عَدد 22:22 - الكتاب المقدس بالعربي الدارجي هنا تشاد

²² وَ بَيْدَا كُلَ، اللّٰهْ غِضِبْ لِبَلْعَامْ وَكِتْ قَمَّ مَاشِي وَ خَلَاصْ مَلَكْ اللّٰهْ وَقَفْ لَيَّهْ فِي الدَّرِبْ أَشَانْ يَدْحَرَهْ. وَ بَلْعَامْ رَاكِبْ فِي حُمَارْتَهْ وَ مَعَايَهْ إِتْنَيْن مِنْ خَدَّامِينَهْ.

عَدد 22:22 Referenca të Kryqëzuara

عَدد 22:32

وَ مَلَكْ اللّٰهْ قَالْ لَيَّهْ: «مَالَا دَقَّيْت حُمَارْتَكْ تَلَاتَةْ مَرَّاتْ؟ وَ دَاهُو أَنَا جِيتْ لِنَدْحَرَكْ أَشَانْ مَخَطَرَكْ دَا مَا عَجَبْنِي.

خُروج 4:24

فِي الدَّرِبْ فِي الْبَكَانْ الْمُوسَى رَاقِدْ فَوْقَهْ، اللّٰهْ قَرَّبْ لَيَّهْ لِيَكْتُلَهْ.

مَراثِي إرْمِيا 2:4

وَ مِثِلْ عَدُو، جَبَدْ نُبَّالَهْ وَ مِثِلْ خَصِيمْ، بِإِيدَهْ الزَّيْنَةْ قَاعِدْ يِصَوِّبْ فَوْقهُمْ. هُو كَتَلْ كُلَّ عِيَالْهُمْ الْهُمَّنْ زِينَةْ بُيُوتْهُمْ. وَ نَزَّلْ غَضَبَهْ مِثِلْ نَارْ فِي خَيْمَةْ صَهْيُون الْمِثِلْ بِنَيَّةْ.

هُوشَع 1:4

وَ اللّٰهْ قَالْ لِهُوشَعْ: «سَمِّي وِلَيْدَكْ يَزْرَعِيلْ أَشَانْ بَعَدْ وَكِتْ شِيَّةْ، أَنَا نَطْلُبْ مِنْ ذُرِّيَّةْ يَاهُو الدَّمّ الْجِدُّهُمْ يَاهُو دَفَّقَهْ فِي وَادِي يَزْرَعِيلْ. وَ نُقُشّ مَمْلَكَةْ إِسْرَائِيلْ.

2 مُلوك 10:20

وَ يَاهُو أَمَرْ يِخَصُّصُوا عِيدْ لِبَعَلْ. وَ سَوَّوْا مِثِلْ كَيْ.

عَدد 22:35

وَ لَاكِنْ مَلَكْ اللّٰهْ قَالْ لَيَّهْ: «أَمْشِي مَعَ الرُّجَالْ دَوْل. وَ لَاكِنْ قُولْ الْكَلَامْ الْأَنَا نُقُولَهْ لَيْك بَسْ.» وَ خَلَاصْ بَلْعَامْ مَشَى مَعَ الْكُبَارَاتْ الرَّسَّلَاهُمْ بَلَاقْ.

خُروج 23:20

«شِيفُوا، أَنَا نِرَسِّلْ مَلَكْ يَمْشِي قِدَّامْكُو فِي الدَّرِبْ وَ يَحْفَضْكُو. وَ يِوَدِّيكُو فِي الْبَكَانْ الْأَنَا جَهَّزْتَهْ لَيْكُو.

عَدد 22:23

وَ وَكِتْ الْحُمَارَةْ شَافَتْ مَلَكْ اللّٰهْ وَاقِفْ فِي الدَّرِبْ وَ سَيْفَهْ مَسْلُولْ فِي إِيدَهْ، طَلَقَتْ الدَّرِبْ وَ دَغَشَتْ الْخَلَاءْ. وَ بَلْعَامْ قَمَّ يُدُقّ الْحُمَارَةْ لِيِجِيبْهَا فِي الدَّرِبْ.