عَدد 2:2 - الكتاب المقدس بالعربي الدارجي هنا تشاد

² «أَيِّ نَادُمْ مِنْ بَنِي إِسْرَائِيلْ يَنْزِلْ مَعَ مَجْمُوعَةْ عَايِلْتَهْ تِحِتْ رَايِتْهَا الْعَسْكَرِيَّةْ. وَ يُخُطُّوا مُعَسْكَرْهُمْ حَوَالَيْ خَيْمَةْ الْإِجْتِمَاعْ وَ مُوَجِّهِينْ عَلَيْهَا.

عَدد 2:2 Referenca të Kryqëzuara

1 كُرُنْتُس 14:40

وَ سَوُّوا كُلَّ شَيّءْ فِي جَمَاعَةْ الْمُؤمِنِينْ بِأَدَبْ وَ نِظَامْ.

1 كُرُنْتُس 14:33

أَشَانْ اللّٰهْ مَا يَرْضَى بِالْبَرْجَالْ. هُو يَرْضَى بِالسَّلَامْ. وَ مِثِلْ قَاعِدْ يَبْقَى فِي كُلَّ جَمَاعَاتْ الْمُؤمِنِينْ الصَّالِحِينْ،

يَشُوع 3:4

وَ بَيْدَا، تَعَرْفُوا الدَّرِبْ التِّشِيلُوهْ أَشَانْ أَوَّلْ إِنْتُو مَا عَدَّيْتُوا بِالدَّرِبْ دَا. وَ وَاجِبْ تِخَلُّوا بَيْنكُو وَ بَيْن الصَّنْدُوقْ فَرَقَةْ تِسَاوِي وَاحِدْ كِيلَوْمِتِرْ وَ أَبَداً مَا تِقَرُّبُوا لَيَّهْ.»

عَدد 10:25

وَ فِي الأَخِيرْ، مُعَسْكَرْ دَانْ هُو مَشَى وَرَاءْ كُلَّ الْمُعَسْكَرَاتْ لِيَحْفَضَوْهُمْ مِنْ وَرَاءْ. وَ هُو سَارْ تِحِتْ رَايْتَهْ حَسَبْ مَجْمُوعْتَهْ الْعَسْكَرِيَّةْ. وَ قَايْدَهْ أَخِعَازَرْ وِلَيْد عَمِشَدَايْ.

عَدد 10:22

وَ بَعَدْ دَا، مُعَسْكَرْ أَفْرَايِمْ سَارْ تِحِتْ رَايْتَهْ حَسَبْ مَجْمُوعْتَهْ الْعَسْكَرِيَّةْ. وَ قَايْدَهْ أَلِشَمَعْ وِلَيْد عَمِهُودْ.

عَدد 1:50

كَلِّفْهُمْ بِخَيْمَةْ الْعِبَادَةْ الْفَوْقهَا الصَّنْدُوقْ الْعِنْدَهْ لِيحَانْ الْمُعَاهَدَةْ وَ كُلَّ مُعِدَّاتْهَا وَ كُلَّ شَيّءْ الْفَوْقهَا. هُمَّنْ يِشِيلُوا الْخَيْمَةْ دِي وَ كُلَّ مُعِدَّاتْهَا وَ يَخْدُمُوا فَوْقهَا وَ يَنْزُلُوا حَوَالَيْهَا.

كُلُوسِي 2:19

وَ النَّادُمْ دَا مَا مَرْبُوطْ مَعَ الْمَسِيحْ الْهُو رَاسْ الْأُمَّةْ. وَ الْمَسِيحْ بَسْ يِعَيِّشْ كُلَّ أُمَّتَه وَ يِسَوِّيهَا مِثِلْ جِسِمْ وَاحِدْ. وَ هُو بَسْ الْيِسَوِّي مَفَاصِلْ الْجِسِمْ يِنْرَبْطُوا أَمْبَيْنَاتْهُمْ. وَ جِسْمَهْ يَبْقَى كَبِيرْ بِقُدْرَةْ اللّٰهْ.

فِلِبِّي 1:27

لَاكِنْ خَلِّي تِعِيشُوا بِالْحَالْ الْمُوَافْقَةْ لِبِشَارَةْ الْمَسِيحْ. وَ مِثِلْ دَا، كَنْ نَجِي نِشِيفْكُو وَلَّا كَنْ أَنَا بَعِيدْ مِنْكُو كُلَ، خَلَاصْ نَسْمَعْ كَلَامْ فِيكُو الْيُقُولْ إِنْتُو ثَابْتِينْ بِفِكِرْ وَاحِدْ وَ هَدَفْ وَاحِدْ وَ إِنْتُو قَاعِدِينْ تِحَارُبُوا سَوَا فِي شَانْ الْإِيمَانْ اللِّقِيتُوهْ مِنْ بِشَارَةْ الْمَسِيحْ.

زَكَرِيَّا 9:16

وَ اللّٰهْ إِلٰـهُّمْ يِنَجِّي شَعَبَهْ فِي الْيَوْم دَا، مِثِلْ رَاعِي يِنَجِّي غَنَمَهْ. أَشَانْ هُمَّنْ يِرَارُوا فِي أَرْضَهْ مِثِلْ حُجَارْ غَالِيِّينْ الْيِرَارُوا فِي تَاجْ.

حِزْقِيال 43:7

وَ الْحِسّ قَالْ لَيِّ: «يَا إِبْن آدَمْ، دَا بَكَانْ عَرْشِي وَ بَكَانْ نُخُطّ رِجِلَيْنِي وَ دَا بَسْ الْبَكَانْ النَّسْكُنْ فَوْقَهْ فِي أُسُطْ بَنِي إِسْرَائِيلْ إِلَى الْأَبَدْ. وَ أَبَداً وَ لَا بَنِي إِسْرَائِيلْ وَ لَا مُلُوكْهُمْ مَا يِنَجُّسُوا أُسْمِي الْمُقَدَّسْ بِشَرْمَطَتْهُمْ وَرَاءْ الْأَصْنَامْ وَلَّا بِدَفِنْ جِثَثْ مُلُوكْهُمْ جَنْب بَيْتِي الْمُقَدَّسْ.

إشَعْيا 18:3

أَسْمَعَوْا، إِنْتُو كُلُّكُو الْقَاعِدِينْ فِي الْعَالَمْ، إِنْتُو السَّاكْنِينْ فِي الْأَرْض! وَكِتْ الرَّايَةْ يَرْفَعَوْهَا فِي رُوسَيْ الْجِبَالْ، شِيفُوهَا! وَ وَكِتْ يَضُرْبُوا الْبُوقْ، أَسْمَعَوْه!

إشَعْيا 12:6

عِيطُوا بِفَرَحْ وَ زَغْرُطُوا، يَا سُكَّانْ صَهْيُون! أَشَانْ قُدُّوسْ إِسْرَائِيلْ الْقَاعِدْ فِي أُسُطْكُو، هُو عَظِيمْ.»

زَبُور 76:11

سَوُّوا نَذِرْ لِلّٰهْ إِلٰـهْكُو وَ تِمُّوهْ. أَيْوَى، جِيبُوا هَدَايَاكُو لِلْإِلٰـهْ الْبِخَوِّفْ، إِنْتُو الْمُحَوِّقِينَهْ.

عَدد 10:18

وَ بَعَدْ الْخَيْمَةْ، مُعَسْكَرْ رَأُوبِينْ سَارْ تِحِتْ رَايْتَهْ حَسَبْ مَجْمُوعْتَهْ الْعَسْكَرِيَّةْ. وَ قَايْدَهْ أَلِصُورْ وِلَيْد شَدَيُورْ.

عَدد 10:14

وَ الْمَاشِي أَوَّلْ، مُعَسْكَرْ يَهُوذَا تِحِتْ رَايْتَهْ حَسَبْ مَجْمُوعْتَهْ الْعَسْكَرِيَّةْ. وَ قَايْدَهْ نَحْشُونْ وِلَيْد عَمِنَدَابْ.

عَدد 2:10

«وَ مِنْ جِيهَةْ الْوَطِي، يُخُطُّوا مُعَسْكَرْ رَأُوبِينْ تِحِتْ رَايَاتْهُمْ حَسَبْ مَجْمُوعَاتْهُمْ الْعَسْكَرِيَّةْ. وَ شَيْخهُمْ أَلِصُورْ وِلَيْد شَدَيُورْ.

عَدد 2:3

«وَ مِنْ جِيهَةْ الصَّبَاحْ، يَبْنُوا مُعَسْكَرْ يَهُوذَا تِحِتْ رَايَاتْهُمْ حَسَبْ مَجْمُوعَاتْهُمْ الْعَسْكَرِيَّةْ. وَ شَيْخهُمْ نَحْشُونْ وِلَيْد عَمِنَدَابْ.

عَدد 2:1

وَ اللّٰهْ حَجَّى لِمُوسَى وَ هَارُونْ وَ قَالْ:

عَدد 24:2

وَ وَكِتْ بَلْعَامْ رَفَعْ رَاسَهْ، شَافْ كُلَّ بَنِي إِسْرَائِيلْ نَازْلِينْ حَسَبْ قَبَايِلْهُمْ. وَ خَلَاصْ رُوحْ اللّٰهْ نَزَلْ فَوْقَهْ.

زَبُور 74:4

عُدْوَانَكْ رَقْرَقَوْا فِي لُبّ الْبَكَانْ النِّلِمُّوا مَعَاكْ فَوْقَهْ وَ هِنَاكْ خَطَّوْا عَلَامِتْهُمْ.