عَدد 25:2 - الكتاب المقدس بالعربي الدارجي هنا تشاد

² بَنَاتْ الْمُوَابِيِّينْ يَعَزِمَنْ بَنِي إِسْرَائِيلْ فِي قَدِّمِينْ الضَّحَايَا لِإِلٰـهَاتْهِنْ. وَ هُمَّنْ يَاكُلُوا مَعَاهِنْ لَحَمْ ضَحَايَاهِنْ وَ يَسْجُدُوا لِإِلٰـهَاتْهِنْ.

عَدد 25:2 Referenca të Kryqëzuara

1 كُرُنْتُس 10:20

لَا، أَبَداً! لَاكِنْ نِدَوْر نُقُولْ لَيْكُو كَدَرْ الضَّحِيَّةْ دِي، قَدَّمَوْهَا لِلشَّوَاطِينْ مَا لِلّٰهْ. وَ أَنَا مَا نِدَوْر إِنْتُو تَبْقَوْا مُشْتَرِكِينْ مَعَ الشَّوَاطِينْ.

خُروج 20:5

وَ مَا تَسْجُدْ قِدَّامْ الْأَصْنَامْ دَوْل وَ لَا تَعَبُدْهُمْ أَشَانْ أَنَا بَسْ اللّٰهْ إِلٰـهَكْ. أَنَا اللّٰهْ غَيُّورْ يَعْنِي مَا نِدَوْر تَعَبُدْ إِلٰـهْ آخَرْ. وَ أَنَا نِعَاقِبْ الْعِيَالْ وَ عِيَالْ الْعِيَالْ بِذُنُوبْ أَبَّهَاتْهُمْ لَحَدِّي الذُّرِّيَّةْ التَّالْتَةْ وَ الرَّابْعَةْ كَنْ هُمَّنْ يَكْرَهَوْنِي.

هُوشَع 9:10

«زَمَانْ، أَنَا لِقِيتْ بَنِي إِسْرَائِيلْ مِثِلْ عِنَبْ لَذِيذْ فِي الصَّحَرَاءْ. وَ شِفْت جُدُودْهُمْ حَلُوِينْ مِثِلْ فَوَاكِهْ الْأَوَّلْ فِي شَدَرَةْ التِّينْ. وَ لَاكِنْ وَكِتْ هُمَّنْ وِصْلَوْا فِي بَعَلْ فَعُورْ، عَبَدَوْا الصَّنَمْ الْيِجِيبْ الْعَيْب. وَ بِقَوْا مَكْرُوهِينْ مِثِلْ الصَّنَمْ الْمُحَرَّمْ الْعَبَدَوْه.

زَبُور 106:28

بَعَدْ دَا، هُمَّنْ مَشَوْا وَرَاءْ إِلٰـهْ بَعَلْ فِي جَبَلْ فَعُورْ وَ أَكَلَوْا صَدَقَةْ الْمَيْتِينْ.

يَشُوع 22:17

وَ الْخَطَا السَّوَّيْنَا فِي فَعُورْ مَا تَمَّ لَيْنَا وَلَّا؟ لَحَدِّي الْيَوْم مَا طَهَّرْنَا نُفُوسْنَا مِنْ الْخَطَا دَا، كَنْ اللّٰهْ نَزَلْ فِي شَعَبَهْ وَبَاءْ كُلَ.

رُؤية 2:14

لَاكِنْ أَنَا لِقِيتْ فَوْقَكْ شَيّءْ وَاحِدْ مَا عَدِيلْ. وَ عِنْدَكْ نَاسْ وَاحِدِينْ يِتَابُعُوا تَعْلِيمْ مِثِلْ تَعْلِيمْ بَلْعَامْ. وَ زَمَانْ بَلْعَامْ عَلَّمْ الْمَلِكْ بَلَاقْ كِكَّيْف يِوَدِّي بَنِي إِسْرَائِيلْ فِي الذُّنُوبْ لَحَدِّي أَكَلَوْا اللَّحَمْ الْأَوَّلْ قَدَّمَهْ ضَحِيَّةْ لِأَصْنَامَهْ وَ هُمَّنْ قَمَّوْا زَنَوْا.

1 مُلوك 19:18

وَ لَاكِنْ نِخَلِّي 7 000 نَاسْ مِنْ بَنِي إِسْرَائِيلْ هُمَّنْ الْمَا سَجَدَوْا وَ لَا حَبَّوْا إِلٰـهْ بَعَلْ.»

يَشُوع 23:16

وَ كَنْ نَقَضْتُوا مُعَاهَدَةْ اللّٰهْ إِلٰـهْكُو الْهُو أَمَرَاكُو بَيْهَا وَ كَنْ عَبَدْتُوا إِلٰـهَاتْ آخَرِينْ وَ سَجَدْتُوا قِدَّامْهُمْ، خَلَاصْ غَضَبْ اللّٰهْ يَنْزِلْ فَوْقكُو وَ طَوَّالِي تِكَمُّلُوا فِي الْبَلَدْ الْعَدِيلَةْ الْهُو أَنْطَاهَا لَيْكُو.»

يَشُوع 23:7

وَ مَا تِلْخَلْبَطَوْا مَعَ الْأُمَمْ اللِّسَّاعْهُمْ جَنْبُكُو وَ لَا تِفَكُّرُوا فِي أَسَامَيْ إِلٰـهَاتْهُمْ وَ لَا تَحَلْفُوا بَيْهُمْ وَ لَا تَعَبُدُوهُمْ وَ لَا تَسْجُدُوا لَيْهُمْ.

تَثْنِية 32:38

وَ وَيْن إِلٰـهَاتْهُمْ الْأَكَلَوْا شَحَمْ ضَحَايَاهُمْ وَ شِرْبَوْا هَدَايَا شَرَابْهُمْ؟ خَلِّي يُقُمُّوا يَفْزَعَوْهُمْ وَ يَحْمُوهُمْ.

خُروج 23:24

مَا تَسْجُدُوا لِإِلٰـهَاتْهُمْ وَ لَا تَعَبُدُوهُمْ وَ لَا تِسَوُّوا الشَّيّءْ الْهُمَّنْ قَاعِدِينْ يِسَوُّوهْ. لَاكِنْ أَرْمُوا وَ دَمُّرُوا الْحُجَارْ الْغَزَّوْهُمْ لِلْعِبَادَةْ.

خُروج 22:20

«وَ كَنْ نَادُمْ خَلَّى اللّٰهْ وَ قَدَّمْ ضَحِيَّةْ لِإِلٰـهْ آخَرْ، وَاجِبْ يِدَمُّرُوهْ.

خُروج 32:6

وَ أَمْبَاكِرْ بِفَجُرْ، هُمَّنْ قَدَّمَوْا ضَحَايَا مُحَرَّقِينْ وَ ضَحَايَا سَلَامَةْ. وَ بَعَدْ دَا، أَكَلَوْا وَ شِرْبَوْا وَ قَمَّوْا يَلْعَبَوْا.

إرْمِيا 40:11

وَ كُلَّ بَنِي يَهُوذَا الْعَرَّدَوْا وَ مَشَوْا فِي مُوَابْ وَ فِي أُسُطْ بَنِي عَمُّونْ وَ فِي أَدَوْم وَ فِي بُلْدَانْ آخَرِينْ سِمْعَوْا كَدَرْ مَلِكْ بَابِلْ خَلَّى وَاحِدِينْ مِنْ بَنِي يَهُوذَا فَضَّلَوْا فِي الْبَلَدْ. وَ خَطَّ فَوْقهُمْ قَدَالْيَا وِلَيْد أَخِقَامْ وِلَيْد شَافَانْ حَاكِمْ.

مِيخا 6:5

يَا شَعَبِي! أَذَّكَّرَوْا مُؤآمَرَةْ بَلَاقْ مَلِكْ مُوَابْ ضِدُّكُو وَ كِكَّيْف بَلْعَامْ وِلَيْد بَعُورْ رَدَّ لَيَّهْ وَ قَالْ نِسَوِّي لَيْكُو إِلَّا الْخَيْر. أَذَّكَّرَوْا كِكَّيْف قَمَّيْتُوا مِنْ شِطِّيمْ صَبَاحْ بَحَرْ الْأُرْدُنْ وَ وَصَّلْتُوا فِي أَرْضُكُو فِي قِلْقَالْ. وَ بَيْدَا، تَعَرْفُوا عَدَالَةْ اللّٰهْ.»