عَدد 28:4 - الكتاب المقدس بالعربي الدارجي هنا تشاد

⁴ الْخَرُوفْ الْوَاحِدْ تِقَدُّمُوهْ بِفَجُرْ وَ التَّانِي تِقَدُّمُوهْ فِي الْمَغْرِبْ.

عَدد 28:4 Referenca të Kryqëzuara

دَنْيال 9:21

وَ وَكِتْ أَنَا قَاعِدْ نِصَلِّي، شِفْت الْمَلَكْ جِبْرِيلْ وَ دَا الْمَلَكْ الْأَوَّلْ أَنَا شِفْتَهْ فِي الرُّؤْيَةْ. وَ هُو جَانِي طَايِرْ بِسُرْعَةْ فِي وَكِتْ قَدِّمِينْ هَدِيَّةْ الْعَشِيَّةْ.

1 مُلوك 18:36

وَ فِي الْوَكِتْ الْيِقَدُّمُوا فَوْقَهْ هَدَايَا الْعَشِيَّةْ، النَّبِي إِلِيَاسْ قَالْ: «يَا اللّٰهْ، إِنْتَ اللّٰهْ رَبّ جُدُودْنَا إِبْرَاهِيمْ وَ إِسْحَاقْ وَ يَعْقُوبْ. وَ الْيَوْم، وَصِّفْ لِلنَّاسْ كَدَرْ إِنْتَ بَسْ إِلٰـهْ بَنِي إِسْرَائِيلْ. وَ حَسَبْ كَلَامَكْ، أَنَا عَبْدَكْ سَوَّيْت كُلَّ الشَّيّءْ دَا.

1 مُلوك 18:29

وَ وَكِتْ الْقَايْلَةْ فَاتَتْ، هُمَّنْ قَمَّوْا يِتْنَبَّأَوْا بِأُسُمْ بَعَلْ لَحَدِّي الْوَكِتْ الْيِقَدُّمُوا فَوْقَهْ هَدَايَا هَنَا عَشِيَّةْ. لَاكِنْ هُمَّنْ مَا لِقَوْا وَ لَا رَدّ وَ لَا كِلْمَةْ وَ لَا عَلَامَةْ.

عَدد 9:3

وَ فِي يَوْم 14 هَنَا الشَّهَرْ دَا، فِي الْمَغْرِبْ، إِنْتُو تِعَيُّدُوا الْعِيدْ دَا فِي الْوَكِتْ الْمُحَدَّدْ لَيَّهْ حَسَبْ كُلَّ قَوَانِينَهْ وَ شُرُوطَهْ.»

خُروج 12:6

«وَ تِخَلُّوهْ يَقْعُدْ لَحَدِّي يَوْم 14 هَنَا الشَّهَرْ. وَ كُلَّ مُجْتَمَعْ بَنِي إِسْرَائِيلْ يَدْبَحَوْا حُمْلَانْهُمْ بِمَغْرِبْ.

زَبُور 141:2

خَلِّي صَلَاتِي تَبْقَى مِثِلْ بَخُورْ الْيِقَدُّمُوهْ لَيْك وَ إِيدَيْنِي الْمَرْفُوعِينْ لَيْك يَبْقَوْا مِثِلْ هَدِيَّةْ الْعَشِيَّةْ.

لاوِيِّين 3:7

وَ كَنْ يِقَدِّمْ ضَحِيَّةْ هَنَا خَرُوفْ، هُو يِقَدِّمَهْ لِلّٰهْ.

عَدد 28:3

وَ قُولْ لَيْهُمْ: ‹دَاهُو الضَّحَايَا الْمُحَرَّقِينْ التِّقَدُّمُوهُمْ لِلّٰهْ. أَيِّ يَوْم، شِيلُوا خُرْفَانْ إِتْنَيْن أَوْلَادْ سَنَةْ الْمَا عِنْدُهُمْ أَيِّ عَيْب وَ قَدُّمُوهُمْ ضَحِيَّةْ مُحَرَّقَةْ دَايْمَةْ.

عَدد 28:5

وَ تِقَدُّمُوا مَعَايَهْ هَدِيَّةْ هَنَا دَقِيقْ كَوْرَوْ مُخَلْبَطْ بِلِيتِرْ هَنَا دِهِنْ عَدِيلْ.

1 أخبار 16:40

وَ يِقَدُّمُوا ضَحِيَّةْ مُحَرَّقَةْ لِلّٰهْ أَيِّ يَوْم، فَجُرْ وَ عَشِيَّةْ، فِي الْمَدْبَحْ هَنَا الضَّحَايَا. وَ دَا لِيِطَبُّقُوا كُلَّ شَيّءْ الْمَكْتُوبْ فِي كِتَابْ التَّوْرَاةْ الْاللّٰهْ أَمَرْ بَيَّهْ بَنِي إِسْرَائِيلْ.

يُوِيل 1:13

يَا رُجَالْ الدِّينْ، أَلْبَسَوْا خُلْقَانْ الْحِزِنْ وَ نُوحُوا وَ أَبْكُوا، يَا إِنْتُو الْخَدَّامِينْ فِي الْمَدْبَحْ. تَعَالُوا أَحْزَنَوْا طُولْ اللَّيْل بِخُلْقَانْ الْحِزِنْ، يَا خَدَّامِينْ إِلٰـهِي. هَدَايَا الدَّقِيقْ وَ هَدَايَا الشَّرَابْ مَا يِقَدُّمُوهُمْ بَتَّانْ فِي بَيْت اللّٰهْ إِلٰـهْكُو.