عَدد 25:1 - الكتاب المقدس بالعربي الدارجي هنا تشاد

¹ وَكِتْ بَنِي إِسْرَائِيلْ قَعَدَوْا فِي شِطِّيمْ، قَمَّوْا يَفْسُدُوا مَعَ بَنَاتْ الْمُوَابِيِّينْ.

عَدد 25:1 Referenca të Kryqëzuara

1 كُرُنْتُس 10:8

وَاجِبْ مَا نَزْنَوْا مِثِلْ وَاحِدِينْ مِنْهُمْ زَنَوْا. وَ فِي يَوْم وَاحِدْ بَسْ، 23 000 نَاسْ مَاتَوْا.

يَشُوع 2:1

وَ مِنْ فَرِيقْهُمْ فِي شِطِّيمْ، يَشُوعْ وِلَيْد نُونْ رَسَّلْ جَوَاسِيسْ إِتْنَيْن بِسِرّ وَ قَالْ لَيْهُمْ: «أَمْشُوا أَكُّدُوا الْبَلَدْ وَ حِلَّةْ أَرِيحَا.» وَ هُمَّنْ مَشَوْا. وَكِتْ وَصَّلَوْا فِي حِلَّةْ أَرِيحَا، دَخَلَوْا فِي بَيْت هَنَا مَرَةْ وَاحِدَةْ شَرْمُوطَةْ أُسُمْهَا رَاحَابْ وَ نَامَوْا فِي الْبَكَانْ دَا.

عَدد 33:49

وَ هُمَّنْ نَزَلَوْا فِي خَشُمْ بَحَرْ الْأُرْدُنْ فِي كَدَادَةْ مُوَابْ مِنْ بَيْت يَشِيمُتْ لَحَدِّي آبِلْ شِطِّيمْ.

رُؤية 2:14

لَاكِنْ أَنَا لِقِيتْ فَوْقَكْ شَيّءْ وَاحِدْ مَا عَدِيلْ. وَ عِنْدَكْ نَاسْ وَاحِدِينْ يِتَابُعُوا تَعْلِيمْ مِثِلْ تَعْلِيمْ بَلْعَامْ. وَ زَمَانْ بَلْعَامْ عَلَّمْ الْمَلِكْ بَلَاقْ كِكَّيْف يِوَدِّي بَنِي إِسْرَائِيلْ فِي الذُّنُوبْ لَحَدِّي أَكَلَوْا اللَّحَمْ الْأَوَّلْ قَدَّمَهْ ضَحِيَّةْ لِأَصْنَامَهْ وَ هُمَّنْ قَمَّوْا زَنَوْا.

مِيخا 6:5

يَا شَعَبِي! أَذَّكَّرَوْا مُؤآمَرَةْ بَلَاقْ مَلِكْ مُوَابْ ضِدُّكُو وَ كِكَّيْف بَلْعَامْ وِلَيْد بَعُورْ رَدَّ لَيَّهْ وَ قَالْ نِسَوِّي لَيْكُو إِلَّا الْخَيْر. أَذَّكَّرَوْا كِكَّيْف قَمَّيْتُوا مِنْ شِطِّيمْ صَبَاحْ بَحَرْ الْأُرْدُنْ وَ وَصَّلْتُوا فِي أَرْضُكُو فِي قِلْقَالْ. وَ بَيْدَا، تَعَرْفُوا عَدَالَةْ اللّٰهْ.»

يَشُوع 3:1

وَ بِفَجُرْ بَدْرِي، يَشُوعْ وَ كُلَّ بَنِي إِسْرَائِيلْ قَمَّوْا مِنْ فَرِيقْهُمْ فِي شِطِّيمْ وَ نَزَلَوْا فِي خَشُمْ بَحَرْ الْأُرْدُنْ. وَ هُمَّنْ قَعَدَوْا فِي الْبَكَانْ دَا قُبَّالْ مَا يَقْطَعَوْا.

جامِعة 7:26

وَ أَنَا لِقِيتْ شَيّءْ وَاحِدْ مُرّ مِنْ الْمَوْت وَ دِي مَرَةْ الْمِثِلْ الشَّرَكْ. قَلِبْهَا مِثِلْ أَمْ كَجَّامَةْ وَ إِيدَيْنهَا مِثِلْ جَنَازِيرْ. الْيَخَافْ مِنْ الرَّبّ يَنْجَى مِنْهَا وَ لَاكِنْ الْمُذْنِبْ يَقَعْ فِي شَرَكْهَا.

خُروج 34:15

«أَنْقَرْعُوا مَا تِسَوُّوا عَلَاقَةْ مَعَ سُكَّانْ الْبَلَدْ دِي أَشَانْ وَكِتْ يِشَّرْمَطَوْا مَعَ إِلٰـهَاتْهُمْ وَ يَعَبُدُوهُمْ وَ يِقَدُّمُوا لَيْهُمْ ضَحَايَا، يَعَزُمُوكُو لِتَاكُلُوا مَعَاهُمْ ضَحَايَاهُمْ.

عَدد 25:17

«أَهْجُمُوا الْمِدْيَانِيِّينْ وَ أَكْتُلُوهُمْ.

عَدد 31:2

«شِيلْ لِبَنِي إِسْرَائِيلْ تَارْهُمْ فِي الْمِدْيَانِيِّينْ وَ بَعَدْ دَا، تُمُوتْ وَ تَلْحَقْ أَبَّهَاتَكْ.»

تَثْنِية 3:29

وَ مِنْ الْوَكِتْ دَا، أَنِحْنَ قَاعِدِينْ هِنِي فِي الْوَادِي مُقَابِلِينْ بَيْت فَعُورْ.

تَثْنِية 4:3

وَ إِنْتُو شِفْتُوا بِعُيُونْكُو الشَّيّءْ السَّوَّاهْ اللّٰهْ فِي حِلَّةْ بَعَلْ فَعُورْ. وَ فِي أُسُطْكُو، اللّٰهْ إِلٰـهْكُو كَتَلْ كُلَّ النَّاسْ الْعَبَدَوْا إِلٰـهْ بَعَلْ هَنَا جَبَلْ فَعُورْ.

تَثْنِية 32:38

وَ وَيْن إِلٰـهَاتْهُمْ الْأَكَلَوْا شَحَمْ ضَحَايَاهُمْ وَ شِرْبَوْا هَدَايَا شَرَابْهُمْ؟ خَلِّي يُقُمُّوا يَفْزَعَوْهُمْ وَ يَحْمُوهُمْ.

يَشُوع 22:17

وَ الْخَطَا السَّوَّيْنَا فِي فَعُورْ مَا تَمَّ لَيْنَا وَلَّا؟ لَحَدِّي الْيَوْم مَا طَهَّرْنَا نُفُوسْنَا مِنْ الْخَطَا دَا، كَنْ اللّٰهْ نَزَلْ فِي شَعَبَهْ وَبَاءْ كُلَ.

إرْمِيا 40:11

وَ كُلَّ بَنِي يَهُوذَا الْعَرَّدَوْا وَ مَشَوْا فِي مُوَابْ وَ فِي أُسُطْ بَنِي عَمُّونْ وَ فِي أَدَوْم وَ فِي بُلْدَانْ آخَرِينْ سِمْعَوْا كَدَرْ مَلِكْ بَابِلْ خَلَّى وَاحِدِينْ مِنْ بَنِي يَهُوذَا فَضَّلَوْا فِي الْبَلَدْ. وَ خَطَّ فَوْقهُمْ قَدَالْيَا وِلَيْد أَخِقَامْ وِلَيْد شَافَانْ حَاكِمْ.

حِزْقِيال 20:21

«‹وَ لَاكِنْ عِيَالْهُمْ عِصَوْنِي وَ مَا تَابَعَوْا شُرُوطِي وَ لَا حَفَضَوْا قَوَانِينِي الْبَيْهُمْ يَلْقَوْا الْحَيَاةْ كَنْ يِطَبُّقُوهُمْ. وَ هُمَّنْ مَا أَحْتَرَمَوْا يَوْمِي هَنَا السَّبْت. وَ فِي شَانْ دَا، أَنَا قُلْت: ”نِنَزِّلْ فَوْقهُمْ غَضَبِي فِي الصَّحَرَاءْ وَ نِكَمِّلْهُمْ.“

هُوشَع 9:10

«زَمَانْ، أَنَا لِقِيتْ بَنِي إِسْرَائِيلْ مِثِلْ عِنَبْ لَذِيذْ فِي الصَّحَرَاءْ. وَ شِفْت جُدُودْهُمْ حَلُوِينْ مِثِلْ فَوَاكِهْ الْأَوَّلْ فِي شَدَرَةْ التِّينْ. وَ لَاكِنْ وَكِتْ هُمَّنْ وِصْلَوْا فِي بَعَلْ فَعُورْ، عَبَدَوْا الصَّنَمْ الْيِجِيبْ الْعَيْب. وَ بِقَوْا مَكْرُوهِينْ مِثِلْ الصَّنَمْ الْمُحَرَّمْ الْعَبَدَوْه.

خُروج 22:19

«وَ أَيِّ نَادُمْ الْيَرْقُدْ مَعَ بَهِيمَةْ، وَاجِبْ يَكْتُلُوهْ.

عَدد 7:15

وَ فِي تَوْر وَ كَبِشْ وَ خَرُوفْ وَلْد سَنَةْ لِلضَّحِيَّةْ الْمُحَرَّقَةْ

2 مُلوك 23:7

وَ الْمَلِكْ دَمَّرْ بُيُوتْ النَّاسْ الْبِسَوُّوا الشَّرْمَطَةْ الْقَاعِدِينْ فِي فَضَايَةْ بَيْت اللّٰهْ. وَ فِي الْبَكَانْ دَا، عَوِينْ قَاعِدَاتْ يِتِرَّنْ قَبَقْ لِعِبَادَةْ الْإِلٰـهَةْ أَشِيرَةْ.

زَبُور 106:28

بَعَدْ دَا، هُمَّنْ مَشَوْا وَرَاءْ إِلٰـهْ بَعَلْ فِي جَبَلْ فَعُورْ وَ أَكَلَوْا صَدَقَةْ الْمَيْتِينْ.