عَدد 18:4 - الكتاب المقدس بالعربي الدارجي هنا تشاد

⁴ وَ هُمَّنْ بَسْ يِسَاعُدُوكُو وَ يَخْدُمُوا مَعَاكُو فِي كُلَّ الْخِدْمَةْ التُّكُونْ فِي خَيْمَةْ الْإِجْتِمَاعْ وَ يَحْفَضَوْهَا. نَادُمْ آخَرْ كَيْ مَا يَجِي يَخْدِمْ مَعَاكُو.

عَدد 18:4 Referenca të Kryqëzuara

1 صَمُوِيل 6:19

وَ اللّٰهْ ضَرَبْ سُكَّانْ حِلَّةْ بَيْت شَمْس أَشَانْ هُمَّنْ شَافَوْا لُبّ صَنْدُوقْ اللّٰهْ. وَ مَاتَوْا مِنْهُمْ 70 رَاجِلْ. وَ الشَّعَبْ بِقَوْا حَزْنَانِينْ أَشَانْ اللّٰهْ ضَرَبَاهُمْ ضَرْبَةْ شَدِيدَةْ.

عَدد 3:10

وَ كَلِّفْ هَارُونْ وَ أَوْلَادَهْ لِيَحْفَضَوْا خِدْمَةْ رُجَالْ الدِّينْ دِي لَيْهُمْ هُمَّنْ بَسْ. وَ أَيِّ نَادُمْ آخَرْ كَنْ يِسَوِّي نَفْسَهْ رَاجِلْ دِينْ، وَاجِبْ يُمُوتْ.»

عَدد 1:51

وَ وَكِتْ تِسِيرُوا، اللَّاوِيِّينْ بَسْ يِفَرْتُقُوهَا. وَ وَكِتْ تَنْزُلُوا كُلَ، هُمَّنْ بَسْ يَبْنُوهَا. لَاكِنْ أَيِّ نَادُمْ آخَرْ كَنْ يِقَرِّبْ لِلْخَيْمَةْ دِي، وَاجِبْ يُمُوتْ.

عَدد 18:3

اللَّاوِيِّينْ يَخْدُمُوا تِحِتْ أَمْرَكْ وَ يَحْفَضَوْا كُلَّ خَيْمَةْ الْعِبَادَةْ وَ لَاكِنْ مَا يِقَرُّبُوا لِلْمُعِدَّاتْ الْمُخَصَّصِينْ وَ لَا لِلْمَدْبَحْ أَشَانْ مَا يِجِيبُوا الْمَوْت لِنُفُوسْهُمْ وَ لَا لَيْكُو إِنْتُو.

عَدد 18:5

وَ إِنْتُو بَسْ تَحْفَضَوْا الْبَكَانْ الْمُقَدَّسْ وَ الْمَدْبَحْ وَ بَيْدَا، بَتَّانْ غَضَبْ اللّٰهْ مَا يَنْزِلْ فِي بَنِي إِسْرَائِيلْ.

عَدد 31:30

وَ مِنْ قِسِمْ شَعَبْ بَنِي إِسْرَائِيلْ كَمَانْ، شِيلْ وَاحِدْ فِي الْخَمْسِينْ مِنْ النَّاسْ وَ الْبَقَرْ وَ الْحَمِيرْ وَ الْغَنَمْ وَ كُلَّ الْبَهَايِمْ. وَ أَنْطِيهْ لِلَّاوِيِّينْ الْقَاعِدِينْ يَحْفَضَوْا خَيْمَةْ اللّٰهْ.»

حِزْقِيال 44:14

وَ أَنَا نِكَلِّفْهُمْ بِخِدْمَةْ صَغَيْرَةْ بَسْ فِي بَيْتِي الْمُقَدَّسْ وَ هُمَّنْ يِسَوُّوا كُلَّ خِدِمْتَهْ وَ كُلَّ شَيّءْ الْوَاجِبْ يَخْدُمُوهْ.

عَدد 1:53

وَ لَاكِنْ اللَّاوِيِّينْ خَلِّي يَنْزُلُوا حَوَالَيْ خَيْمَةْ الْعِبَادَةْ الْفَوْقهَا الصَّنْدُوقْ الْعِنْدَهْ لِيحَانْ الْمُعَاهَدَةْ وَ يَحْفَضَوْهَا. وَ بَيْدَا، غَضَبِي مَا يَنْزِلْ فِي كُلَّ مُجْتَمَعْ بَنِي إِسْرَائِيلْ.»

عَدد 8:26

هُو يِسَاعِدْ أَخْوَانَهْ الْقَاعِدِينْ يَحْفَضَوْا وَ يَخْدُمُوا فِي خَيْمَةْ الْإِجْتِمَاعْ لَاكِنْ مَا يَنْطُوهْ خِدْمَةْ خَاصَّةْ لَيَّهْ. وَ دَا الشَّيّءْ الْوَاجِبْ تِسَوِّيهْ فِي الْخِدْمَةْ التُّخُصّ اللَّاوِيِّينْ.»