عَدد 19:12 - الكتاب المقدس بالعربي الدارجي هنا تشاد

¹² وَ النَّادُمْ دَا، خَلِّي يِطَهِّرْ نَفْسَهْ بِأَلْمِي التَّطْهِيرْ السَّوَّوْه بِرُمَادْ الْبَقَرَةْ فِي الْيَوْم التَّالِتْ وَ فِي الْيَوْم السَّابِعْ وَ بَيْدَا، هُو يُكُونْ طَاهِرْ. وَ لَاكِنْ كَنْ مَا يِطَهِّرْ نَفْسَهْ فِي الْيَوْم التَّالِتْ وَ الْيَوْم السَّابِعْ، هُو مَا يَبْقَى طَاهِرْ.

عَدد 19:12 Referenca të Kryqëzuara

عَدد 31:19

«وَ كَنْ لَيْكُو إِنْتُو، أَقْعُدُوا بَرَّا مِنْ الْفَرِيقْ لَحَدِّي سَبْعَةْ يَوْم. وَ أَيِّ نَادُمْ مِنْكُو الْكَتَلْ نَادُمْ أَوْ لِمِسْ جَنَازَةْ كُلَ، وَاجِبْ يِطَهِّرْ نَفْسَهْ فِي الْيَوْم التَّالِتْ وَ الْيَوْم السَّابِعْ. أَطَّهَّرَوْا إِنْتُو ذَاتْكُو وَ كُلَّ مَسْجُونَاتْكُو.

رُؤية 7:14

وَ رَدَّيْت لَيَّهْ وَ قُلْت: «يَا السَّيِّدْ، إِنْتَ بَسْ تَعَرْفَهْ.» وَ هُو قَالْ: «دَوْل النَّاسْ الْقَعَدَوْا ثَابْتِينْ وَ مَرَقَوْا مِنْ الضِّيقَةْ الْكَبِيرَةْ. هُمَّنْ النَّاسْ الْغَسَّلَوْا خُلْقَانْهُمْ بِدَمّ الْحَمَلْ وَ مِثِلْ دَا، سَوَّوْا خُلْقَانْهُمْ بُيُضْ.

أعمال الرُسُل 15:9

اللّٰهْ سَوَّى لَيْهُمْ هُمَّنْ وَ لَيْنَا أَنِحْنَ نَفْس الشَّيّءْ. وَ بِسَبَبْ إِيمَانْهُمْ، هُو طَهَّرْ قُلُوبْهُمْ.

هُوشَع 6:2

بَعَدْ يَوْمَيْن، هُو يَنْطِينَا الْحَيَاةْ. أَيْوَى، فِي الْيَوْم التَّالِتْ، يِقَوِّمْنَا وَ نِعِيشُوا قِدَّامَهْ.

حِزْقِيال 36:25

وَ أَنَا نُرُشُّكُو بِأَلْمِي طَاهِرْ وَ تَبْقَوْا طَاهِرِينْ وَ نِطَهِّرْكُو مِنْ كُلَّ نَجَاسِتْكُو وَ مِنْ كُلَّ أَصْنَامْكُو.

زَبُور 51:7

طَهِّرْنِي مِنْ ذَنْبِي بِوَرْشَالْ زُوفَةْ وَ نَبْقَى طَاهِرْ. غَسِّلْنِي لَحَدِّي نَبْقَى أَبْيَضْ كَرّ زِيَادَةْ مِنْ الْقُطُنْ.

لاوِيِّين 7:17

وَ فِي الْيَوْم التَّالِتْ، الْفَضَّلْ مِنْ اللَّحَمْ هَنَا الضَّحِيَّةْ يِحَرُّقُوهْ فِي النَّارْ.

خُروج 19:15

وَ هُو قَالْ لَيْهُمْ: «جَهُّزُوا نُفُوسْكُو لِلْيَوْم التَّالِتْ. مَا تَرُقْدُوا مَعَ عَوِينْكُو فِي الْمُدَّةْ دِي.»

خُروج 19:11

وَ يُكُونُوا جَاهِزِينْ لِلْيَوْم التَّالِتْ أَشَانْ فِي الْيَوْم دَا، أَنَا اللّٰهْ نَنْزِلْ فِي جَبَلْ سِينَاء قِدَّامْ كُلَّ الشَّعَبْ.

لاوِيِّين 14:7

وَ رَاجِلْ الدِّينْ يُرُشّ سَبْعَةْ مَرَّاتْ النَّادُمْ الْيِطَّهَّرْ مِنْ مَرَضْ الْجِسِمْ. وَ هُو يِبَلِّغَهْ طَاهِرْ وَ يَطْلِقْ الطَّيْرَايْ الْحَيَّةْ تِطِيرْ فِي الْكَدَادَةْ.