عَدد 19:13 - الكتاب المقدس بالعربي الدارجي هنا تشاد

¹³ كَنْ نَادُمْ لِمِسْ جَنَازَةْ وَ مَا طَهَّرْ نَفْسَهْ، يِنَجِّسْ خَيْمَةْ اللّٰهْ. وَ النَّادُمْ دَا وَاجِبْ يَفْصُلُوهْ مِنْ بَنِي إِسْرَائِيلْ أَشَانْ هُو مَا رَشَّوْه بِأَلْمِي التَّطْهِيرْ وَ هُو نِجِسْ وَ قَاعِدْ بِنَجَاسْتَهْ.

عَدد 19:13 Referenca të Kryqëzuara

لاوِيِّين 15:31

يَا مُوسَى وَ هَارُونْ! أَدْحَرَوْا بَنِي إِسْرَائِيلْ مَا يِقَرُّبُوا لِلْبَكَانْ الْمُقَدَّسْ وَكِتْ هُمَّنْ نِجْسِينْ. وَ دَا، أَشَانْ مَا يِنَجُّسُوا خَيْمِتِي الْمُقَدَّسَةْ الْفِي أُسُطْهُمْ وَ يُمُوتُوا بِسَبَبْ نَجَاسِتْهُمْ.

لاوِيِّين 22:3

وَ قُولْ لَيْهُمْ: «مِنْ ذُرِّيَّةْ لِذُرِّيَّةْ كَنْ أَيِّ رَاجِلْ نِجِسْ مِنْ كُلَّ ذُرِّيَّةْ رُجَالْ الدِّينْ لِمِسْ الْأَشْيَاءْ الْمُقَدَّسِينْ الْخَصَّصَوْهُمْ بَنِي إِسْرَائِيلْ لِلّٰهْ، النَّادُمْ دَا وَاجِبْ يَفْصُلُوهْ وَ مَا يَجِي قِدَّامِي. وَ أَنَا بَسْ اللّٰهْ.

لاوِيِّين 7:20

وَ لَاكِنْ كَنْ نَادُمْ نِجِسْ وَ يَاكُلْ مِنْ لَحَمْ ضَحِيَّةْ السَّلَامَةْ الْقَدَّمَوْه لِلّٰهْ، النَّادُمْ دَا وَاجِبْ يَفْصُلُوهْ مِنْ شَعَبَهْ.

رُؤية 22:15

وَ بَرَّا مِنْ الْمَدِينَةْ، فِيَّهْ الْفَاسْدِينْ وَ السَّحَّارِينْ وَ الزَّنَّايِينْ وَ كَتَّالِينْ الدِّمَمْ وَ النَّاسْ الْيَعَبُدُوا الْأَصْنَامْ وَ النَّاسْ الْكَلَامْهُمْ وَ خِدْمِتْهُمْ كِدِبْ.

رُؤية 22:11

النَّادُمْ الْفَسِلْ، خَلِّي يَقْعُدْ ثَابِتْ فِي فَسَالْتَهْ. وَ النَّادُمْ النِّجِسْ، خَلِّي يَقْعُدْ ثَابِتْ فِي نَجَاسْتَهْ. وَ النَّادُمْ الْعَادِلْ، خَلِّي يَقْعُدْ ثَابِتْ فِي عَدَالْتَهْ. وَ النَّادُمْ الصَّالِحْ، خَلِّي يَقْعُدْ ثَابِتْ فِي حَالَهْ الصَّالْحَةْ.»

رُؤية 21:8

لَاكِنْ الْخَوَّافِينْ وَ الْمَا مُؤمِنِينْ وَ الْفَاسْدِينْ وَ كَتَّالِينْ الدِّمَمْ وَ الزَّنَّايِينْ وَ السَّحَّارِينْ وَ عَابِدِينْ الْأَصْنَامْ وَ كُلَّ الْكَدَّابِينْ، بَكَانْهُمْ يَبْقَى بَحَرْ النَّارْ وَ الْكِبْرِيتْ الْأَصْفَرْ. وَ دَا بَسْ الْمَوْت التَّانِي.»

عِبْرَانِيِّين 10:29

هَايْ! فَكُّرُوا فِي الْعِقَابْ الْوَاجِبْ لِلنَّادُمْ الْخَلَّى دَرِبْ الْمَسِيحْ! هُو حَقَرْ إِبْن اللّٰهْ حُقْرَةْ شَدِيدَةْ. دَمّ الْمُعَاهَدَةْ الْبَيَّهْ هُو بِقِي خَاصّ لِلّٰهْ، هُو جَعَلَهْ مَا عِنْدَهْ قِيمَةْ. وَ عَيَّرْ الرُّوحْ الْأَنْطَاهْ الرَّحْمَةْ.

يُوحَنَّا 8:24

وَ قُلْت لَيْكُو تُمُوتُوا بِذُنُوبْكُو. أَكِيدْ، تُمُوتُوا بِذُنُوبْكُو كَنْ مَا تِآمُنُوا كَدَرْ أَنَا بَسْ هُو.»

أمْثال 14:32

الْعَاصِي يَقَعْ فِي فَسَالْتَهْ وَ لَاكِنْ الصَّالِحْ حَتَّى فِي مَوْتَهْ يَلْقَى مَلْجَأْ.

عَدد 19:20

وَ لَاكِنْ النَّادُمْ النَّجَّسْ نَفْسَهْ وَ مَا طَهَّرْهَا، وَاجِبْ يَفْصُلُوهْ مِنْ الشَّعَبْ أَشَانْ هُو نَجَّسْ الْبَيْت الْمُقَدَّسْ هَنَا اللّٰهْ. وَ النَّادُمْ دَا قَاعِدْ بِنَجَاسْتَهْ أَشَانْ مَا رَشَّوْه بِأَلْمِي التَّطْهِيرْ.

عَدد 19:18

وَ رَاجِلْ وَاحِدْ طَاهِرْ يِشِيلْ فِرِعْ هَنَا زُوفَةْ وَ يِدِسَّهْ فِي الْأَلْمِي دَا وَ يُرُشّ بَيَّهْ الْخَيْمَةْ وَ كُلَّ الْمَوَاعِينْ وَ كُلَّ النَّاسْ الْقَاعِدِينْ فِي لُبَّهَا. وَ يُرُشّ النَّادُمْ اللِّمِسْ عُضَامْ هَنَا نَادُمْ مَيِّتْ أَوْ لِمِسْ نَادُمْ مَكْتُولْ بِالْسَّيْف أَوْ لِمِسْ نَادُمْ مَيِّتْ مَوْت سَاكِتْ أَوْ لِمِسْ قَبُرْ.

عَدد 19:9

«وَ نَادُمْ وَاحِدْ طَاهِرْ يُخُمّ الرُّمَادْ هَنَا الْبَقَرَةْ وَ يُخُطَّهْ بَرَّا مِنْ الْفَرِيقْ فِي بَكَانْ طَاهِرْ. وَ مُجْتَمَعْ بَنِي إِسْرَائِيلْ يَحْفَضَوْا الرُّمَادْ لِيِسَوُّوا بَيَّهْ أَلْمِي التَّطْهِيرْ الْيِسْتَعْمَلَوْه لِمَحِيِينْ الْخَطَا.

عَدد 15:30

«‹وَ كَنْ نَادُمْ مِنْ بَنِي إِسْرَائِيلْ أَوْ أَجْنَبِي قَاعِدْ مَعَاهُمْ كُلَ كَنْ سَوَّى ذَنِبْ بِنِيّتَهْ، النَّادُمْ دَا سَوَّى جَرِيمَةْ ضِدّ اللّٰهْ. وَ بِسَبَبْ دَا، وَاجِبْ يَفْصُلُوهْ مِنْ أَهَلَهْ.

عَدد 8:7

وَ دَاهُو الشَّيّءْ التِّسَوِّيهْ لِيَبْقَوْا طَاهِرِينْ. رُشُّهُمْ بِأَلْمِي التَّطْهِيرْ وَ خَلِّي يِزَيُّنُوا كُلَّ جِلِدْهُمْ وَ يِغَسُّلُوا خُلْقَانْهُمْ وَ بَيْدَا، خَلَاصْ يَبْقَوْا طَاهِرِينْ.

لاوِيِّين 20:3

وَ أَنَا اللّٰهْ نِوَجِّهْ عَلَيْ النَّادُمْ دَا وَ نَفْصُلَهْ مِنْ شَعَبَهْ أَشَانْ هُو قَدَّمْ وَاحِدْ مِنْ عِيَالَهْ لِمُولَكْ وَ بَيْدَا، نَجَّسْ بَيْتِي الْمُقَدَّسْ وَ مَا أَحْتَرَمْ أُسْمِي الْمُقَدَّسْ.

لاوِيِّين 5:17

وَ كَنْ نَادُمْ يِسَوِّي ذَنِبْ بَلَا رَايْه ضِدّ وَاحِدَةْ مِنْ وَصَايَا اللّٰهْ، النَّادُمْ دَا يَبْقَى خَاطِي وَ يِلْحَمَّلْ نَتِيجَةْ خَطَايَهْ.

لاوِيِّين 5:6

وَ فِي شَانْ الذَّنِبْ الْهُو سَوَّاهْ، يِقَدِّمْ ضَحِيَّةْ لِلّٰهْ مِنْ الْغَنَمْ عَنْزَايْ أَوْ غَنَمَايْ ضَحِيَّةْ لِكَفَّارَةْ الْخَطَا. وَ رَاجِلْ الدِّينْ يِسَوِّي لَيَّهْ كَفَّارَةْ لِذَنْبَهْ.

لاوِيِّين 5:3

«وَكِتْ نَادُمْ بَلَا رَايْه يَلْمَسْ نَجَاسَةْ هَنَا إِنْسَانْ التِّنَجِّسْ، كَنْ هُو عِرِفْ خَطَايَهْ، خَلَاصْ هُو يَبْقَى خَاطِي.

عِبْرَانِيِّين 9:10

وَ نِظَامْ الْعِبَادَةْ دَا بُخُصّ الْأَكِلْ وَ الشَّرَابْ وَ الْوَضُوءْ. الشُّرُوطْ دَوْل بُخُصُّوا جِسِمْ الْإِنْسَانْ بَسْ وَ هُمَّنْ يَقْعُدُوا لَحَدِّي وَكِتْ النِّظَامْ الْجَدِيدْ يَجِي.

لاوِيِّين 7:21

مَثَلاً نَادُمْ لِمِسْ أَيِّ شَيّءْ نِجِسْ أَوْ إِنْسَانْ نِجِسْ أَوْ بَهِيمَةْ نِجْسَةْ أَوْ أَيِّ حَيْوَانْ مُحَرَّمْ وَ نِجِسْ مَرَّةْ وَاحِدْ. وَ كَنْ النَّادُمْ دَا أَكَلْ مِنْ لَحَمْ ضَحِيَّةْ السَّلَامَةْ الْقَدَّمَوْه لِلّٰهْ، وَاجِبْ يَفْصُلُوهْ مِنْ شَعَبَهْ.

عَدد 19:14

«وَ دَاهُو قَانُونْ الْبُخُصّ النَّادُمْ الْيُمُوتْ فِي الْخَيْمَةْ. وَ فِي الْحَالَةْ دِي، أَيِّ نَادُمْ الْيَدْخُلْ فِي الْخَيْمَةْ دِي أَوْ قَاعِدْ فَوْقهَا يَبْقَى نِجِسْ لِمُدَّةْ سَبْعَةْ يَوْم.

عَدد 19:19

وَ الرَّاجِلْ الطَّاهِرْ يُرُشّ النَّادُمْ النِّجِسْ فِي الْيَوْم التَّالِتْ وَ الْيَوْم السَّابِعْ. وَ فِي الْيَوْم السَّابِعْ دَا، خَطَايَهْ يِنْمَحِي. وَ بَعَدْ دَا، يِغَسِّلْ خُلْقَانَهْ وَ يِلْبَرَّدْ وَ بِعَشِيَّةْ هُو يَبْقَى طَاهِرْ.

حِزْقِيال 44:26

وَ بَعَدْ يِطَّهَّرْ، يَقْعُدْ سَبْعَةْ يَوْم حَتَّى يَجِي.

خُروج 30:33

وَ أَيِّ نَادُمْ الْيِخَلْبِطْ دِهِنْ مِثْلَهْ أَوْ يَمْسَحَهْ لِنَادُمْ مَا مِنْ رُجَالْ الدِّينْ، النَّادُمْ دَا وَاجِبْ يَفْصُلُوهْ مِنْ أَهَلَهْ.›»

لاوِيِّين 22:4

«وَ أَيِّ رَاجِلْ مِنْ ذُرِّيَّةْ هَارُونْ كَنْ عِنْدَهْ مَرَضْ الْجِسِمْ أَوْ بَجَلْ، مَا يَاكُلْ مِنْ الْأَشْيَاءْ الْمُقَدَّسِينْ لَحَدِّي يِطَّهَّرْ. وَ كَنْ لِمِسْ نَادُمْ الْبِقِي نِجِسْ بِسَبَبْ لِمِسْ جِيفَةْ أَوْ يَمْرُقْ مِنَّهْ مَنِي

عَدد 9:13

«وَ لَاكِنْ كَنْ نَادُمْ طَاهِرْ وَ مَا مُسَافِرْ وَ أَبَى مَا يِعَيِّدْ عِيدْ الْفِصْحَ، النَّادُمْ دَا وَاجِبْ يَفْصُلُوهْ مِنْ أَهَلَهْ بِسَبَبْ هُو مَا قَدَّمْ هَدِيَّةْ لِلّٰهْ فِي الْيَوْم الْمُحَدَّدْ. وَ النَّادُمْ دَا وَاجِبْ يِلْحَمَّلْ مَسْؤُولِيَّةْ الذَّنِبْ الْهُو سَوَّاهْ.