عَدد 23:23 - الكتاب المقدس بالعربي الدارجي هنا تشاد

²³ مَا فِي الْيِكَلِّمْ بِعِلِمْ الْغَيْب فِي ذُرِّيَّةْ يَعْقُوبْ وَ مَا فِي الْيِشَوِّفْ فِي بَنِي إِسْرَائِيلْ. وَ فِي وَكِتْ مُوَافِقْ، ذُرِّيَّةْ يَعْقُوبْ وَ بَنِي إِسْرَائِيلْ يَعَرْفُوا كُلَّ شَيّءْ الْاللّٰهْ يِسَوِّيهْ.

عَدد 23:23 Referenca të Kryqëzuara

يَشُوع 13:22

وَ أَمْبَيْن النَّاسْ الْبَنِي إِسْرَائِيلْ كَتَلَوْهُمْ بِالْسَّيْف، فِيَّهْ الشَّوَّافِي بَلْعَامْ وِلَيْد بَعُورْ.

مَتَّى 12:27

كَنْ أَنَا طَرَدْت الشَّوَاطِينْ بِقُدْرَةْ إِبْلِيسْ، نَاسْكُو يَطُرْدُوهُمْ بِقُدْرَةْ يَاتُو؟ وَ مِثِلْ دَا، نَاسْكُو بَسْ الْيِثَبُّتُوا فَوْقكُو التُّهْمَةْ.

زَبُور 64:9

كُلَّ النَّاسْ يَخَافَوْا وَ يِخَبُّرُوا بِعَمَلْ الرَّبّ وَ يَفْهَمَوْا خِدِمْتَهْ.

رَوْمَا 16:20

وَ اللّٰهْ رَبّ السَّلَامْ مَا يِأَخِّرْ يَرْحَكْ إِبْلِيسْ تِحِتْ رِجْلَيْكُو. عَلَيْكُمْ رَحْمَةْ رَبِّنَا عِيسَى.

عَدد 24:1

وَ وَكِتْ بَلْعَامْ عِرِفْ كَدَرْ اللّٰهْ يِدَوْر يِبَارِكْ بَنِي إِسْرَائِيلْ، هُو مَا سَوَّى مِثِلْ الْمَرَّاتْ الْأَوَّلْ لِيَعَرِفْ الْغَيْب وَ لَاكِنْ وَجَّهْ عَلَيْ الصَّحَرَاء.

رُؤية 12:9

وَ الْغُولْ الْكَبِيرْ رَمَوْه وَ هُو بَسْ الدَّابِي الْقَاعِدْ مِنْ زَمَانْ وَ أُسْمَهْ إِبْلِيسْ وَ الشَّيْطَانْ وَ هُو الْكَدَّابْ الْغَشَّ نَاسْ الدُّنْيَا كُلُّهُمْ. وَ هُو رَمَوْه فِي الْأَرْض وَ مَلَائِكَتَهْ كُلَ رَمَوْهُمْ مَعَايَهْ.

أعمال الرُسُل 10:38

وَ تَعَرْفُوا كَدَرْ اللّٰهْ نَزَّلْ الرُّوحْ الْقُدُّوسْ فِي عِيسَى الْمِنْ النَّاصِرَةْ وَ دَرَّجَهْ مَسِيحْ وَ أَنْطَاهْ قُدْرَةْ. وَ عِيسَى سَوَّى الْخَيْر فِي أَيِّ بَكَانْ وَ شَفَى كُلَّ النَّاسْ الْإِبْلِيسْ عَذَّبَاهُمْ أَشَانْ اللّٰهْ كَانْ مَعَايَهْ.

مَتَّى 16:18

وَ نُقُولْ لَيْك أُسْمَكْ بُطْرُسْ (مَعَنَاتَهْ حَجَرْ). وَ نِأَسِّسْ أُمَّتِي فِي الْحَجَرْ دَا وَ الْمَوْت مَا يِنَّصِرْ فَوْقَهَا.

مِيخا 7:15

«مِثِلْ أَيَّامْ الْإِنْتُو مَرَقْتُوا مِنْ بَلَدْ مَصِرْ، أَنَا بَتَّانْ نِوَصِّفْكُو عَجَايِبْ.»

أعمال الرُسُل 4:16

قَالَوْا: «نِسَوُّوا شُنُو لِلرُّجَالْ دَوْل؟ هُمَّنْ سَوَّوْا شَيّءْ عَجِيبْ بِلْحَيْن وَ كُلَّ نَاسْ مَدِينَةْ الْقُدُسْ شَافَوْه وَ مَا نَقْدَرَوْا نَنْكُرُوهْ.

مَتَّى 12:25

وَ عِيسَى عِرِفْ فِكِرْهُمْ وَ قَالْ لَيْهُمْ: «أَيِّ مَمْلَكَةْ كَنْ نَاسْهَا يِدَّاوَسَوْا أَمْبَيْنَاتْهُمْ تَخْرَبْ. وَ مَا فِي مَدِينَةْ وَ لَا بَيْت يَقْعُدْ ثَابِتْ كَنْ نَاسَهْ يِدَّاوَسَوْا أَمْبَيْنَاتْهُمْ.

إشَعْيا 41:4

يَاتُو السَّوَّاهْ وَ عَمَلَاهْ؟ هُو النَّادَى الذُّرِّيَّاتْ مِنْ الْبِدَايَةْ وَ هُو الْأَوَّلْ وَ الْأَخِيرْ، وَ دَا أَنَا اللّٰهْ بَسْ.

أعمال الرُسُل 5:12

وَ الرُّسُلْ سَوَّوْا عَجَايِبْ وَ عَلَامَةْ كَتِيرِينْ فِي أُسْط النَّاسْ. وَ كُلَّ الْمُؤمِنِينْ عِنْدُهُمْ قَلِبْ وَاحِدْ وَ قَاعِدِينْ يِلِمُّوا فِي رَاكُوبَةْ سُلَيْمَانْ فِي فَضَايَةْ بَيْت اللّٰهْ.

زَبُور 31:19

يَا اللّٰهْ! خَيْرَكْ كَتِيرْ الْحَفَضْتَهْ لِلنَّاسْ الْيَخَافَوْا مِنَّكْ. وَ تَنْطِيهْ لِلْيَلْجَأَوْا لَيْك قِدَّامْ كُلَّ النَّاسْ.

أعمال الرُسُل 15:12

وَ خَلَاصْ، كُلَّ النَّاسْ اللَّامِّينْ سَكَتَوْا وَ بَدَوْا يَسْمَعَوْا كَلَامْ بَرْنَابَا وَ بُولُسْ. وَ هُمَّنْ أَوْرَوْهُمْ بِالْعَلَامَاتْ وَ الْعَجَايِبْ الْاللّٰهْ سَوَّاهُمْ بِوَاسِطَتْهُمْ فِي أُسْط النَّاسْ الْمَا يَهُودْ.

أعمال الرُسُل 5:14

وَ عَدَدْ الْمُؤمِنِينْ بِالرَّبّ عِيسَى بَدَا يِزِيدْ بِزِيَادَةْ، مِنْ الرُّجَالْ وَ مِنْ الْعَوِينْ.

يُوحَنَّا 11:47

وَ أَشَانْ دَا، كُبَارَاتْ رُجَالْ الدِّينْ وَ الْفَرِيزِيِّينْ نَادَوْا نَاسْ هَنَا الْمَجْلَسْ الْكَبِيرْ يِلِمُّوا. وَ أَسَّاءَلَوْا أَمْبَيْنَاتْهُمْ وَ قَالَوْا: «نِسَوُّوا شُنُو؟ النَّادُمْ دَا قَاعِدْ يِسَوِّي عَجَايِبْ كَتِيرِينْ.

دَنْيال 9:15

«يَا رَبِّنَا وَ إِلٰـهْنَا، إِنْتَ مَرَقْت شَعَبَكْ مِنْ بَلَدْ مَصِرْ بِإِيدَكْ الشَّدِيدَةْ وَ أَشَانْ دَا، أُسْمَكْ مَعْرُوفْ لَحَدِّي الْيَوْم دَا فِي كُلَّ الْأَرْض. لَاكِنْ أَنِحْنَ أَذْنَبْنَا وَ سَوَّيْنَا الشَّرّ.

تكوين 3:15

إِنْتَ وَ الْمَرَةْ تَبْقَوْا عُدْوَانْ وَ ذُرِّيّتَكْ وَ ذُرِّيِّتْهَا يَبْقَوْا عُدْوَانْ. وَ وَاحِدْ مِنْهُمْ يِكَسِّرْ رَاسَكْ وَ إِنْتَ تِعَضِّيهْ فِي كَعَبَهْ.»

حِزْقِيال 21:21

أَشَانْ مَلِكْ بَابِلْ قَاعِدْ فِي مَشْبَكْ الدُّرُوبْ الْإِتْنَيْن دَوْل لِيِشَوِّفْ. وَ يِهِزّ النَّشَاشِيبْ وَ يَسْأَلْ الْأَصْنَامْ وَ يَكْشِفْ الْكِبْدَةْ.

تَثْنِية 3:24

«يَا اللّٰهْ الرَّبّ، إِنْتَ بَدَيْت تِوَصِّفْ لِعَبْدَكْ عَظَمَتَكْ وَ إِيدَكْ الشَّدِيدَةْ. هَلْ فِي إِلٰـهْ فِي السَّمَاءْ أَوْ فِي الْأَرْض الْيَقْدَرْ يِسَوِّي مِثِلْ عَمَلَكْ وَ خِدِمْتَكْ الشَّدِيدَةْ وَلَّا؟

إشَعْيا 44:25

أَنَا فَشَّلْت عَلَامَاتْ الْكَدَّابِينْ وَ الشَّوَّافِينْ أَشَانْ مَا عِنْدُهُمْ مَعَنَى. وَ قَلَبْت كَلَامْ الْحُكُمَاءْ وَ عِلِمْهُمْ، سَوَّيْتَهْ مَا عِنْدَهْ فَايْدَةْ.