عَدد 24:1 - الكتاب المقدس بالعربي الدارجي هنا تشاد

¹ وَ وَكِتْ بَلْعَامْ عِرِفْ كَدَرْ اللّٰهْ يِدَوْر يِبَارِكْ بَنِي إِسْرَائِيلْ، هُو مَا سَوَّى مِثِلْ الْمَرَّاتْ الْأَوَّلْ لِيَعَرِفْ الْغَيْب وَ لَاكِنْ وَجَّهْ عَلَيْ الصَّحَرَاء.

عَدد 24:1 Referenca të Kryqëzuara

عَدد 23:23

مَا فِي الْيِكَلِّمْ بِعِلِمْ الْغَيْب فِي ذُرِّيَّةْ يَعْقُوبْ وَ مَا فِي الْيِشَوِّفْ فِي بَنِي إِسْرَائِيلْ. وَ فِي وَكِتْ مُوَافِقْ، ذُرِّيَّةْ يَعْقُوبْ وَ بَنِي إِسْرَائِيلْ يَعَرْفُوا كُلَّ شَيّءْ الْاللّٰهْ يِسَوِّيهْ.

عَدد 23:3

وَ بَلْعَامْ قَالْ لِبَلَاقْ: «أَقِيفْ جَنْب ضَحِيّتَكْ الْمُحَرَّقَةْ وَ أَنَا كَمَانْ نَمْشِي هِنَاكْ. أَكُونْ اللّٰهْ يَجِي وَ يِحَجِّي لَيِّ وَ أَيِّ كَلَامْ الْيُقُولَهْ لَيِّ أَنَا نُقُولَهْ لَيْك.» وَ مَشَى فِي رَاسْ الْجَبَلْ.

رُؤية 2:14

لَاكِنْ أَنَا لِقِيتْ فَوْقَكْ شَيّءْ وَاحِدْ مَا عَدِيلْ. وَ عِنْدَكْ نَاسْ وَاحِدِينْ يِتَابُعُوا تَعْلِيمْ مِثِلْ تَعْلِيمْ بَلْعَامْ. وَ زَمَانْ بَلْعَامْ عَلَّمْ الْمَلِكْ بَلَاقْ كِكَّيْف يِوَدِّي بَنِي إِسْرَائِيلْ فِي الذُّنُوبْ لَحَدِّي أَكَلَوْا اللَّحَمْ الْأَوَّلْ قَدَّمَهْ ضَحِيَّةْ لِأَصْنَامَهْ وَ هُمَّنْ قَمَّوْا زَنَوْا.

عَدد 31:16

دَوْل بَسْ مَا الْعَوِينْ الْأَوَّلْ بَلْعَامْ قَالْ لَيْهُمْ خَلِّي يِلِزُّوا بَنِي إِسْرَائِيلْ يَعَصَوْا اللّٰهْ؟ وَ هِنَّ بَسْ مَا جَابَنْ مُشْكِلَةْ فَعُورْ لَحَدِّي الْوَبَاءْ نَزَلْ فِي شَعَبْ اللّٰهْ؟

عَدد 23:28

وَ بَلَاقْ وَدَّى بَلْعَامْ فِي رَاسْ جَبَلْ فَعُورْ وَ مِنْ الْبَكَانْ دَا، تِنْشَافْ الصَّحَرَاء.

عَدد 23:20

أَنَا لِقِيتْ أَمُرْ نِبَارِكْ أَشَانْ هُو بَارَكَاهُمْ خَلَاصْ. وَ بَتَّانْ أَنَا مَا نَقْدَرْ نِسَوِّي شَيّءْ آخَرْ.

عَدد 23:15

وَ بَلْعَامْ قَالْ لِبَلَاقْ: «أَقِيفْ جَنْب ضَحِيّتَكْ الْمُحَرَّقَةْ وَ أَنَا كَمَانْ نَمْشِي هِنَاكْ نَرْجَى اللّٰهْ يَجِي لَيِّ.»

عَدد 22:13

وَ أَمْبَاكِرْ فَجُرْ، بَلْعَامْ قَمَّ وَ قَالْ لِكُبَارَاتْ بَلَاقْ: «قَبُّلُوا بَلَدْكُو. اللّٰهْ أَبَى مَا يِخَلِّينِي نَمْشِي مَعَاكُو.»

1 صَمُوِيل 26:25

وَ خَلَاصْ، شَاوُولْ قَالْ لِدَاوُدْ: «اللّٰهْ يِبَارِكَكْ، يَا وِلَيْدِي دَاوُدْ! أَكِيدْ إِنْتَ تِسَوِّي أَشْيَاءْ كَتِيرِينْ وَ تَنْجَحْ!» وَ بَعَدْ دَا، دَاوُدْ شَالْ دَرْبَهْ وَ فَاتْ. وَ شَاوُولْ قَبَّلْ بَيْتَهْ.

1 صَمُوِيل 26:2

وَ شَاوُولْ شَالْ 3 000 رَاجِلْ مِنْ أَحْسَنْ الْمُحَارِبِينْ هَنَا بَنِي إِسْرَائِيلْ وَ قَمَّ مَشَى لِكَدَادَةْ زِيفْ لِيِفَتِّشْ دَاوُدْ.

1 صَمُوِيل 24:20

وَ هَسَّعْ، أَنَا أَكَّدْت إِنْتَ تَبْقَى مَلِكْ وَ مَمْلَكَةْ إِسْرَائِيلْ تَقْعُدْ ثَابْتَةْ فِي إِيدَيْنَكْ.

عَدد 22:7

وَ كُبَارَاتْ مُوَابْ وَ كُبَارَاتْ مِدْيَانْ شَالَوْا مَعَاهُمْ بَيَاضْ وَ مَشَوْا لِبَلْعَامْ. وَ وَكِتْ هُمَّنْ وَصَّلَوْا، خَبَّرَوْه بِكَلَامْ بَلَاقْ.

عَدد 23:30

وَ بَلَاقْ سَوَّى مِثِلْ بَلْعَامْ قَالَهْ لَيَّهْ وَ قَدَّمْ ضَحِيَّةْ هَنَا تَوْر وَ كَبِشْ فِي أَيِّ مَدْبَحْ.