عَدد 22:32 - الكتاب المقدس بالعربي الدارجي هنا تشاد

³² وَ مَلَكْ اللّٰهْ قَالْ لَيَّهْ: «مَالَا دَقَّيْت حُمَارْتَكْ تَلَاتَةْ مَرَّاتْ؟ وَ دَاهُو أَنَا جِيتْ لِنَدْحَرَكْ أَشَانْ مَخَطَرَكْ دَا مَا عَجَبْنِي.

عَدد 22:32 Referenca të Kryqëzuara

أعمال الرُسُل 13:10

«يَا نَادُمْ الْقَلْبَكْ مَلَانْ بِالْغَشّ وَ الْفَسَالَةْ! يَا وِلَيْد إِبْلِيسْ! كُلَّ شَيّءْ صَالِحْ، إِنْتَ عَدُو لَيَّهْ. إِنْتَ دَايْماً تِدَوْر تِتَلِّفْ الدُّرُوبْ الْعَدِيلِينْ هَنَا اللّٰهْ.

أمْثال 28:18

الْيَمْشِي عَدِيلْ، يَنْجَى وَ الْأَعْوَجْ يِشِيلْ دُرُوبْ تِنَيْن وَ يَقَعْ عَجَلَةْ.

عَدد 22:22

وَ بَيْدَا كُلَ، اللّٰهْ غِضِبْ لِبَلْعَامْ وَكِتْ قَمَّ مَاشِي وَ خَلَاصْ مَلَكْ اللّٰهْ وَقَفْ لَيَّهْ فِي الدَّرِبْ أَشَانْ يَدْحَرَهْ. وَ بَلْعَامْ رَاكِبْ فِي حُمَارْتَهْ وَ مَعَايَهْ إِتْنَيْن مِنْ خَدَّامِينَهْ.

أمْثال 28:6

أَخَيْر فَقْرِي مَاشِي بِصَحِيحْ مِنْ غَنِيْ عَايِشْ بِكِدِبْ.

أمْثال 14:2

الْمَاشِي فِي الدَّرِبْ الْعَدِيلْ، خَايِفْ مِنْ اللّٰهْ. وَ الشَّايِلْ الدَّرِبْ الْأَعْوَجْ، عَاصِي اللّٰهْ.

مِيخا 6:5

يَا شَعَبِي! أَذَّكَّرَوْا مُؤآمَرَةْ بَلَاقْ مَلِكْ مُوَابْ ضِدُّكُو وَ كِكَّيْف بَلْعَامْ وِلَيْد بَعُورْ رَدَّ لَيَّهْ وَ قَالْ نِسَوِّي لَيْكُو إِلَّا الْخَيْر. أَذَّكَّرَوْا كِكَّيْف قَمَّيْتُوا مِنْ شِطِّيمْ صَبَاحْ بَحَرْ الْأُرْدُنْ وَ وَصَّلْتُوا فِي أَرْضُكُو فِي قِلْقَالْ. وَ بَيْدَا، تَعَرْفُوا عَدَالَةْ اللّٰهْ.»

يُونُس 4:11

شِيفْ نَاسْ هَنَا نِينَوَى، الْمَدِينَةْ الْكَبِيرَةْ، الْعِنْدَهَا زِيَادَةْ مِنْ 120 000 نَاسْ الْمَا يَعَرْفُوا زَيْن وَ لَا فَسِلْ. وَ عِنْدَهَا بَهَايِمْ كَتِيرِينْ كُلَ. كِكَّيْف أَنَا مَا نِحِنّ فَوْقهُمْ؟»

زَبُور 147:9

هُو يَنْطِي أَكِلْ لِلْبَهَايِمْ وَ لِعِيَالْ الْغُرَابْ وَكِتْ يَبْكُوا.

زَبُور 145:9

اللّٰهْ زَيْن لِكُلَّ النَّاسْ وَ رَحِيمْ لِكُلَّ مَخْلُوقِينَهْ.

زَبُور 36:6

وَ عَدَالْتَكْ مِثِلْ جِبَالْ الْعَالِيِينْ وَ شَرِيعْتَكْ مِثِلْ أَلْمِي الْغَرِيقْ. يَا اللّٰهْ! إِنْتَ تِنَجِّي النَّاسْ وَ الْبَهَايِمْ.

تَثْنِية 25:4

وَكِتْ التَّوْر قَاعِدْ يِفَجِّقْ لَيْك الْغَلَّةْ فِي الْمَدَقّ، مَا تَرْبُطْ خَشْمَهْ. خَلِّي يَاكُلْ.

تَثْنِية 23:4

أَشَانْ زَمَانْ، هُمَّنْ أَبَوْا مَا يِقَدُّمُوا لَيْكُو الْخُبْزَةْ وَ الْأَلْمِي فِي الدَّرِبْ وَكِتْ مَرَقْتُوا مِنْ بَلَدْ مَصِرْ. وَ أَشَانْ أَجَّرَوْا ضِدُّكُو بَلْعَامْ وِلَيْد بَعُورْ الْمِنْ حِلَّةْ فَطُورْ فِي أَرَامْ بَيْن الْنَّهْرَيْن لِيَلْعَنْكُو.

عَدد 22:35

وَ لَاكِنْ مَلَكْ اللّٰهْ قَالْ لَيَّهْ: «أَمْشِي مَعَ الرُّجَالْ دَوْل. وَ لَاكِنْ قُولْ الْكَلَامْ الْأَنَا نُقُولَهْ لَيْك بَسْ.» وَ خَلَاصْ بَلْعَامْ مَشَى مَعَ الْكُبَارَاتْ الرَّسَّلَاهُمْ بَلَاقْ.

عَدد 22:28

وَ اللّٰهْ أَنْطَى خَشُمْ لِلْحُمَارَةْ أَشَانْ تِحَجِّي وَ قَالَتْ لِبَلْعَامْ: «أَنَا سَوَّيْت لَيْك شُنُو لَحَدِّي تُدُقِّنِي تَلَاتَةْ مَرَّاتْ؟»

عَدد 22:20

وَ بِاللَّيْل، الرَّبّ حَجَّى لِبَلْعَامْ وَ قَالْ لَيَّهْ: «كَنْ النَّاسْ دَوْل جَوْا بَتَّانْ لِيِنَادُوكْ، خَلَاصْ أَمْشِي مَعَاهُمْ. وَ لَاكِنْ سَوِّي الشَّيّءْ الْأَنَا نُقُولَهْ لَيْك بَسْ.»

عَدد 22:33

الْحُمَارَةْ شَافَتْنِي وَ تَلَاتَةْ مَرَّاتْ هِي بَارَتْ مِنِّي. وَ كَنْ أَوَّلْ هِي مَا بَارَتْ مِنِّي، وَكِتْ دَا أَنَا كَتَلْتَكْ خَلَاصْ وَ خَلَّيْتهَا هِي حَيَّةْ.»

أمْثال 16:2

كُلَّ خِدْمَةْ الْإِنْسَانْ سَمْحَةْ فِي عُيُونَهْ وَ لَاكِنْ الْفِي قَلِبْ الْإِنْسَانْ، اللّٰهْ بَسْ يَوْزِنَهْ.