عَدد 19:19 - الكتاب المقدس بالعربي الدارجي هنا تشاد

¹⁹ وَ الرَّاجِلْ الطَّاهِرْ يُرُشّ النَّادُمْ النِّجِسْ فِي الْيَوْم التَّالِتْ وَ الْيَوْم السَّابِعْ. وَ فِي الْيَوْم السَّابِعْ دَا، خَطَايَهْ يِنْمَحِي. وَ بَعَدْ دَا، يِغَسِّلْ خُلْقَانَهْ وَ يِلْبَرَّدْ وَ بِعَشِيَّةْ هُو يَبْقَى طَاهِرْ.

عَدد 19:19 Referenca të Kryqëzuara

1 يُوحَنَّا 1:7

وَ لَاكِنْ كَنْ أَنِحْنَ مَاشِينْ فِي النُّورْ مِثِلْ هُو ذَاتَهْ فِي النُّورْ، نِأَكُّدُوا الْعَلَاقَةْ الْعِنْدِنَا أَمْبَيْنَاتْنَا وَ دَمّ عِيسَى إِبْنَهْ يِطَهِّرْنَا مِنْ كُلَّ الذُّنُوبْ.

عِبْرَانِيِّين 10:22

أَشَانْ دَا، خَلِّي نِقَرُّبُوا لِلّٰهْ بِقَلِبْ مُخْلِصْ وَ بِإِيمَانْ كَامِلْ، بِقُلُوبْنَا الْمُطَهَّرِينْ بِدَمَّهْ وَ أَجْسَامْنَا كَمَانْ مِثِلْ نَضَّفْنَاهُمْ بِالْأَلْمِي الصَّافِي.

حِزْقِيال 36:25

وَ أَنَا نُرُشُّكُو بِأَلْمِي طَاهِرْ وَ تَبْقَوْا طَاهِرِينْ وَ نِطَهِّرْكُو مِنْ كُلَّ نَجَاسِتْكُو وَ مِنْ كُلَّ أَصْنَامْكُو.

عَدد 19:12

وَ النَّادُمْ دَا، خَلِّي يِطَهِّرْ نَفْسَهْ بِأَلْمِي التَّطْهِيرْ السَّوَّوْه بِرُمَادْ الْبَقَرَةْ فِي الْيَوْم التَّالِتْ وَ فِي الْيَوْم السَّابِعْ وَ بَيْدَا، هُو يُكُونْ طَاهِرْ. وَ لَاكِنْ كَنْ مَا يِطَهِّرْ نَفْسَهْ فِي الْيَوْم التَّالِتْ وَ الْيَوْم السَّابِعْ، هُو مَا يَبْقَى طَاهِرْ.

لاوِيِّين 14:9

وَ فِي الْيَوْم السَّابِعْ، هُو يِزَيِّنْ كُلَّ صُوفْ رَاسَهْ وَ دِقْنَهْ وَ حَدَقَهْ وَ يِزَيِّنْ كُلَّ صُوفْ جِلْدَهْ. وَ يِغَسِّلْ خُلْقَانَهْ وَ يِلْبَرَّدْ وَ هُو يَبْقَى طَاهِرْ.

يَهُوذَا 1:23

وَ النَّاسْ الْقَرَّبَوْا لِخَشُمْ النَّارْ، أَكُرْبُوهُمْ وَ أَفْزَعَوْهُمْ. حِنُّوا فِي النَّاسْ النَّجَّسَوْا نُفُوسْهُمْ بِالزِّنَى لَحَدِّي خُلْقَانْهُمْ. لَاكِنْ أَنْقَرْعُوا مَرَّةْ وَاحِدْ وَ أَكْرَهَوْا أَيِّ شَيّءْ الْيَقْدَرْ يِنَجِّسْكُو إِنْتُو كُلَ.

تِيطُس 2:14

هُو أَنْطَى نَفْسَهْ ضَحِيَّةْ لِيَفْدَانَا مِنْ كُلَّ الْفَسَالَةْ وَ يِطَهِّرْ قُلُوبْنَا أَشَانْ نَبْقَوْا لَيَّهْ شَعَبَهْ حَلَالَهْ مُنْكَرِبِينْ فِي عَمَلْ الْخَيْر.

عَدد 31:19

«وَ كَنْ لَيْكُو إِنْتُو، أَقْعُدُوا بَرَّا مِنْ الْفَرِيقْ لَحَدِّي سَبْعَةْ يَوْم. وَ أَيِّ نَادُمْ مِنْكُو الْكَتَلْ نَادُمْ أَوْ لِمِسْ جَنَازَةْ كُلَ، وَاجِبْ يِطَهِّرْ نَفْسَهْ فِي الْيَوْم التَّالِتْ وَ الْيَوْم السَّابِعْ. أَطَّهَّرَوْا إِنْتُو ذَاتْكُو وَ كُلَّ مَسْجُونَاتْكُو.

تكوين 2:2

وَ فِي الْيَوْم السَّابِعْ، اللّٰهْ كَمَّلْ خِدِمْتَهْ السَّوَّاهَا وَ فِي الْيَوْم السَّابِعْ، هُو وَقَفْ مِنْ كُلَّ خِدِمْتَهْ السَّوَّاهَا.

خُروج 19:10

وَ اللّٰهْ قَالْ لِمُوسَى: «قَبِّلْ لِلشَّعَبْ وَ خَصِّصْهُمْ الْيَوْم وَ أَمْبَاكِرْ. وَ خَلِّي يِغَسُّلُوا خُلْقَانْهُمْ.

عَدد 19:13

كَنْ نَادُمْ لِمِسْ جَنَازَةْ وَ مَا طَهَّرْ نَفْسَهْ، يِنَجِّسْ خَيْمَةْ اللّٰهْ. وَ النَّادُمْ دَا وَاجِبْ يَفْصُلُوهْ مِنْ بَنِي إِسْرَائِيلْ أَشَانْ هُو مَا رَشَّوْه بِأَلْمِي التَّطْهِيرْ وَ هُو نِجِسْ وَ قَاعِدْ بِنَجَاسْتَهْ.

عَدد 19:18

وَ رَاجِلْ وَاحِدْ طَاهِرْ يِشِيلْ فِرِعْ هَنَا زُوفَةْ وَ يِدِسَّهْ فِي الْأَلْمِي دَا وَ يُرُشّ بَيَّهْ الْخَيْمَةْ وَ كُلَّ الْمَوَاعِينْ وَ كُلَّ النَّاسْ الْقَاعِدِينْ فِي لُبَّهَا. وَ يُرُشّ النَّادُمْ اللِّمِسْ عُضَامْ هَنَا نَادُمْ مَيِّتْ أَوْ لِمِسْ نَادُمْ مَكْتُولْ بِالْسَّيْف أَوْ لِمِسْ نَادُمْ مَيِّتْ مَوْت سَاكِتْ أَوْ لِمِسْ قَبُرْ.

لاوِيِّين 14:7

وَ رَاجِلْ الدِّينْ يُرُشّ سَبْعَةْ مَرَّاتْ النَّادُمْ الْيِطَّهَّرْ مِنْ مَرَضْ الْجِسِمْ. وَ هُو يِبَلِّغَهْ طَاهِرْ وَ يَطْلِقْ الطَّيْرَايْ الْحَيَّةْ تِطِيرْ فِي الْكَدَادَةْ.

عَدد 31:24

وَ تِغَسُّلُوا خُلْقَانْكُو فِي الْيَوْم السَّابِعْ وَ خَلَاصْ تَبْقَوْا طَاهِرِينْ. وَ بَعَدْ دَا، تَدْخُلُوا فِي الْفَرِيقْ.»