَّةْ الشَّرَابْ تِقَدُّمُوهُمْ حَسَبْ عَدَدْ التِّيرَانْ وَ الْكُبْشَانْ وَ الْخُرْفَانْ حَسَبْ الشُّرُوطْ.

عَدد 15:24

وَ كَنْ مُجْتَمَعْ بَنِي إِسْرَائِيلْ سَوَّوْا ذَنِبْ بَلَا رَايْهُمْ وَ كُلُّهُمْ مَا عِرْفَوْه، خَلَاصْ كُلُّهُمْ يِقَدُّمُوا تَوْر ضَحِيَّةْ مُحَرَّقَةْ لِلّٰهْ وَ هُو يَرْضَى بِرِيحِتْهَا. وَ يِقَدُّمُوا هَدِيَّةْ هَنَا دَقِيقْ وَ هَدِيَّةْ شَرَابْ مِثِلْ فِي الْقَانُونْ وَ تَيْس ضَحِيَّةْ لِكَفَّارَةْ الذَّنِبْ.

عَدد 9:14

«وَ كَنْ نَادُمْ أَجْنَبِي قَاعِدْ مَعَاكُو كُلَ، خَلِّي يِعَيِّدْ عِيدْ الْفِصْحَ لِلّٰهْ حَسَبْ كُلَّ الْقَوَانِينْ وَ الشُّرُوطْ هَنَا عِيدْ الْفِصْحَ. لَيْكُو إِنْتُو الْمُوَاطِنِينْ وَ لِلْأَجْنَبِي الْمَعَاكُو كُلَ، الْقَانُونْ وَاحِدْ بَسْ.»

لاوِيِّين 6:9

أَنْطِي الْأَمُرْ دَا لِهَارُونْ وَ ذُرِّيّتَهْ وَ قُولْ لَيْهُمْ: «دَاهُو الْقَانُونْ هَنَا الضَّحِيَّةْ الْمُحَرَّقَةْ. الضَّحِيَّةْ الْمُحَرَّقَةْ تَقْعُدْ فِي نَارْ الْمَدْبَحْ طُولْ اللَّيْل لَحَدِّي فَجُرْ وَ نَارْ الْمَدْبَحْ تَحْرِقْهَا.

عَدد 28:27

وَ تِقَدُّمُوا لِلّٰهْ ضَحِيَّةْ مُحَرَّقَةْ الْهُو يَرْضَى بِرِيحِتْهَا إِتْنَيْن تَوْر وَ كَبِشْ وَ سَبْعَةْ خَرُوفْ أَوْلَادْ سَنَةْ.

عَدد 29:5

وَ بَتَّانْ تِقَدُّمُوا تَيْس ضَحِيَّةْ لِكَفَّارَةْ الذَّنِبْ وَ دِي تَبْقَى لَيْكُو كَفَّارَةْ.

عَدد 7:13

وَ فِي الْهَدِيَّةْ دِي، فِي صُفْرَةْ هَنَا فُضَّةْ وَزِنْهَا 50 حَجَرْ وَ كَاسْ هَنَا فُضَّةْ الْيَوْزِنْ 30 حَجَرْ وَ دَا حَسَبْ الْوَزِنْ الرَّسْمِي هَنَا الْبَكَانْ الْمُقَدَّسْ. وَ الْمَوَاعِينْ الْإِتْنَيْن دَوْل مَلَوْهُمْ دَقِيقْ مُخَلْبَطْ بِدِهِنْ وَ قَدَّمَوْهُمْ هَدِيَّةْ.

عَدد 15:4

«‹وَ الْيِقَدِّمْ الْهَدِيَّةْ دِي لِلّٰهْ، يِقَدِّمْ مَعَاهَا هَدِيَّةْ هَنَا دَقِيقْ كَوْرَوْ مُخَلْبَطْ بِلِيتِرْ هَنَا دِهِنْ.