عَدد 22:12 - الكتاب المقدس بالعربي الدارجي هنا تشاد

¹² وَ الرَّبّ قَالْ لِبَلْعَامْ: «إِنْتَ وَ لَا تَمْشِي مَعَاهُمْ وَ لَا تَلْعَنْ الشَّعَبْ دَا أَشَانْ الشَّعَبْ دَا مُبَارَكْ.»

عَدد 22:12 Referenca të Kryqëzuara

أفَسُس 1:3

خَلِّي نَشْكُرُوا اللّٰهْ أَبُو رَبِّنَا عِيسَى الْمَسِيحْ. هُو بَارَكَانَا بِكُلَّ الْبَرَكَاتْ الرُّوحِيَّةْ الْفِي السَّمَاءْ أَشَانْ عَلَاقِتْنَا مَعَ الْمَسِيحْ.

تَثْنِية 23:5

وَ لَاكِنْ اللّٰهْ إِلٰـهْكُو أَبَى مَا سِمِعْ كَلَامْ بَلْعَامْ وَ بَدَّلْ لَيْكُو اللَّعَنَةْ بِبَرَكَةْ أَشَانْ اللّٰهْ إِلٰـهْكُو يِحِبُّكُو.

رَوْمَا 11:29

أَشَانْ كَنْ اللّٰهْ أَنْطَى نَادُمْ عَطِيَّةْ، هُو مَا يَنْدَمْ لَيْهَا. وَ كَنْ نَادَى نَادُمْ، مَا يِبَطِّلْ مُنَادَاتَهْ.

تكوين 12:2

أَنَا نِسَوِّيكْ أَبُو هَنَا أُمَّةْ كَبِيرَةْ وَ نِبَارِكَكْ وَ أُسْمَكْ يَبْقَى طَالِعْ. وَ تَبْقَى بَرَكَةْ كَبِيرَةْ لِنَاسْ كَتِيرِينْ.

تَثْنِية 33:29

أَفْرَحَوْا، يَا بَنِي إِسْرَائِيلْ! يَاتُو الْمِثِلْكُو؟ إِنْتُو شَعَبْ النَّجَّاكُو اللّٰهْ. هُو الدَّرَقَةْ التَّحْمِيكُو وَ السَّيْف الْيِوَصِّفْ قُدْرِتْكُو. وَ عُدْوَانْكُو يِلْمَسْكَنَوْا وَ إِنْتُو تِفَجُّقُوا بَكَانَاتْهُمْ الْعَالِيِينْ.

مَتَّى 27:19

وَ وَكِتْ هُو قَاعِدْ فِي كُرْسِي الْحُكُمْ، مَرْتَهْ رَسَّلَتْ لَيَّهْ كَلَامْ وَ قَالَتْ: «أَنْقَرِعْ، مَا تِسَوِّي شَيّءْ فَسِلْ لِلنَّادُمْ الْبَرِي دَا. أَشَانْ الْيَوْم أَنَا حِلِمْت بَيَّهْ وَ تِعِبْت بِلْحَيْن فِي شَانَهْ.»

مِيخا 6:5

يَا شَعَبِي! أَذَّكَّرَوْا مُؤآمَرَةْ بَلَاقْ مَلِكْ مُوَابْ ضِدُّكُو وَ كِكَّيْف بَلْعَامْ وِلَيْد بَعُورْ رَدَّ لَيَّهْ وَ قَالْ نِسَوِّي لَيْكُو إِلَّا الْخَيْر. أَذَّكَّرَوْا كِكَّيْف قَمَّيْتُوا مِنْ شِطِّيمْ صَبَاحْ بَحَرْ الْأُرْدُنْ وَ وَصَّلْتُوا فِي أَرْضُكُو فِي قِلْقَالْ. وَ بَيْدَا، تَعَرْفُوا عَدَالَةْ اللّٰهْ.»

زَبُور 146:5

مَبْرُوكْ لِلْيِسَاعِدَهْ إِلٰـهْ يَعْقُوبْ لِلْيُخُطّ عَشَمَهْ فِي اللّٰهْ إِلٰـهَهْ.

زَبُور 144:15

مَبْرُوكْ لِلشَّعَبْ اللِّقَوْا بَرَكَةْ مِثِلْ دِي! أَيْوَى، مَبْرُوكْ لِلشَّعَبْ الْيَعَبُدُوا اللّٰهْ الرَّبّ.

عَدد 23:23

مَا فِي الْيِكَلِّمْ بِعِلِمْ الْغَيْب فِي ذُرِّيَّةْ يَعْقُوبْ وَ مَا فِي الْيِشَوِّفْ فِي بَنِي إِسْرَائِيلْ. وَ فِي وَكِتْ مُوَافِقْ، ذُرِّيَّةْ يَعْقُوبْ وَ بَنِي إِسْرَائِيلْ يَعَرْفُوا كُلَّ شَيّءْ الْاللّٰهْ يِسَوِّيهْ.

عَدد 23:3

وَ بَلْعَامْ قَالْ لِبَلَاقْ: «أَقِيفْ جَنْب ضَحِيّتَكْ الْمُحَرَّقَةْ وَ أَنَا كَمَانْ نَمْشِي هِنَاكْ. أَكُونْ اللّٰهْ يَجِي وَ يِحَجِّي لَيِّ وَ أَيِّ كَلَامْ الْيُقُولَهْ لَيِّ أَنَا نُقُولَهْ لَيْك.» وَ مَشَى فِي رَاسْ الْجَبَلْ.

عَدد 22:6

وَ هَسَّعْ، تَعَالْ أَلْعَنْهُمْ أَشَانْ هُمَّنْ قَوِيِّينْ مِنِّنَا. وَ بَيْدَا، أَكُونْ أَنَا نِنَّصِرْ فَوْقهُمْ وَ نَطْرُدْهُمْ مِنْ الْبَلَدْ. أَشَانْ أَنَا نَعَرِفْ كَدَرْ النَّادُمْ الْإِنْتَ بَارَكْتَهْ يَبْقَى مُبَارَكْ وَ اللَّعَنْتَهْ يَبْقَى مَلْعُونْ.»

عَدد 22:11

‹دَاهُو فِيَّهْ شَعَبْ كَتِيرِينْ مَرَّةْ وَاحِدْ مَرَقَوْا مِنْ بَلَدْ مَصِرْ. تَعَالْ أَلْعَنْهُمْ لَيِّ وَ بَيْدَا، أَكُونْ أَنَا نِنَّصِرْ فَوْقهُمْ وَ نَطْرُدْهُمْ.›»

عَدد 22:13

وَ أَمْبَاكِرْ فَجُرْ، بَلْعَامْ قَمَّ وَ قَالْ لِكُبَارَاتْ بَلَاقْ: «قَبُّلُوا بَلَدْكُو. اللّٰهْ أَبَى مَا يِخَلِّينِي نَمْشِي مَعَاكُو.»

عَدد 23:8

وَ كِكَّيْف نَلْعَنْ نَادُمْ الْإِلٰـهْ مَا لَعَنَهْ؟ وَ كِكَّيْف نِهَدِّدْ نَادُمْ الْاللّٰهْ مَا هَدَّدَهْ؟

عَدد 24:9

هُمَّنْ مِثِلْ الدُّودْ الْيَبْرُكْ وَ الدُّودَايْ التَّرْقُدْ. يَاتُو الْيَقْدَرْ يِقَوِّمْهُمْ؟ مَبْرُوكْ الْيِبَارِكُّو وَ مَلْعُونْ الْيَلْعَنْكُو.»

تَثْنِية 2:7

أَشَانْ أَنَا اللّٰهْ إِلٰـهْكُو بَارَكْتُكُو فِي كُلَّ شَيّءْ السَّوَّيْتُوهْ. وَ أَنَا نَعَرِفْ بِمَسَارْكُو فِي الصَّحَرَاء الْكَبِيرَةْ دِي. وَ دَاهُو 40 سَنَةْ، أَنَا قَاعِدْ مَعَاكُو وَ شَيّءْ قَصَّرْ لَيْكُو كُلَ مَا فِيهْ.›»

تَثْنِية 7:14

وَ إِنْتُو تَبْقَوْا مُبَارَكِينْ زِيَادَةْ مِنْ كُلَّ الشُّعُوبْ الْآخَرِينْ وَ فِي لُبُّكُو، مَا فِي رَاجِلْ وَ لَا مَرَةْ عَاقْرَةْ وَ مَا فِي بَهِيمَةْ عَاقْرَةْ فِي لُبّ بَهَايِمْكُو.

تَثْنِية 28:6

وَ مُبَارَكِينْ وَكِتْ تَمْشُوا وَ مُبَارَكِينْ وَكِتْ تَجُوا.

2 أخبار 31:10

وَ خَلَاصْ، عَزَرْيَا كَبِيرْ رُجَالْ الدِّينْ، هُو الْمِنْ قَبِيلَةْ صَدُوقْ، رَدَّ وَ قَالْ: «مِنْ الشَّعَبْ بَدَوْا يِجِيبُوا الْهَدَايَا دَوْل فِي بَيْت اللّٰهْ، أَنِحْنَ قَاعِدِينْ نَاكُلُوا وَ نَشْبَعَوْا لَحَدِّي يِفَضِّلْ. أَشَانْ اللّٰهْ بَارَكْ شَعَبَهْ وَ دَاهُو الْفَضْلَةْ قَاعِدَةْ بِكَتَرَةْ.»

إشَعْيا 61:9

ذُرِّيِّتْهُمْ تُكُونْ مَعْرُوفَةْ بَيْن الْأُمَمْ وَ عِيَالْهُمْ مَعْرُوفِينْ أُسْط الشُّعُوبْ. كُلَّ الْيِشِيفُوهُمْ يَعَرْفُوا كَدَرْ هُمَّنْ ذُرِّيَّةْ الْبَارَكَاهَا اللّٰهْ.»