عَدد 24:20 - الكتاب المقدس بالعربي الدارجي هنا تشاد

²⁰ وَ بَلْعَامْ شَافْ بَلَدْ الْعَمَالِقْ وَ بَدَا بِالشِّعِرْ وَ قَالْ: «عَمَالِقْ هُو الْأَوَّلْ فِي الْأُمَمْ وَ لَاكِنْ فِي الأَخِيرْ يِدَّمَّرْ.»

عَدد 24:20 Referenca të Kryqëzuara

خُروج 17:14

وَ خَلَاصْ، اللّٰهْ قَالْ لِمُوسَى: «أَكْتِبْ كُلَّ الشَّيّءْ دَا فِي كِتَابْ أَشَانْ مَا يِنَّسِي. وَ خَلِّي يَشُوعْ كُلَ يَسْمَعَهْ أَشَانْ أَنَا نُقُشّ كُلَّ الْعَمَالِقْ مِنْ الْأَرْض وَ بَتَّانْ نَادُمْ مَا يِحَجِّي بَيْهُمْ.»

أسْتِير 9:14

وَ الْمَلِكْ أَمَرْ وَ قَالْ: «خَلِّي يِسَوُّوا مِثِلْ دَا.» وَ مَرَقَوْا قَرَارْ فِي شُوشَةْ وَ عَلَّقَوْهُمْ لِلْأَوْلَادْ الْعَشَرَةْ هَنَا هَمَانْ.

أسْتِير 3:1

وَ بَعَدْ دَا، الْمَلِكْ أَشَوِرُوشْ أَنْطَاهْ لِهَمَانْ وِلَيْد هَمْدَاتَا الْمِنْ ذُرِّيَّةْ أَقَاقْ شَرَفْ زِيَادَةْ مِنْ كُلَّ الْمَسَائِيلْ الْقَاعِدِينْ مَعَايَهْ.

1 أخبار 4:43

وَ هُمَّنْ كَتَلَوْا كُلَّ الْعَمَالِقْ الْفَضَّلَوْا. وَ سَكَنَوْا فِي الْبَكَانْ دَا لَحَدِّي الْيَوْم.

1 صَمُوِيل 30:17

وَ دَاوُدْ هَجَمَاهُمْ مِنْ فَجُرْ بَدْرِي وَ دَاوَسَاهُمْ لَحَدِّي أَمْبَاكِرْ عَشِيَّةْ. وَ نَادُمْ وَاحِدْ كُلَ مِنْهُمْ مَا فَضَّلْ، إِلَّا 400 صُبْيَانْ الرِّكْبَوْا فِي جُمَالْ وَ عَرَّدَوْا.

1 صَمُوِيل 30:1

وَ بَعَدْ تَلَاتَةْ يَوْم، دَاوُدْ وَ نَاسَهْ وَصَّلَوْا فِي حِلَّةْ صِقْلَاقْ وَ لِقَوْا الْعَمَالِقْ هَجَمَوْا وَطِي بَلَدْ يَهُوذَا وَ هَجَمَوْا صِقْلَاقْ كُلَ وَ تَشَّوْهَا.

1 صَمُوِيل 14:48

وَ هُو وَصَّفْ فَرَاسِيّتَهْ وَكِتْ هَزَمْ الْعَمَالِقْ وَ نَجَّى بَنِي إِسْرَائِيلْ مِنْ النَّاسْ الْيَنْهَبَوْهُمْ.

قُضياء 6:3

وَ وَكِتْ بَنِي إِسْرَائِيلْ تَيْرَبَوْا زِرَاعِتْهُمْ، الْمِدْيَانِيِّينْ وَ الْعَمَالِقْ وَ قَبَايِلْ آخَرِينْ مِنْ الصَّبَاحْ قَمَّوْا هَجَمَوْهُمْ.

خُروج 17:16

وَ قَالْ: «الْعَمَالِقْ رَفَعَوْا إِيدَيْهُمْ ضِدّ اللّٰهْ. وَ هُو يِحَارِبْهُمْ مِنْ ذُرِّيَّةْ لِذُرِّيَّةْ.»

خُروج 17:8

عَسْكَرْ الْعَمَالِقْ جَوْا وَ حَارَبَوْا بَنِي إِسْرَائِيلْ فِي رَفِدِيمْ.

تكوين 36:12

وَ أَلِفَازْ وِلَيْد عِيسُو عِنْدَهْ سِرِّيَةْ أُسُمْهَا تِمْنَاعَةْ هِي جَابَتْ لَيَّهْ وِلَيْد أُسْمَهْ عَمَالِقْ. وَ دَوْل أَوْلَادْ عَادَةْ مَرِةْ عِيسُو.

عَدد 24:7

أَلْمِي يِسِيلْ مِنْ عَيْنَهْ وَ بِذِرْتَهْ يَزْقُوهَا بِأَلْمِي كَتِيرْ. وَ مَلِكْهُمْ يَبْقَى زِيَادَةْ مِنْ الْمَلِكْ أَقَاقْ وَ مَمْلَكَتَهْ تَبْقَى قَوِيَّةْ.

عَدد 24:19

وَ يَجِي مَلِكْ قَوِي مِنْ ذُرِّيَّةْ يَعْقُوبْ وَ يِدَمِّرْ النَّاسْ الْفَضَّلَوْا فِي الْمَدِينَةْ.»

عَدد 24:24

فِي سُفُنْ يَجُوا مِنْ قُبْرُصْ. يَظُلْمُوا أَشُورْ وَ يَظُلْمُوا عِبَارْ وَ هُمَّنْ كُلَ يِدَّمَّرَوْا.»

1 صَمُوِيل 15:2

وَ دَاهُو اللّٰهْ الْقَادِرْ قَالْ: ‹أَنَا نِعَاقِبْ شَعَبْ عَمَالِقْ فِي عَمَلْهُمْ السَّوَّوْه كَنْ دَحَرَوْا الدَّرِبْ لِبَنِي إِسْرَائِيلْ وَكِتْ هُمَّنْ مَارْقِينْ مِنْ بَلَدْ مَصِرْ.