عَدد 19:22 - الكتاب المقدس بالعربي الدارجي هنا تشاد

²² أَيِّ شَيّءْ الْيِلَمِّسَهْ النَّادُمْ النِّجِسْ دَا، يُكُونْ نِجِسْ وَ النَّادُمْ لِمِسْ نَادُمْ نِجِسْ، هُو كُلَ يُكُونْ نِجِسْ لَحَدِّي عَشِيَّةْ.»

عَدد 19:22 Referenca të Kryqëzuara

حَقَّاي 2:13

وَ حَقَّاي قَالْ بَتَّانْ: «أَكُونْ نَادُمْ أَنَّجَّسْ بِسَبَبْ جَنَازَةْ. كَنْ النَّادُمْ دَا أَلَّمَّسْ الْأَشْيَاءْ دَوْل، هُمَّنْ يِنَّجَّسَوْا وَلَّا؟» وَ رُجَالْ الدِّينْ قَالَوْا: «أَيْوَى، يِنَّجَّسَوْا.»

لاوِيِّين 7:19

وَ كَنْ اللَّحَمْ لِمِسْ أَيِّ شَيّءْ نِجِسْ، مَا يَاكُلُوهْ وَ لَاكِنْ يِحَرُّقُوهْ فِي النَّارْ. وَ كَنْ لِلَّحَمْ كَمَانْ، أَيِّ نَادُمْ طَاهِرْ يَقْدَرْ يَاكُلَهْ.

لاوِيِّين 15:5

وَ النَّادُمْ الْيَلْمَسْ سَرِيرَهْ، وَاجِبْ يِغَسِّلْ خُلْقَانَهْ وَ يِلْبَرَّدْ. وَ بَيْدَا كُلَ، يُكُونْ نِجِسْ لَحَدِّي الْعَشِيَّةْ.

لاوِيِّين 5:2

«وَ كَنْ نَادُمْ بَلَا رَايْه يَلْمَسْ شَيّءْ نِجِسْ مِثِلْ رِمَّةْ هَنَا حَيْوَانْ هَنَا كَدَادَةْ نِجِسْ أَوْ رِمَّةْ هَنَا بَهِيمَةْ نِجْسَةْ أَوْ رِمَّةْ هَنَا وَاحِدْ مِنْ الزَّوَاحِفْ نِجِسْ، خَلَاصْ الْإِنْسَانْ دَا يُكُونْ نِجِسْ وَ يَبْقَى خَاطِي.

لاوِيِّين 5:3

«وَكِتْ نَادُمْ بَلَا رَايْه يَلْمَسْ نَجَاسَةْ هَنَا إِنْسَانْ التِّنَجِّسْ، كَنْ هُو عِرِفْ خَطَايَهْ، خَلَاصْ هُو يَبْقَى خَاطِي.

لاوِيِّين 7:21

مَثَلاً نَادُمْ لِمِسْ أَيِّ شَيّءْ نِجِسْ أَوْ إِنْسَانْ نِجِسْ أَوْ بَهِيمَةْ نِجْسَةْ أَوْ أَيِّ حَيْوَانْ مُحَرَّمْ وَ نِجِسْ مَرَّةْ وَاحِدْ. وَ كَنْ النَّادُمْ دَا أَكَلْ مِنْ لَحَمْ ضَحِيَّةْ السَّلَامَةْ الْقَدَّمَوْه لِلّٰهْ، وَاجِبْ يَفْصُلُوهْ مِنْ شَعَبَهْ.

لاوِيِّين 22:5

أَوْ لِمِسْ أَيِّ حَيْوَانْ زَاحِفْ الْيِنَجِّسْ أَوْ نَادُمْ الْيِنَجِّسْ أَوْ أَيِّ نَجَاسَةْ،

لاوِيِّين 22:6

خَلَاصْ اللِّمِسْهُمْ يَبْقَى نِجِسْ لَحَدِّي الْعَشِيَّةْ وَ هُو مَا يَاكُلْ مِنْ الْأَشْيَاءْ الْمُقَدَّسِينْ وَ لَاكِنْ يِغَسِّلْ جِسْمَهْ بِأَلْمِي.

لاوِيِّين 15:1

وَ اللّٰهْ حَجَّى لِمُوسَى وَ هَارُونْ وَ قَالْ:

لاوِيِّين 15:6

وَ أَيِّ نَادُمْ الْيَقْعُدْ فِي شَيّءْ الْقَعَدْ فَوْقَهْ النَّادُمْ الْمُبَجِّلْ، وَاجِبْ يِغَسِّلْ خُلْقَانَهْ وَ يِلْبَرَّدْ. وَ بَيْدَا كُلَ، يُكُونْ نِجِسْ لَحَدِّي الْعَشِيَّةْ.

لاوِيِّين 15:7

وَ أَيِّ نَادُمْ الْيَلْمَسْ النَّادُمْ الْمُبَجِّلْ، وَاجِبْ يِغَسِّلْ خُلْقَانَهْ وَ يِلْبَرَّدْ. وَ بَيْدَا كُلَ، يُكُونْ نِجِسْ لَحَدِّي الْعَشِيَّةْ.

لاوِيِّين 15:8

وَ كَنْ الرَّاجِلْ الْمُبَجِّلْ يَبْزُقْ فِي نَادُمْ طَاهِرْ، النَّادُمْ دَا وَاجِبْ يِغَسِّلْ خُلْقَانَهْ وَ يِلْبَرَّدْ. وَ بَيْدَا كُلَ، يُكُونْ نِجِسْ لَحَدِّي الْعَشِيَّةْ.

لاوِيِّين 15:10

وَ أَيِّ نَادُمْ الْيَلْمَسْ أَيِّ شَيّءْ الْقَاعِدْ تِحِتْ النَّادُمْ الْمُبَجِّلْ يُكُونْ نِجِسْ لَحَدِّي الْعَشِيَّةْ. وَ النَّادُمْ الْيِشِيلْ الْأَشْيَاءْ دَوْل، وَاجِبْ يِغَسِّلْ خُلْقَانَهْ وَ يِلْبَرَّدْ. وَ بَيْدَا كُلَ، يُكُونْ نِجِسْ لَحَدِّي الْعَشِيَّةْ.

لاوِيِّين 15:11

وَ كَنْ النَّادُمْ الْمُبَجِّلْ يَلْمَسْ أَيِّ نَادُمْ قُبَّالْ مَا يِغَسِّلْ إِيدَيْنَهْ بِأَلْمِي، وَاجِبْ النَّادُمْ دَا يِغَسِّلْ خُلْقَانَهْ وَ يِلْبَرَّدْ. وَ بَيْدَا كُلَ، يُكُونْ نِجِسْ لَحَدِّي الْعَشِيَّةْ.

لاوِيِّين 15:21

وَ أَيِّ نَادُمْ الْيَلْمَسْ سَرِيرْهَا، وَاجِبْ يِغَسِّلْ خُلْقَانَهْ وَ يِلْبَرَّدْ. وَ بَيْدَا كُلَ، يُكُونْ نِجِسْ لَحَدِّي الْعَشِيَّةْ.

لاوِيِّين 15:22

وَ أَيِّ نَادُمْ الْيَلْمَسْ الشَّيّءْ الْهِي قَعَدَتْ فَوْقَهْ، وَاجِبْ يِغَسِّلْ خُلْقَانَهْ وَ يِلْبَرَّدْ. وَ بَيْدَا كُلَ، يُكُونْ نِجِسْ لَحَدِّي الْعَشِيَّةْ.

لاوِيِّين 15:23

وَ كَنْ فِي شَيّءْ فِي سَرِيرْهَا أَوْ فِي شَيّءْ الْهِي قَعَدَتْ فَوْقَهْ، النَّادُمْ الْيَلْمَسَهْ يُكُونْ نِجِسْ لَحَدِّي الْعَشِيَّةْ.

لاوِيِّين 15:27

وَ أَيِّ نَادُمْ الْيَلْمَسْهُمْ يُكُونْ نِجِسْ وَ وَاجِبْ يِغَسِّلْ خُلْقَانَهْ وَ يِلْبَرَّدْ. وَ بَيْدَا كُلَ، يُكُونْ نِجِسْ لَحَدِّي الْعَشِيَّةْ.

عَدد 19:7

وَ رَاجِلْ الدِّينْ يِغَسِّلْ خُلْقَانَهْ وَ يِلْبَرَّدْ وَ بَعَدْ دَا، يِقَبِّلْ فِي الْفَرِيقْ وَ لَاكِنْ يَقْعُدْ نِجِسْ لَحَدِّي عَشِيَّةْ.