عَدد 21:23 - الكتاب المقدس بالعربي الدارجي هنا تشاد

²³ وَ لَاكِنْ الْمَلِكْ سِيحُونْ أَبَى مَا يَنْطِي إِذِنْ لِبَنِي إِسْرَائِيلْ يُشُقُّوا أَرْضَهْ. هُو لَمَّ دَيْشَهْ وَ مَرَقْ لَاقَى بَنِي إِسْرَائِيلْ فِي الصَّحَرَاء. وَ هُو جَاءْ فِي يَهَاصْ وَ حَارَبَاهُمْ لِبَنِي إِسْرَائِيلْ.

عَدد 21:23 Referenca të Kryqëzuara

قُضياء 11:20

وَ لَاكِنْ سِيحُونْ مَا آمَنَاهُمْ لِبَنِي إِسْرَائِيلْ وَ أَبَى مَا خَلَّاهُمْ يُشُقُّوا بَلَدَهْ. وَ هُو لَمَّ كُلَّ عَسْكَرَهْ وَ خَطَّوْا مُعَسْكَرْهُمْ فِي يَهَاصْ وَ حَارَبَوْا بَنِي إِسْرَائِيلْ.

إرْمِيا 48:34

وَ كُرَوْرَاكْ الْفَزَعْ مِنْ مَدِينَةْ حَشْبُونْ يِنْسَمِعْ لَحَدِّي فِي أَلِعَالَةْ وَ لَحَدِّي فِي يَهَاصْ. وَ يِنْسَمِعْ مِنْ صُوغَرْ لَحَدِّي حُرُنَايِمْ وَ لَحَدِّي عَقْلَتْ شَلِيشَةْ. حَتَّى عُيُونْ أَلْمِي هَنَا نِمْرِيمْ كُلَ يَيْبَسَوْا.

إشَعْيا 15:4

وَ نَاسْ حَشْبُونْ وَ أَلِعَالَةْ قَاعِدِينْ يِكَوْرُكُوا وَ حِسُّهُمْ قَاعِدْ يِنْسَمِعْ لَحَدِّي حِلَّةْ يَهَاصْ. وَ فِي شَانْ دَا، عَسْكَرْ مُوَابْ يِعِيطُوا وَ لَاكِنْ شَجَاعَةْ مَا عِنْدُهُمْ.

عَدد 20:21

وَ بِمِثِلْ دَا، مَلِكْ أَدَوْم أَبَى مَا يِخَلِّيهُمْ لِبَنِي إِسْرَائِيلْ يُشُقُّوا أَرْضَهْ. وَ هُمَّنْ قَبَّلَوْا وَ مَشَوْا بِدَرِبْ آخَرْ.

يَشُوع 13:18

وَ يَهَاصْ وَ قَدِمُوتْ وَ مِفَعَتْ

إرْمِيا 48:21

الْمُحَاكَمَةْ جَاتْ فِي بَلَدْ السَّهَلَةْ وَ جَاتْ فِي حِلَّالْ حُلُونْ وَ يَهَاصْ وَ مِفَعَتْ

عَمُوس 2:9

وَ أَنَا بَسْ الزَّمَانْ دَمَّرْت الْأَمُورِيِّينْ فِي شَانْ بَنِي إِسْرَائِيلْ. وَ الْأَمُورِيِّينْ دَوْل طُوَالْ مِثِلْ شَدَرْ الْأَرْز وَ شُدَادْ مِثِلْ شَدَرْ الْبَلُّوطْ. وَ أَنَا دَمَّرْتُهُمْ مِثِلْ الشَّدَرْ مِنْ فُرُوعَهْ لَحَدِّي عُرُوقَهْ.

عَدد 20:18

وَ لَاكِنْ مَلِكْ أَدَوْم قَالْ: «مَا تُشُقُّوا أَرْضِي. وَ كَنْ أَبَيْتُوا، نَمْرُقْ لَيْكُو وَ نِحَارِبْكُو.»

تَثْنِية 4:46

وَ دَا غَادِي لِبَحَرْ الْأُرْدُنْ فِي وَادِي الْمُقَابِلْ حِلَّةْ بَيْت فَعُورْ فِي بَلَدْ سِيحُونْ مَلِكْ الْأَمُورِيِّينْ السَّكَنْ فِي حَشْبُونْ. وَ وَكِتْ مُوسَى وَ بَنِي إِسْرَائِيلْ مَرَقَوْا مِنْ بَلَدْ مَصِرْ، حَارَبَوْه لِلْمَلِكْ دَا وَ أَنَّصَرَوْا فَوْقَهْ.