عَدد 27:13 - الكتاب المقدس بالعربي الدارجي هنا تشاد

¹³ إِنْتَ تِشِيفْهَا وَ بَعَدْ دَا، تُمُوتْ إِنْتَ كُلَ مِثِلْ أَخُوكْ هَارُونْ وَ تَلْحَقْ أَبَّهَاتَكْ.

عَدد 27:13 Referenca të Kryqëzuara

تَثْنِية 10:6

وَ بَنِي إِسْرَائِيلْ قَمَّوْا مِنْ بِيَارْ بَنِي يَعْقَانْ وَ مَشَوْا لِمُوسِرَةْ وَ دَا بَكَانْ الْمَاتْ فَوْقَهْ هَارُونْ وَ دَفَنَوْه. وَ وِلَيْدَهْ أَلِعَازَرْ بِقِي رَاجِلْ دِينْ فِي بَدَلَهْ.

عَدد 31:2

«شِيلْ لِبَنِي إِسْرَائِيلْ تَارْهُمْ فِي الْمِدْيَانِيِّينْ وَ بَعَدْ دَا، تُمُوتْ وَ تَلْحَقْ أَبَّهَاتَكْ.»

تَثْنِية 32:50

وَ إِنْتَ تُمُوتْ فِي رَاسْ الْجَبَلْ التَّطْلَعْ فَوْقَهْ وَ تَلْحَقْ أَبَّهَاتَكْ مِثِلْ هَارُونْ أَخُوكْ مَاتْ فِي جَبَلْ هَوْر وَ لِحِقْ أَبَّهَاتَهْ.

عَدد 33:38

وَ بِأَمُرْ اللّٰهْ، هَارُونْ رَاجِلْ الدِّينْ طَلَعْ فِي جَبَلْ هَوْر وَ مَاتْ فِي الْيَوْم الْأَوَّلْ هَنَا الشَّهَرْ الْخَامِسْ. وَ دَا، بِـ‍ 40 سَنَةْ بَعَدْ مَرِقِينْ بَنِي إِسْرَائِيلْ مِنْ بَلَدْ مَصِرْ.

تكوين 25:17

وَ إِسْمَاعِيلْ عَاشْ 137 سَنَةْ وَ مَاتْ وَ لِحِقْ أَبَّهَاتَهْ.

تكوين 25:8

وَ وَكِتْ شَيَّبْ وَ شِبِعْ مِنْ الدُّنْيَا، هُو مَاتْ وَ لِحِقْ أَبَّهَاتَهْ بِفَرْحَةْ وَ سَلَامْ.

تَثْنِية 1:37

وَ حَتَّى فَوْقِي أَنَا مُوسَى كُلَ، اللّٰهْ غِضِبْ وَ دَا فِي شَانْكُو إِنْتُو. وَ قَالْ: «إِنْتَ كُلَ، يَا مُوسَى، أَبَداً مَا تَدْخُلْ فِي الْبَلَدْ دِي.

تَثْنِية 4:22

وَ كَنْ لَيِّ أَنَا، نُمُوتْ فِي الْبَلَدْ دِي، مَا نَقْطَعْ بَحَرْ الْأُرْدُنْ مَعَاكُو. وَ لَاكِنْ إِنْتُو تَقْطَعَوْه وَ تِشِيلُوا الْبَلَدْ الْعَدِيلَةْ دِي وَرَثَةْ.

تَثْنِية 31:14

وَ اللّٰهْ قَالْ لِمُوسَى: «دَاهُو أَيَّامْ مَوْتَكْ قَرَّبَوْا. نَادِي يَشُوعْ وَ أَقِيفُوا فِي لُبّ خَيْمَةْ الْإِجْتِمَاعْ وَ أَنَا نَنْطِيهْ أَوَامِرِي.» وَ مُوسَى وَ يَشُوعْ مَشَوْا وَقَفَوْا فِي لُبّ خَيْمَةْ الْإِجْتِمَاعْ.

تَثْنِية 31:16

وَ اللّٰهْ قَالْ لِمُوسَى: «دَاهُو إِنْتَ تُمُوتْ وَ تَلْحَقْ أَبَّهَاتَكْ. وَ الشَّعَبْ دَوْل يُقُمُّوا يَعَبُدُوا إِلٰـهَاتْ الْأَجَانِبْ الْقَاعِدِينْ فِي الْبَلَدْ الْيَدْخُلُوا فَوْقهَا. وَ هُمَّنْ يِخَلُّونِي وَ يَقْطَعَوْا مُعَاهَدَتِي السَّوَّيْتهَا مَعَاهُمْ.