عَدد 29:11 - الكتاب المقدس بالعربي الدارجي هنا تشاد

¹¹ وَ تِقَدُّمُوا هَدِيَّةْ هَنَا تَيْس لِكَفَّارَةْ الذَّنِبْ وَ دِي تِزِيدْ فِي الضَّحِيَّةْ هَنَا كَفَّارَةْ الذَّنِبْ وَ الضَّحِيَّةْ الْمُحَرَّقَةْ الدَّايْمَةْ وَ هَدِيَّةْ الدَّقِيقْ وَ هَدِيَّةْ الشَّرَابْ الْمَعَاهَا.

عَدد 29:11 Referenca të Kryqëzuara

لاوِيِّين 16:3

وَ دَاهُو الْوَاجِبْ لِهَارُونْ وَكِتْ يَدْخُلْ فِي الْبَكَانْ الْمُقَدَّسْ مَرَّةْ وَاحِدْ. هُو يِشِيلْ تَوْر ضَحِيَّةْ لِكَفَّارَةْ الذَّنِبْ وَ كَبِشْ لِلضَّحِيَّةْ الْمُحَرَّقَةْ.

لاوِيِّين 16:5

وَ هُو يَلْقَى مِنْ مُجْتَمَعْ بَنِي إِسْرَائِيلْ إِتْنَيْن تُيُوسْ ضَحِيَّةْ لِكَفَّارَةْ الذَّنِبْ وَ وَاحِدْ كَبِشْ لِلضَّحِيَّةْ الْمُحَرَّقَةْ.

عِبْرَانِيِّين 7:27

عِيسَى هُو مَا مِثِلْ كُبَارَاتْ رُجَالْ الدِّينْ الْآخَرِينْ دَوْل. مَا وَاجِبْ لَيَّهْ كُلَّ يَوْم يِقَدِّمْ ضَحِيَّةْ أَوَّلْ فِي شَانْ ذُنُوبَهْ هُو وَ بَعَدْ دَا، يِقَدِّمْ ضَحِيَّةْ فِي شَانْ ذُنُوبْ الشَّعَبْ. لَا. هُو قَدَّمْ ضَحِيَّةْ وَاحِدَةْ بَسْ وَ نِهَائِيَّةْ وَ دَا وَكِتْ قَدَّمْ نَفْسَهْ فِي الصَّلِيبْ.

إشَعْيا 53:10

وَ اللّٰهْ رِضِي يَرْحَكَهْ بِالتَّعَبْ وَ كَنْ حَيَاتَهْ بِقَتْ ضَحِيَّةْ لِكَفَّارَةْ الْخَطَا، خَلَاصْ هُو يِشِيفْ ذُرِّيّتَهْ. هُو يِطَوِّلْ أَيَّامْ عُمْرَهْ وَ نِيَّةْ اللّٰهْ تِلْحَقَّقْ بَيَّهْ هُو.

عَدد 29:6

وَ دِي تِزِيدْ فِي الضَّحِيَّةْ الْمُحَرَّقَةْ هَنَا الشَّهَرْ وَ الضَّحِيَّةْ الْمُحَرَّقَةْ الدَّايْمَةْ وَ هَدِيَّةْ الدَّقِيقْ وَ هَدِيَّةْ الشَّرَابْ الْمَعَاهُمْ حَسَبْ الشُّرُوطْ. كُلَّ الْهَدَايَا الْمُحَرَّقِينْ دَوْل اللّٰهْ يَرْضَى بِرِيحِتْهُمْ.

لاوِيِّين 16:9

وَ هَارُونْ يِشِيلْ التَّيْس الْبِقِي لِلّٰهْ وَ يِقَدِّمَهْ ضَحِيَّةْ لِكَفَّارَةْ الذَّنِبْ.

عَدد 29:10

وَ قَدُّمُوا كَوْرَوْ مَعَ أَيِّ خَرُوفْ مِنْ الْخُرْفَانْ السَّبْعَةْ.