عَدد 23:14 - الكتاب المقدس بالعربي الدارجي هنا تشاد

¹⁴ وَ وَدَّى بَلْعَامْ فَوْق فِي رَاسْ جَبَلْ الْفِسْقَةْ وَ دَا الْبَكَانْ الْيِرَاقُبُوا مِنَّهْ. وَ بَنَى سَبْعَةْ مَدْبَحْ وَ قَدَّمْ ضَحِيَّةْ هَنَا تَوْر وَ كَبِشْ فِي أَيِّ مَدْبَحْ.

عَدد 23:14 Referenca të Kryqëzuara

هُوشَع 12:11

أَكِيدْ، شَعَبْ قِلْعَادْ فَسْلِينْ وَ مَا عِنْدُهُمْ فَايْدَةْ أَشَانْ يِقَدُّمُوا تِيرَانْ ضَحَايَا فِي قِلْقَالْ. وَ بَيْدَا، مَدَابِحْهُمْ يِلْهَدَّمَوْا وَ يَبْقَوْا كَوْم هَنَا تُرَابْ فِي الزَّرَعْ الْمَحْرُوتْ.

إشَعْيا 46:6

نَاسْ وَاحِدِينْ يُصُبُّوا الدَّهَبْ مِنْ مَخَالِيهُمْ وَ يَوْزُنُوا الْفُضَّةْ فِي الْمِيزَانْ. وَ يِكَفُّوا صَيَّاغِي لِيُدُقّ لَيْهُمْ صَنَمْ إِلٰـهْ وَ لِلْإِلٰـهْ دَا، هُمَّنْ يَرْكَعَوْا وَ يَسْجُدُوا.

تَثْنِية 34:1

وَ مِنْ كَدَادَةْ مُوَابْ، مُوسَى طَلَعْ فِي جَبَلْ نَبُو فِي رَاسْ الْفِسْقَةْ الْمُقَابِلَةْ حِلَّةْ أَرِيحَا. وَ مِنْ الْبَكَانْ دَا، اللّٰهْ وَصَّفَهْ كُلَّ بَلَدْ قِلْعَادْ لَحَدِّي دَانْ

تَثْنِية 4:49

وَ كُلَّ الْعَرَبَةْ صَبَاحْ غَادِي لِبَحَرْ الْأُرْدُنْ لَحَدِّي الْبَحَرْ الْمَيِّتْ فِي قَعَرْ جَبَلْ الْفِسْقَةْ.

تَثْنِية 3:27

أَطْلَعْ فِي رَاسْ جَبَلْ الْفِسْقَةْ وَ شِيفْ مُنْشَاقْ وَ وَطِي وَ غَرِبْ وَ صَبَاحْ. وَ شِيفْ الْبَكَانْ دَا عَدِيلْ أَشَانْ إِنْتَ مَا تَقْطَعْ بَحَرْ الْأُرْدُنْ دَا.

عَدد 23:29

وَ بَلْعَامْ قَالْ لِبَلَاقْ: «أَبْنِي لَيِّ هِنِي سَبْعَةْ مَدْبَحْ وَ جِيبْ لَيِّ سَبْعَةْ تِيرَانْ وَ سَبْعَةْ كُبْشَانْ.»

عَدد 21:20

وَ مِنْ بَامَوْت سَارَوْا لَحَدِّي الْوَادِي الْفِي بَلَدْ مُوَابْ وَ دَا عَلَيْ رَاسْ جَبَلْ الْفِسْقَةْ الْمِنَّهْ تِنْشَافْ كُلَّ الصَّحَرَاء.

عَدد 23:13

وَ بَلَاقْ قَالْ بَتَّانْ: «تَعَالْ مَعَايِ فِي بَكَانْ آخَرْ وَ مِنْ هِنَاكْ، تِشِيفْ الشَّعَبْ دَا. وَ إِنْتَ تِشِيفْ نُصُّهُمْ بَسْ مَا كُلُّهُمْ كَيْ. وَ مِنْ الْبَكَانْ دَا، أَلْعَنْهُمْ لَيِّ.»

عَدد 23:15

وَ بَلْعَامْ قَالْ لِبَلَاقْ: «أَقِيفْ جَنْب ضَحِيّتَكْ الْمُحَرَّقَةْ وَ أَنَا كَمَانْ نَمْشِي هِنَاكْ نَرْجَى اللّٰهْ يَجِي لَيِّ.»