عَدد 19:7 - الكتاب المقدس بالعربي الدارجي هنا تشاد

⁷ وَ رَاجِلْ الدِّينْ يِغَسِّلْ خُلْقَانَهْ وَ يِلْبَرَّدْ وَ بَعَدْ دَا، يِقَبِّلْ فِي الْفَرِيقْ وَ لَاكِنْ يَقْعُدْ نِجِسْ لَحَدِّي عَشِيَّةْ.

عَدد 19:7 Referenca të Kryqëzuara

لاوِيِّين 11:25

وَ أَيِّ نَادُمْ الْيِشِيلْ رِمِّتْهُمْ، وَاجِبْ يِغَسِّلْ خُلْقَانَهْ وَ يُكُونْ نِجِسْ لَحَدِّي الْعَشِيَّةْ.

عَدد 19:19

وَ الرَّاجِلْ الطَّاهِرْ يُرُشّ النَّادُمْ النِّجِسْ فِي الْيَوْم التَّالِتْ وَ الْيَوْم السَّابِعْ. وَ فِي الْيَوْم السَّابِعْ دَا، خَطَايَهْ يِنْمَحِي. وَ بَعَدْ دَا، يِغَسِّلْ خُلْقَانَهْ وَ يِلْبَرَّدْ وَ بِعَشِيَّةْ هُو يَبْقَى طَاهِرْ.

عَدد 19:8

وَ الْحَرَّقْ الْبَقَرَةْ كُلَ يِغَسِّلْ خُلْقَانَهْ وَ يِلْبَرَّدْ بِأَلْمِي وَ لَاكِنْ يَقْعُدْ نِجِسْ لَحَدِّي عَشِيَّةْ.

لاوِيِّين 22:6

خَلَاصْ اللِّمِسْهُمْ يَبْقَى نِجِسْ لَحَدِّي الْعَشِيَّةْ وَ هُو مَا يَاكُلْ مِنْ الْأَشْيَاءْ الْمُقَدَّسِينْ وَ لَاكِنْ يِغَسِّلْ جِسْمَهْ بِأَلْمِي.

لاوِيِّين 15:5

وَ النَّادُمْ الْيَلْمَسْ سَرِيرَهْ، وَاجِبْ يِغَسِّلْ خُلْقَانَهْ وَ يِلْبَرَّدْ. وَ بَيْدَا كُلَ، يُكُونْ نِجِسْ لَحَدِّي الْعَشِيَّةْ.

لاوِيِّين 11:40

وَ الْيَاكُلْ مِنْ الرِّمَّةْ دِي، وَاجِبْ يِغَسِّلْ خُلْقَانَهْ وَ يُكُونْ نِجِسْ لَحَدِّي الْعَشِيَّةْ. وَ الْيِشِيلْ الرِّمَّةْ دِي، وَاجِبْ يِغَسِّلْ خُلْقَانَهْ وَ يُكُونْ نِجِسْ لَحَدِّي الْعَشِيَّةْ.

عِبْرَانِيِّين 13:11

أَشَانْ كَبِيرْ رُجَالْ الدِّينْ يَدْبَحْ بَهَايِمْ ضَحِيَّةْ لِلذُّنُوبْ وَ يِجِيبْ الدَّمّ فِي الْبَكَانْ الْمُقَدَّسْ. لَاكِنْ لَحَمْ الْبَهَايِمْ دَوْل، يِمَرُّقُوهْ بَرَّا مِنْ الْفَرِيقْ وَ يِحَرُّقُوهْ.

لاوِيِّين 14:46

وَ كَنْ نَادُمْ يَدْخُلْ فِي الْبَيْت وَكِتْ هُو مَسْدُودْ، النَّادُمْ دَا يَبْقَى نِجِسْ لَحَدِّي الْعَشِيَّةْ.

عَدد 19:10

وَ النَّادُمْ الْيُخُمّ الرُّمَادْ هَنَا الْبَقَرَةْ، هُو كُلَ يِغَسِّلْ خُلْقَانَهْ وَ لَاكِنْ يَقْعُدْ نِجِسْ لَحَدِّي عَشِيَّةْ. وَ دَا يَبْقَى شَرْط دَايِمْ لِبَنِي إِسْرَائِيلْ وَ لِلْأَجْنَبِي السَّاكِنْ مَعَاهُمْ.

عَدد 19:21

«وَ دَا يَبْقَى لَيْهُمْ شَرْط دَايِمْ. وَ النَّادُمْ الْيُرُشّ أَلْمِي التَّطْهِيرْ دَا، وَاجِبْ يِغَسِّلْ خُلْقَانَهْ. وَ كَنْ نَادُمْ لِمِسْ أَلْمِي التَّطْهِيرْ دَا، يُكُونْ نِجِسْ لَحَدِّي عَشِيَّةْ.

لاوِيِّين 11:24

«وَ حَيْوَانَاتْ وَاحِدِينْ يِنَجُّسُوكُو وَ أَيِّ نَادُمْ الْيَلْمَسْ رِمِّتْهُمْ يُكُونْ نِجِسْ لَحَدِّي الْعَشِيَّةْ.

لاوِيِّين 11:27

وَ كُلَّ الْبَهَايِمْ الْعِنْدُهُمْ أَرْبَعَةْ رِجْلَيْ وَ يَمْشُوا بِبُطُونْ رِجْلَيْهُمْ، نِجْسِينْ لَيْكُو. وَ أَيِّ نَادُمْ الْيَلْمَسْ رِمِّتْهُمْ يُكُونْ نِجِسْ لَحَدِّي الْعَشِيَّةْ.

لاوِيِّين 11:28

وَ أَيِّ نَادُمْ الْيِشِيلْ رِمِّتْهُمْ يِغَسِّلْ خُلْقَانَهْ وَ يُكُونْ نِجِسْ لَحَدِّي الْعَشِيَّةْ. هُمَّنْ نِجْسِينْ لَيْكُو.

لاوِيِّين 11:31

وَ دَوْل مِنْ الْحَيْوَانَاتْ الْيَزْحَفَوْا، هُمَّنْ نِجْسِينْ لَيْكُو. وَ أَيِّ نَادُمْ الْيَلْمَسْ رِمِّتْهُمْ يُكُونْ نِجِسْ لَحَدِّي الْعَشِيَّةْ.

لاوِيِّين 11:32

«وَ كَنْ وَاحِدْ مِنْ الْحَيْوَانَاتْ دَوْل وَقَعْ مَيِّتْ فِي شَيّءْ، الشَّيّءْ دَا يُكُونْ نِجِسْ حَتَّى كَانْ مَاعُونْ هَنَا حَطَبْ أَوْ خَلَقْ أَوْ فَرْوَةْ أَوْ شُوَالْ، أَيِّ مَاعُونْ الْقَاعِدِينْ يِسْتَعْمَلَوْه فِي أَيِّ خِدْمَةْ. دِسُّوهْ فِي أَلْمِي وَ يُكُونْ نِجِسْ لَحَدِّي الْعَشِيَّةْ. وَ بَعَدْ دَا، يُكُونْ طَاهِرْ.

لاوِيِّين 11:39

«وَ كَنْ وَاحِدْ مِنْ الْحَيْوَانَاتْ التَّاكُلُوهُمْ مَاتْ، النَّادُمْ الْيَلْمَسْ رِمِّتَهْ يُكُونْ نِجِسْ لَحَدِّي الْعَشِيَّةْ.

عَدد 19:22

أَيِّ شَيّءْ الْيِلَمِّسَهْ النَّادُمْ النِّجِسْ دَا، يُكُونْ نِجِسْ وَ النَّادُمْ لِمِسْ نَادُمْ نِجِسْ، هُو كُلَ يُكُونْ نِجِسْ لَحَدِّي عَشِيَّةْ.»