عَدد 22:5 - الكتاب المقدس بالعربي الدارجي هنا تشاد

⁵ وَ الْمَلِكْ بَلَاقْ رَسَّلْ نَاسْ لِبَلْعَامْ وِلَيْد بَعُورْ فِي حِلَّةْ فَطُورْ جَنْب بَحَرْ الْفُرَاتْ فِي أُسُطْ شَعَبَهْ. هُو رَسَّلْ لِيِخَبِّرَهْ وَ يُقُولْ لَيَّهْ: «دَاهُو فِي شَعَبْ مَرَقَوْا مِنْ بَلَدْ مَصِرْ وَ مِنْ الْكَتَرَةْ سَدَّوْا الْأَرْض مَرَّةْ وَاحِدْ. وَ جَوْا قَابَلَوْنَا وَ نَزَلَوْا.

عَدد 22:5 Referenca të Kryqëzuara

تَثْنِية 23:4

أَشَانْ زَمَانْ، هُمَّنْ أَبَوْا مَا يِقَدُّمُوا لَيْكُو الْخُبْزَةْ وَ الْأَلْمِي فِي الدَّرِبْ وَكِتْ مَرَقْتُوا مِنْ بَلَدْ مَصِرْ. وَ أَشَانْ أَجَّرَوْا ضِدُّكُو بَلْعَامْ وِلَيْد بَعُورْ الْمِنْ حِلَّةْ فَطُورْ فِي أَرَامْ بَيْن الْنَّهْرَيْن لِيَلْعَنْكُو.

مِيخا 6:5

يَا شَعَبِي! أَذَّكَّرَوْا مُؤآمَرَةْ بَلَاقْ مَلِكْ مُوَابْ ضِدُّكُو وَ كِكَّيْف بَلْعَامْ وِلَيْد بَعُورْ رَدَّ لَيَّهْ وَ قَالْ نِسَوِّي لَيْكُو إِلَّا الْخَيْر. أَذَّكَّرَوْا كِكَّيْف قَمَّيْتُوا مِنْ شِطِّيمْ صَبَاحْ بَحَرْ الْأُرْدُنْ وَ وَصَّلْتُوا فِي أَرْضُكُو فِي قِلْقَالْ. وَ بَيْدَا، تَعَرْفُوا عَدَالَةْ اللّٰهْ.»

يَشُوع 24:9

وَ بَلَاقْ وِلَيْد صِفُّورْ مَلِكْ مُوَابْ قَمَّ لِيِحَارِبْ بَنِي إِسْرَائِيلْ وَ رَسَّلْ لِبَلْعَامْ وِلَيْد بَعُورْ أَشَانْ يَجِي يَلْعَنْكُو.

يَهُوذَا 1:11

الْعَذَابْ يَرْجَاهُمْ. أَشَانْ هُمَّنْ شَالَوْا دَرِبْ هَنَا قَابِيلْ. هُمَّنْ شَالَوْا دَرِبْ الْكِدِبْ هَنَا بَلْعَامْ أَشَانْ يَلْقَوْا بَيَّهْ رِبَا. وَ عِصَوْا اللّٰهْ مِثِلْ قُورَحْ وَ بَيْدَا، أَكِيدْ يِدَّمَّرَوْا.

رُؤية 2:14

لَاكِنْ أَنَا لِقِيتْ فَوْقَكْ شَيّءْ وَاحِدْ مَا عَدِيلْ. وَ عِنْدَكْ نَاسْ وَاحِدِينْ يِتَابُعُوا تَعْلِيمْ مِثِلْ تَعْلِيمْ بَلْعَامْ. وَ زَمَانْ بَلْعَامْ عَلَّمْ الْمَلِكْ بَلَاقْ كِكَّيْف يِوَدِّي بَنِي إِسْرَائِيلْ فِي الذُّنُوبْ لَحَدِّي أَكَلَوْا اللَّحَمْ الْأَوَّلْ قَدَّمَهْ ضَحِيَّةْ لِأَصْنَامَهْ وَ هُمَّنْ قَمَّوْا زَنَوْا.

يَشُوع 13:22

وَ أَمْبَيْن النَّاسْ الْبَنِي إِسْرَائِيلْ كَتَلَوْهُمْ بِالْسَّيْف، فِيَّهْ الشَّوَّافِي بَلْعَامْ وِلَيْد بَعُورْ.

عَدد 23:7

وَ خَلَاصْ، بَدَا بِالشِّعِرْ وَ قَالْ: «مِنْ أَرَامْ، بَلَاقْ مَلِكْ مُوَابْ جَابَانِي وَ مِنْ جِبَالْ الصَّبَاحْ، نَادَانِي وَ قَالْ: ‹تَعَالْ لِيَعْقُوبْ أَلْعَنَهْ لَيِّ وَ تَعَالْ عَيِّرْ إِسْرَائِيلْ عَدُويِ.›

زَبُور 105:24

وَ اللّٰهْ سَوَّى شَعَبَهْ يَلْدَوْا كَتِيرْ وَ سَوَّاهُمْ شُدَادْ مِنْ خُصْمَانْهُمْ.

تكوين 13:16

وَ نِسَوِّي ذُرِّيّتَكْ كَتِيرَةْ مِثِلْ تُرَابْ الْأَرْض، مَا يَقْدَرَوْا يَحْسُبُوهُمْ.

خُروج 10:15

وَ الْجَرَادْ غَطَّى كُلَّ الْأَرْض وَ الْأَرْض بِقَتْ ضَلْمَةْ مِنْ الْجَرَادْ. وَ أَكَلْ كُلَّ الْقَشّ الْفِي الْأَرْض وَ كُلَّ عِيَالْ الشَّدَرْ وَ كُلَّ شَيّءْ الْخَلَّاهْ الْبَرَدْ. وَ مَا فَضَّلْ شَيّءْ مِنْ الْخَضَارْ وَ لَا مِنْ الشَّدَرْ وَ لَا مِنْ قَشّ الْكَدَادَةْ فِي كُلَّ بَلَدْ مَصِرْ.

عَدد 31:8

وَ مَعَ الرُّجَالْ دَوْل هُمَّنْ كَتَلَوْا مُلُوكْ مِدْيَانْ الْخَمْسَةْ، أَوِيَا وَ رَاقِمْ وَ صُورْ وَ حُورْ وَ رَابِعْ. وَ بَلْعَامْ وِلَيْد بَعُورْ كُلَ كَتَلَوْه مَعَاهُمْ.

تَثْنِية 23:5

وَ لَاكِنْ اللّٰهْ إِلٰـهْكُو أَبَى مَا سِمِعْ كَلَامْ بَلْعَامْ وَ بَدَّلْ لَيْكُو اللَّعَنَةْ بِبَرَكَةْ أَشَانْ اللّٰهْ إِلٰـهْكُو يِحِبُّكُو.