عَدد 20:15 - الكتاب المقدس بالعربي الدارجي هنا تشاد

¹⁵ وَ جُدُودْنَا مَشَوْا فِي بَلَدْ مَصِرْ وَ أَنِحْنَ سَكَنَّا فَوْقهَا مُدَّةْ طَوِيلَةْ. وَ هِنَاكْ الْمَصْرِيِّينْ سَوَّوْا الْفَسَالَةْ فَوْق جُدُودْنَا وَ فَوْقنَا أَنِحْنَ كُلَ.

عَدد 20:15 Referenca të Kryqëzuara

تَثْنِية 26:6

وَ لَاكِنْ الْمَصْرِيِّينْ سَوَّوْا فَوْقنَا الْفَسَالَةْ وَ تَعَّبَوْنَا وَ خَدَّمَوْنَا خِدْمَةْ قَاسِيَةْ.

خُروج 12:40

وَ بَنِي إِسْرَائِيلْ عَاشَوْا مُدَّةْ 430 سَنَةْ فِي مَصِرْ.

تكوين 46:6

وَ وَدَّوْا مَعَاهُمْ بَهَايِمْهُمْ وَ خُمَامْهُمْ اللِّقَوْهُمْ فِي بَلَدْ كَنْعَانْ. وَ يَعْقُوبْ مَشَى فِي مَصِرْ مَعَ كُلَّ ذُرِّيّتَهْ.

أعمال الرُسُل 7:15

وَ بِمِثِلْ دَا، يَعْقُوبْ وَ جُدُودْنَا جَوْا فِي مَصِرْ وَ سَكَنَوْا فَوْقهَا لَحَدِّي مَاتَوْا.

تكوين 15:13

وَ اللّٰهْ قَالْ لِأَبْرَامْ: «أَعَرِفْ تَمَامْ كَدَرْ بَعَدَيْن ذُرِّيّتَكْ يَبْقَوْا أَجَانِبْ وَ يَسْكُنُوا فِي بَلَدْ الْمَا هِنْتُهُمْ. وَ سِيَادْ الْبَلَدْ دِي يِعَبُّدُوهُمْ وَ يِضَايُقُوهُمْ مُدَّةْ 400 سَنَةْ.

أعمال الرُسُل 7:19

وَ غَشَّاهُمْ لِقَبِيلِتْنَا وَ ظَلَمَاهُمْ لِجُدُودْنَا وَ جَبَرَاهُمْ أَشَانْ يِخَلُّوا أَطْفَالْهُمْ بَرَّا لِيُمُوتُوا.

عَدد 16:13

إِنْتَ مَرَقْتِنَا مِنْ بَلَدْ الْمَلَانَةْ بِاللَّبَنْ وَ الْعَسَلْ وَ جِبْتِنَا نُمُوتُوا فِي الصَّحَرَاء دِي. دَا مَا تَمَّاكْ وَلَّا؟ وَ بَيْدَا كُلَ، بَتَّانْ تِدَوْر تَحْكِمْ فَوْقنَا؟

عَدد 11:5

الْيَوْم أَنِحْنَ أَلْفَكَّرْنَا الْحُوتْ الْقَاعِدِينْ نَاكُلُوهْ فِي مَصِرْ سَاكِتْ بَلَا قُرُسْ وَ الْفَقُّوسْ وَ الشَّمَّامْ وَ الْبَصَلْ الْأَخْضَرْ وَ التُّومْ وَ الْبَصَلْ.

خُروج 5:14

خَلَاصْ، مُرَاقِبِينْ فِرْعَوْن فَرَشَوْهُمْ لِلْمُكَلَّفِينْ مِنْ بَنِي إِسْرَائِيلْ الْهُمَّنْ بَسْ كَلَّفَوْهُمْ. وَ قَالَوْا لَيْهُمْ: «مَالَا فِي الْأَيَّامْ دَوْل مَا سَلَّلْتُوا نَفْس الْعَدَدْ هَنَا الدِّرِنْقَيْل الْأَوَّلْ أَمَرْنَاكُو بَيَّهْ؟»

خُروج 1:22

وَ خَلَاصْ، الْمَلِكْ قَمَّ أَنْطَى أَمُرْ لِشَعَبَهْ وَ قَالْ لَيْهُمْ: «أَزْقُلُوا فِي الْبَحَرْ أَيِّ وِلَيْد عِبْرَانِي الدَّهَابَهْ وِلْدَوْه. إِلَّا الْبَنَاتْ بَسْ خَلُّوهِنْ.»

خُروج 1:16

وَ قَالْ لَيْهِنْ: «أَسْمَعَنْ زَيْن. كَنْ تِوَلِّدَنْ عَوِينْ الْعِبْرَانِيِّينْ، فَكِّرَنْ فِي مَرِقِينْ الصَّغِيرْ. كَنْ وِلَيْد، أَكْتُلَنَهْ. وَ كَنْ بِنَيَّةْ كَمَانْ، خَلَّنْهَا تِعِيشْ.»

عَدد 20:14

وَ مِنْ قَادِشْ، مُوسَى رَسَّلْ نَاسْ لِمَلِكْ أَدَوْم. وَ النَّاسْ دَوْل قَالَوْا لِلْمَلِكْ: «أَخْوَانَكْ بَنِي إِسْرَائِيلْ يُقُولُوا لَيْك كَيْ: ‹إِنْتَ تَعَرِفْ كُلَّ الْمَشَاكِلْ الْبِقَوْا فَوْقنَا.

عَدد 20:16

وَ أَنِحْنَ صَرَخْنَا وَ شَحَدْنَا اللّٰهْ وَ هُو سِمِعْنَا وَ رَسَّلْ لَيْنَا مَلَكْ لِيَمْرُقْنَا مِنْ مَصِرْ. وَ دَاهُو أَنِحْنَ فِي قَادِشْ الْحِلَّةْ الْقَرِيبْ لِحُدُودْ بَلَدَكْ.

تكوين 46:7

هُو وَصَّلْ فِي مَصِرْ مَعَ أَوْلَادَهْ وَ أَوْلَادْ عِيَالَهْ وَ بَنَاتَهْ وَ بَنَاتْ عِيَالَهْ وَ كُلَّ ذُرِّيّتَهْ.

2 صَمُوِيل 12:18

وَ فِي الْيَوْم السَّابِعْ، الْوِلَيْد مَاتْ. وَ الْمَسَائِيلْ خَافَوْا وَ أَبَوْا مَا يِخَبُّرُوا دَاوُدْ بِمَوْتَهْ. وَ قَالَوْا: «وَكِتْ الْوِلَيْد لِسَّاعْ حَيّ، أَنِحْنَ حَجَّيْنَا لَيَّهْ وَ هُو أَبَى مَا يَسْمَعْ كَلَامْنَا. وَ كِكَّيْف نَقْدَرَوْا نِأَوْرُوهْ مَوْت الْوِلَيْد دَا؟ أَكُونْ يِسَوِّي الْفَسَالَةْ لِنَفْسَهْ.»