عَدد 21:18 - الكتاب المقدس بالعربي الدارجي هنا تشاد

¹⁸ وَ الْبِيرْ دِي حَفَرَوْهَا الْكُبَارَاتْ وَ قَدَّوْهَا الْحُكَّامْ بِعِصَيْ مُلُكْهُمْ وَ عِصَيْ خَيْزَرَانْهُمْ.» وَ مِنْ الصَّحَرَاء، سَارَوْا لَحَدِّي مَطَّانَا

عَدد 21:18 Referenca të Kryqëzuara

إشَعْيا 33:22

أَشَانْ اللّٰهْ هُو قَاضِينَا وَ هُو الْحَاكِمْ فَوْقنَا. وَ هُو مَلِكْنَا وَ هُو الْيِنَجِّينَا.

يَعْقُوب 4:12

اللّٰهْ أَنْطَى الْوَصَايَا وَ هُو بَسْ الْحَاكِمْ. هُو وِحَيْدَهْ بَسْ الْيِنَجِّي وَ هُو وِحَيْدَهْ بَسْ الْيَهْلِكْ. وَ إِنْتَ التَّتْهَمْ أَخُوكْ، إِنْتَ كَيْ يَاتُو؟

يُوحَنَّا 1:17

اللّٰهْ نَزَّلْ شُرُوطْ التَّوْرَاةْ بِوَاسِطَةْ مُوسَى وَ لَاكِنْ اللّٰهْ نَزَّلْ الرَّحْمَةْ وَ الْحَقّ بِوَاسِطَةْ عِيسَى الْمَسِيحْ.

تَثْنِية 33:4

وَ مُوسَى أَمَرَانَا بِالْوَصَايَا وَ هُمَّنْ وَرَثَةْ قَبِيلَةْ يَعْقُوبْ.

تَثْنِية 5:31

وَ إِنْتَ كَمَانْ، يَا مُوسَى، أَقْعُدْ قِدَّامِي هِنِي وَ أَنَا نِكَلِّمَكْ كُلَّ الْوَصَايَا وَ الشُّرُوطْ وَ الْقَوَانِينْ. وَ عَلِّمْهُمْ لِشَعَبِي وَ هُمَّنْ يِطَبُّقُوهُمْ فِي الْبَلَدْ الْأَنَا نَنْطِيهَا لَيْهُمْ وَرَثَةْ.»

نَحَمْيا 3:5

وَ جَنْبَهْ، نَاسْ حِلَّةْ تَقُوعَةْ قَاعِدِينْ يَبْنُوا وَ لَاكِنْ كُبَارَاتْهُمْ أَبَوْا مَا يِشَارُكُوا فِي الْخِدْمَةْ أَشَانْ مَا يِحْتَرُمُوا النَّاسْ الْمَسْؤُولِينْ فِي الْبُنَى.

نَحَمْيا 3:1

أَلْيَاشِبْ كَبِيرْ رُجَالْ الدِّينْ قَمَّ بِخِدْمَةْ الْبُنَى مَعَ نَاسَهْ رُجَالْ الدِّينْ الْآخَرِينْ. هُمَّنْ بَنَوْا خَشُمْ بَابْ الدُّرْدُرْ الْبِنَادُوهْ بَابْ الْغَنَمْ وَ خَصَّصَوْه وَ رَكَّبَوْا بَابَهْ. وَ قَاعِدِينْ يَبْنُوا فِي الدُّرْدُرْ لَحَدِّي جَوْا لِحْقَوْا الْبَيْت الْمُرَاقَبَةْ الْبِنَادُوهْ مِيَةْ وَ خَصَّصَوْه. وَ بَتَّانْ قَاعِدِينْ يَبْنُوا لَحَدِّي لِحْقَوْا بَيْت الْمُرَاقَبَةْ هَنَا حَنَنِيلْ.

عَدد 21:17

وَ بَنِي إِسْرَائِيلْ غَنَّوْا بِالْغِنَيْ دَا: «أَطْمِي، يَا بِيرْ، وَ يَا نَاسْ، غَنُّوا لَيْهَا كَتِيرْ.

عَدد 21:19

وَ مِنْ مَطَّانَا لَحَدِّي نَحْلِيِيلْ وَ مِنْ نَحْلِيِيلْ لَحَدِّي بَامَوْت.