عَدد 26:53 - الكتاب المقدس بالعربي الدارجي هنا تشاد

⁵³ «قَسِّمْ الْبَلَدْ دِي وَرَثَةْ أَمْبَيْنَاتْ الْقَبَايِلْ دَوْل وَ قَسِّمْهَا لَيْهُمْ حَسَبْ عَدَدْ النَّاسْ.

عَدد 26:53 Referenca të Kryqëzuara

يَشُوع 14:1

وَ دَاهُو الْأَرْض اللِّقَوْهَا بَنِي إِسْرَائِيلْ مِثِلْ وَرَثَةْ فِي بَلَدْ كَنْعَانْ. وَ النَّاسْ الْقَسَّمَوْهَا لَيْهُمْ هُمَّنْ رَاجِلْ الدِّينْ أَلِعَازَرْ وَ يَشُوعْ وِلَيْد نُونْ وَ شُيُوخْ عَايِلَاتْ قَبَايِلْ بَنِي إِسْرَائِيلْ.

يَشُوع 11:23

وَ يَشُوعْ شَالْ كُلَّ الْبَلَدْ وَ دَا حَسَبْ كَلَامْ اللّٰهْ الْقَالَهْ لِمُوسَى. وَ الْبَلَدْ دِي، يَشُوعْ أَنْطَاهَا لِبَنِي إِسْرَائِيلْ وَرَثَةْ لِيِقَسُّمُوهَا أَمْبَيْنَاتْ قَبَايِلْهُمْ. وَ خَلَاصْ، الْحَرِبْ وَقَفْ وَ الْبَلَدْ لِقَتْ الرَّاحَةْ.

زَبُور 105:44

وَ هُو أَنْطَاهُمْ أَرْض الْأُمَمْ وَ وَرَثَوْا النَّتِيجَةْ هِنْت خِدْمَةْ شُعُوبْ آخَرِينْ.

رُؤية 21:27

وَ أَيِّ شَيّءْ الْمَا طَاهِرْ وَلَّا أَيِّ نَادُمْ الْيِسَوِّي الْمُحَرَّمَاتْ وَلَّا أَيِّ كَدَّابْ مَا يَدْخُلُوا فَوْقهَا. الْيَدْخُلُوا فِي الْمَدِينَةْ دِي، إِلَّا النَّاسْ الْأَسَامَيْهُمْ مَكْتُوبِينْ فِي كِتَابْ الْحَيَاةْ هَنَا الْحَمَلْ.

رُؤية 5:10

وَ إِنْتَ كَوَّنْتُهُمْ مَمْلَكَةْ وَ سَوَّيْتهُمْ رُجَالْ دِينْ أَشَانْ يَعَبُدُوا اللّٰهْ وَ يَحْكُمُوا فِي الْأَرْض.»

مَتَّى 5:5

مَبْرُوكْ لِلنَّاسْ الضَّلُولِينْ أَشَانْ هُمَّنْ يَوْرُثُوا الْأَرْض.

دَنْيال 7:27

وَ الْمُلُكْ وَ السُّلْطَةْ وَ الْعَظَمَةْ هَنَا كُلَّ الْمَمَالِكْ الْقَاعِدِينْ فِي الْأَرْض، يَنْطُوهُمْ لِلشَّعَبْ الصَّالِحِينْ هَنَا اللّٰهْ الْعَالِي. وَ مَمْلَكَةْ اللّٰهْ تَقْعُدْ إِلَى الْأَبَدْ وَ كُلَّ النَّاسْ الْعِنْدُهُمْ سُلْطَةْ يَعَبُدُوا اللّٰهْ وَ يَسْمَعَوْا كَلَامَهْ.»

حِزْقِيال 47:22

وَ قَسُّمُوا الْبَلَدْ دِي وَرَثَةْ أَمْبَيْنَاتْكُو بِأَمْ عِيَيْدَاتْ لِنُفُوسْكُو وَ الْأَجَانِبْ السَّاكْنِينْ مَعَاكُو وَ وِلْدَوْا عِيَالْهُمْ فِي أُسُطْكُو وَ بِقَوْا مُوَاطِنِينْ مَعَاكُو إِنْتُو بَنِي إِسْرَائِيلْ. وَ هُمَّنْ يَلْقَوْا قِسِمْهُمْ هَنَا الْبَلَدْ دِي بِأَمْ عِيَيْدَاتْ مَعَاكُو فِي لُبّ قَبَايِلْ بَنِي إِسْرَائِيلْ.

زَبُور 49:14

هُمَّنْ مِثِلْ الْغَنَمْ يَرْجَوْا الْمَوْت وَ الْمَوْت يَسْرَحْ بَيْهُمْ. وَ أَمْبَاكِرْ، الصَّالِحِينْ يَحْكُمُوا فَوْقهُمْ وَ جَمَالْهُمْ يِوَدِّرْ وَ الْقَبُرْ يَبْقَى مَسْكَنْهُمْ.

تكوين 12:7

وَ اللّٰهْ بَانْ لِأَبْرَامْ وَ قَالْ: «الْبَلَدْ دِي نَنْطِيهَا لِذُرِّيّتَكْ.» وَ فِي الْبَكَانْ دَا، أَبْرَامْ بَنَى مَدْبَحْ لِيِقَدِّمْ فَوْقَهْ ضَحَايَا لِلّٰهْ الْبَانْ لَيَّهْ.

تكوين 12:2

أَنَا نِسَوِّيكْ أَبُو هَنَا أُمَّةْ كَبِيرَةْ وَ نِبَارِكَكْ وَ أُسْمَكْ يَبْقَى طَالِعْ. وَ تَبْقَى بَرَكَةْ كَبِيرَةْ لِنَاسْ كَتِيرِينْ.

عَدد 26:52

وَ اللّٰهْ حَجَّى لِمُوسَى وَ قَالْ:

عَدد 26:54

الْقَبِيلَةْ الْكَبِيرَةْ أَنْطِيهَا أَرْض وَرَثَةْ كَبِيرَةْ وَ الْقَبِيلَةْ الصَّغَيْرَةْ أَنْطِيهَا أَرْض وَرَثَةْ صَغَيْرَةْ. أَيِّ قَبِيلَةْ، أَنْطِيهَا وَرَثَةْ حَسَبْ عَدَدْ نَاسْهَا.

عَدد 33:54

وَ قَسُّمُوا الْبَلَدْ دِي أَمْبَيْنَاتْ خُشُومْ بُيُوتْكُو بِأَمْ عِيَيْدَاتْ. أَيِّ خَشُمْ بَيْت كَبِيرْ يَلْقَى أَرْض كَبِيرَةْ وَ أَيِّ خَشُمْ بَيْت صَغَيَّرْ يَلْقَى أَرْض صَغَيْرَةْ وَ أَيِّ وَاحِدْ يَلْقَى وَرَثَتَهْ فِي الْبَكَانْ الْيَقَعْ لَيَّهْ بِأَمْ عِيَيْدَاتْ. وَ الْقِسِمْ دَا يَبْقَى أَمْبَيْنَاتْ قَبَايِلْكُو.

يَشُوع 1:6

أَبْقَى شَدِيدْ وَ فَحَلْ! أَشَانْ إِنْتَ بَسْ التِّوَدِّي الشَّعَبْ دَا فِي الْبَلَدْ الْأَنَا حَلَفْت لِجُدُودْهُمْ وَ قُلْت نَنْطِيهَا لَيْهُمْ.

1 أخبار 16:18

وَ قَالْ: «أَنَا نَنْطِيكُو بَلَدْ كَنْعَانْ وَ دَا قِسِمْ التَّلْقَوْه مِثِلْ وَرَثَةْ.»