عَدد 19:9 - الكتاب المقدس بالعربي الدارجي هنا تشاد

⁹ «وَ نَادُمْ وَاحِدْ طَاهِرْ يُخُمّ الرُّمَادْ هَنَا الْبَقَرَةْ وَ يُخُطَّهْ بَرَّا مِنْ الْفَرِيقْ فِي بَكَانْ طَاهِرْ. وَ مُجْتَمَعْ بَنِي إِسْرَائِيلْ يَحْفَضَوْا الرُّمَادْ لِيِسَوُّوا بَيَّهْ أَلْمِي التَّطْهِيرْ الْيِسْتَعْمَلَوْه لِمَحِيِينْ الْخَطَا.

عَدد 19:9 Referenca të Kryqëzuara

عِبْرَانِيِّين 9:13

أَوَّلْ النَّاسْ الْأَجْسَامْهُمْ بِقَوْا مَا طَاهِرِينْ، يِخَصُّصُوهُمْ بِرَشِّينْ دَمّ الْغَنَمْ وَ التِّيرَانْ وَ رُمَادْ الْبَقَرَةْ الْحَرَّقَوْهَا.

عَدد 19:13

كَنْ نَادُمْ لِمِسْ جَنَازَةْ وَ مَا طَهَّرْ نَفْسَهْ، يِنَجِّسْ خَيْمَةْ اللّٰهْ. وَ النَّادُمْ دَا وَاجِبْ يَفْصُلُوهْ مِنْ بَنِي إِسْرَائِيلْ أَشَانْ هُو مَا رَشَّوْه بِأَلْمِي التَّطْهِيرْ وَ هُو نِجِسْ وَ قَاعِدْ بِنَجَاسْتَهْ.

عِبْرَانِيِّين 7:26

وَ بَيْدَا، عِيسَى بِقِي كَبِيرْ رُجَالْ الدِّينْ الْمُوَافِقْ لَيْنَا مَرَّةْ وَاحِدْ. هُو قُدُّوسْ وَ مَا عِنْدَهْ أَيِّ عَيْب وَ هُو دَايْماً طَاهِرْ. هُو مَعْزُولْ بَعِيدْ مِنْ الْمُذْنِبِينْ وَ مَرْفُوعْ فَوْق فِي السَّمَاوَاتْ.

2 كُرُنْتُس 7:1

يَا أَخْوَانِي النِّحِبُّكُو، خَلِّي نِفَكُّرُوا فِي وَعَدْ اللّٰهْ دَا. وَ خَلِّي نِطَهُّرُوا جِسِمْنَا وَ قُلُوبْنَا مِنْ أَيِّ شَيّءْ الْيِنَجِّسْنَا. لَحَدِّي نِعِيشُوا بِحَالْ صَالْحَةْ وَ خَوْف اللّٰهْ.

2 كُرُنْتُس 5:21

وَ الْمَسِيحْ الْأَبَداً مَا أَذْنَبْ، اللّٰهْ جَعَلَهْ ضَحِيَّةْ فِي شَانْ ذُنُوبْنَا أَشَانْ أَنِحْنَ نَبْقَوْا بَيَّهْ شَعَبْ اللّٰهْ الصَّالِحِينْ.

زَكَرِيَّا 13:1

«وَ فِي الْيَوْم دَا، تَمْرُقْ عَيْن أَلْمِي التِّغَسِّلْ ذُرِّيَّةْ دَاوُدْ وَ سُكَّانْ مَدِينَةْ الْقُدُسْ مِنْ ذُنُوبْهُمْ وَ نَجَاسِتْهُمْ.»

عَدد 19:18

وَ رَاجِلْ وَاحِدْ طَاهِرْ يِشِيلْ فِرِعْ هَنَا زُوفَةْ وَ يِدِسَّهْ فِي الْأَلْمِي دَا وَ يُرُشّ بَيَّهْ الْخَيْمَةْ وَ كُلَّ الْمَوَاعِينْ وَ كُلَّ النَّاسْ الْقَاعِدِينْ فِي لُبَّهَا. وَ يُرُشّ النَّادُمْ اللِّمِسْ عُضَامْ هَنَا نَادُمْ مَيِّتْ أَوْ لِمِسْ نَادُمْ مَكْتُولْ بِالْسَّيْف أَوْ لِمِسْ نَادُمْ مَيِّتْ مَوْت سَاكِتْ أَوْ لِمِسْ قَبُرْ.

عَدد 9:13

«وَ لَاكِنْ كَنْ نَادُمْ طَاهِرْ وَ مَا مُسَافِرْ وَ أَبَى مَا يِعَيِّدْ عِيدْ الْفِصْحَ، النَّادُمْ دَا وَاجِبْ يَفْصُلُوهْ مِنْ أَهَلَهْ بِسَبَبْ هُو مَا قَدَّمْ هَدِيَّةْ لِلّٰهْ فِي الْيَوْم الْمُحَدَّدْ. وَ النَّادُمْ دَا وَاجِبْ يِلْحَمَّلْ مَسْؤُولِيَّةْ الذَّنِبْ الْهُو سَوَّاهْ.

عَدد 8:7

وَ دَاهُو الشَّيّءْ التِّسَوِّيهْ لِيَبْقَوْا طَاهِرِينْ. رُشُّهُمْ بِأَلْمِي التَّطْهِيرْ وَ خَلِّي يِزَيُّنُوا كُلَّ جِلِدْهُمْ وَ يِغَسُّلُوا خُلْقَانْهُمْ وَ بَيْدَا، خَلَاصْ يَبْقَوْا طَاهِرِينْ.

عَدد 6:12

وَ يِخَصِّصْ نَفْسَهْ مِنْ جَدِيدْ لِلّٰهْ لَحَدِّي يِتِمّ نَذْرَهْ. وَ يِجِيبْ خَرُوفْ وَلْد سَنَةْ وَ يِقَدِّمَهْ ضَحِيَّةْ لِكَفَّارَةْ الْخَطَا. وَ الْأَيَّامْ الْفَاتَوْا مَا يَحْسِبْهُمْ أَشَانْ نَذْرَهْ الْأَوَّلْ دَا أَنَّجَّسْ خَلَاصْ.

لاوِيِّين 15:20

وَ فِي وَكِتْ حَيْضهَا، أَيِّ سَرِيرْ التَّرْقُدْ فَوْقَهْ يُكُونْ نِجِسْ وَ أَيِّ شَيّءْ التَّقْعُدْ فَوْقَهْ يُكُونْ نِجِسْ.

عَدد 19:3

وَ الْبَقَرَةْ دِي سَلُّمُوهَا لِرَاجِلْ الدِّينْ أَلِعَازَرْ وَ يِوَدِّيهَا بَرَّا مِنْ الْفَرِيقْ وَ يَدْبَحَوْهَا قِدَّامَهْ.

عَدد 19:8

وَ الْحَرَّقْ الْبَقَرَةْ كُلَ يِغَسِّلْ خُلْقَانَهْ وَ يِلْبَرَّدْ بِأَلْمِي وَ لَاكِنْ يَقْعُدْ نِجِسْ لَحَدِّي عَشِيَّةْ.

عَدد 19:17

وَ لِلنَّادُمْ الْمَا طَاهِرْ دَا، يِشِيلُوا مِنْ رُمَادْ الْبَقَرَةْ الْحَرَّقَوْهَا لِكَفَّارَةْ الذَّنِبْ وَ يُصُبُّوهْ فِي مَاعُونْ وَ يُصُبُّوا فَوْقَهْ أَلْمِي نَضِيفْ.