عَدد 19:21 - الكتاب المقدس بالعربي الدارجي هنا تشاد

²¹ «وَ دَا يَبْقَى لَيْهُمْ شَرْط دَايِمْ. وَ النَّادُمْ الْيُرُشّ أَلْمِي التَّطْهِيرْ دَا، وَاجِبْ يِغَسِّلْ خُلْقَانَهْ. وَ كَنْ نَادُمْ لِمِسْ أَلْمِي التَّطْهِيرْ دَا، يُكُونْ نِجِسْ لَحَدِّي عَشِيَّةْ.

عَدد 19:21 Referenca të Kryqëzuara

عِبْرَانِيِّين 10:4

أَشَانْ دَمّ التِّيرَانْ وَ دَمّ الْغَنَمْ أَبَداً مَا يَقْدَرْ يَمْحَا ذُنُوبْ النَّاسْ.

عِبْرَانِيِّين 9:10

وَ نِظَامْ الْعِبَادَةْ دَا بُخُصّ الْأَكِلْ وَ الشَّرَابْ وَ الْوَضُوءْ. الشُّرُوطْ دَوْل بُخُصُّوا جِسِمْ الْإِنْسَانْ بَسْ وَ هُمَّنْ يَقْعُدُوا لَحَدِّي وَكِتْ النِّظَامْ الْجَدِيدْ يَجِي.

عِبْرَانِيِّين 7:19

أَكِيدْ، شُرُوطْ التَّوْرَاةْ مَا سَوَّوْا أَيِّ شَيّءْ كَامِلْ. وَ اللّٰهْ جَابْ فِي بَدَلْهُمْ دَرِبْ أَخَيْر زِيَادَةْ، الْبَيَّهْ نِقَرُّبُوا لِلّٰهْ بِعَشَمْ زِيَادَةْ مِنْ أَوَّلْ.

لاوِيِّين 11:40

وَ الْيَاكُلْ مِنْ الرِّمَّةْ دِي، وَاجِبْ يِغَسِّلْ خُلْقَانَهْ وَ يُكُونْ نِجِسْ لَحَدِّي الْعَشِيَّةْ. وَ الْيِشِيلْ الرِّمَّةْ دِي، وَاجِبْ يِغَسِّلْ خُلْقَانَهْ وَ يُكُونْ نِجِسْ لَحَدِّي الْعَشِيَّةْ.

لاوِيِّين 11:25

وَ أَيِّ نَادُمْ الْيِشِيلْ رِمِّتْهُمْ، وَاجِبْ يِغَسِّلْ خُلْقَانَهْ وَ يُكُونْ نِجِسْ لَحَدِّي الْعَشِيَّةْ.

خُروج 27:21

هَارُونْ وَ عِيَالَهْ يَحْفَضَوْه مُوَلِّعْ قِدَّامْ اللّٰهْ فِي خَيْمَةْ الْإِجْتِمَاعْ قِدَّامْ السِّتَارْ الْيِدَارِقْ الصَّنْدُوقْ الْفَوْقَهْ لِيحَانْ الْمُعَاهَدَةْ. وَ ضَيّ الْفَانُوسْ يُكُونْ مُوَلِّعْ مِنْ مَغْرِبْ لَحَدِّي فَجُرْ. وَ دَا يَبْقَى شَرْط دَايِمْ لِبَنِي إِسْرَائِيلْ مِنْ ذُرِّيَّةْ لِذُرِّيَّةْ.

عَدد 19:7

وَ رَاجِلْ الدِّينْ يِغَسِّلْ خُلْقَانَهْ وَ يِلْبَرَّدْ وَ بَعَدْ دَا، يِقَبِّلْ فِي الْفَرِيقْ وَ لَاكِنْ يَقْعُدْ نِجِسْ لَحَدِّي عَشِيَّةْ.

عَدد 18:23

وَ اللَّاوِيِّينْ هُمَّنْ بَسْ يَخْدُمُوا فِي خَيْمَةْ الْإِجْتِمَاعْ وَ هُمَّنْ يِلْحَمَّلَوْا نَتِيجَةْ خَطَاهُمْ. وَ دَا يَبْقَى لَيْهُمْ شَرْط دَايِمْ مِنْ ذُرِّيَّةْ لِذُرِّيَّةْ. وَ لَاكِنْ مَا عِنْدُهُمْ وَرَثَةْ الْيَوْرُثُوهَا مِثِلْ بَنِي إِسْرَائِيلْ.

عَدد 19:8

وَ الْحَرَّقْ الْبَقَرَةْ كُلَ يِغَسِّلْ خُلْقَانَهْ وَ يِلْبَرَّدْ بِأَلْمِي وَ لَاكِنْ يَقْعُدْ نِجِسْ لَحَدِّي عَشِيَّةْ.

عَدد 19:10

وَ النَّادُمْ الْيُخُمّ الرُّمَادْ هَنَا الْبَقَرَةْ، هُو كُلَ يِغَسِّلْ خُلْقَانَهْ وَ لَاكِنْ يَقْعُدْ نِجِسْ لَحَدِّي عَشِيَّةْ. وَ دَا يَبْقَى شَرْط دَايِمْ لِبَنِي إِسْرَائِيلْ وَ لِلْأَجْنَبِي السَّاكِنْ مَعَاهُمْ.