عَدد 18:1 - الكتاب المقدس بالعربي الدارجي هنا تشاد

¹ وَ اللّٰهْ قَالْ لِهَارُونْ: «إِنْتَ وَ عِيَالَكْ وَ نَاسْ مِنْ أَهَلَكْ تِلْحَمَّلَوْا الْعِقَابْ هَنَا أَيِّ خَطَا الْيُكُونْ فِي الْمُعِدَّاتْ هَنَا الْبَكَانْ الْمُقَدَّسْ. وَ إِنْتَ وَ عِيَالَكْ بَسْ تِلْحَمَّلَوْا الْعِقَابْ هَنَا أَيِّ خَطَا الْيُكُونْ فِي خِدْمَةْ رُجَالْ الدِّينْ.

عَدد 18:1 Referenca të Kryqëzuara

خُروج 28:38

وَ تَقْعُدْ فِي جَبْهَةْ هَارُونْ. وَ بَيْدَا، هُو يُكُونْ الْمَسْؤُولْ مِنْ الْخَطَا الْيِسَوُّوهْ بَنِي إِسْرَائِيلْ وَكِتْ يِقَدُّمُوا هَدَايَاهُمْ الْمُقَدَّسِينْ. الْحَفِيضَةْ دِي تَقْعُدْ دَايْماً فِي جَبْهَةْ هَارُونْ أَشَانْ اللّٰهْ يَرْضَى بَيْهُمْ.

1 بُطْرُس 2:24

وَ فِي الصَّلِيبْ، هُو بِنَفْسَهْ حَمَلْ ذُنُوبْنَا فِي جِسْمَهْ أَشَانْ نِخَلُّوا الذُّنُوبْ مَرَّةْ وَاحِدْ وَ نِعِيشُوا بِحَالْ صَالْحَةْ. وَ بِوَاسِطَةْ جِرَاحَهْ، إِنْتُو لِقِيتُوا الشِّفَاءْ.

عِبْرَانِيِّين 13:17

أَسْمَعَوْا كُبَارَاتْكُو وَ تَابُعُوا كَلَامْهُمْ عَدِيلْ. أَشَانْ هُمَّنْ قَاعِدِينْ يِفَكُّرُوا فَوْقكُو وَ يَعَرْفُوا كَدَرْ هُمَّنْ مَسْؤُولِينْ مِنْكُو قِدَّامْ اللّٰهْ الْيِحَاسِبْهُمْ. خَلِّي خِدْمِتْهُمْ دِي تَبْقَى لَيْهُمْ فَرْحَةْ. كَنْ تَبْقَى لَيْهُمْ قَاسِيَةْ، إِنْتُو كُلَ مَا تَلْقَوْا مِنْهَا فَايْدَةْ.

عِبْرَانِيِّين 4:15

رَاجِلْ الدِّينْ هَنَانَا دَا يَعَرِفْ ضُعُفْنَا أَشَانْ هُو كُلَ، جَرَّبَوْه بِكُلَّ التَّجْرِبَةْ مِثِلْنَا لَاكِنْ هُو أَبَداً مَا سَوَّى ذَنِبْ.

إشَعْيا 53:11

وَ بَعَدْ تَعَبَهْ، هُو يِشِيفْ نُورْ الْحَيَاةْ وَ يَشْبَعْ مِنَّهْ. وَ بِتَعَبَهْ، عَبْدِي الصَّالِحْ يِسَوِّي نَاسْ كَتِيرِينْ صَالِحِينْ أَشَانْ هُو حِمِلْ خَطَاهُمْ.

إشَعْيا 53:6

أَنِحْنَ كُلِّنَا مِثِلْ غَنَمْ الْمُوَدِّرِينْ، أَيِّ وَاحِدْ شَايِلْ لَيَّهْ دَرِبْ. وَ اللّٰهْ خَطَّ فَوْقَهْ هُو خَطَانَا أَنِحْنَ كُلِّنَا.

عَدد 17:13

وَ أَيِّ نَادُمْ الْيِقَرِّبْ لِخَيْمَةْ اللّٰهْ دَا يُمُوتْ! وَ دَا، مَا نُمُوتُوا كُلِّنَا لَحَدِّي آخِرْنَا وَلَّا؟»

عَدد 17:7

وَ مُوسَى خَطَّ الْعِصَيْ دَوْل قِدَّامْ اللّٰهْ فِي لُبّ الْخَيْمَةْ الْفَوْقهَا الصَّنْدُوقْ الْعِنْدَهْ لِيحَانْ الْمُعَاهَدَةْ.

عَدد 17:3

وَ فِي عَصَاةْ قَبِيلَةْ لَاوِي أَكْتِبْ أُسُمْ هَارُونْ أَشَانْ أَيِّ شَيْخ قَبِيلَةْ عِنْدَهْ عَصَاةْ وَاحِدَةْ.

عَدد 14:34

وَ الْأَرْبَعِينْ سَنَةْ دَوْل فِي عَدَدْ الْأَرْبَعِينْ يَوْم الْإِنْتُو رُغْتُوا وَ شِفْتُوا فَوْقهُمْ الْبَلَدْ. وَ تِلْحَمَّلَوْا عِقَابْ خَطَايَاكُو لِمُدَّةْ 40 سَنَةْ وَ دَا أَيِّ يَوْم يِسَاوِي سَنَةْ. وَ بَيْدَا، تَعَرْفُوا عَدَاوْتِي.›

لاوِيِّين 22:9

«وَ بَيْدَا، يَحْفَضَوْا وَصِيَّاتِي وَ مَا يِسَوُّوا ذَنِبْ هَنَا قِلَّةْ إِحْتِرَامْ الْيِجِيبْ لَيْهُمْ الْمَوْت. وَ أَنَا اللّٰهْ بَسْ نِخَصِّصْهُمْ.

لاوِيِّين 10:17

«مَالَا مَا أَكَلْتُوا ضَحِيَّةْ كَفَّارَةْ الذَّنِبْ فِي الْبَكَانْ الْمُقَدَّسْ؟ أَشَانْ الشَّيّءْ دَا مُقَدَّسْ مَرَّةْ وَاحِدْ. وَ اللّٰهْ أَنْطَاهْ لَيْكُو لِتَمُرْقُوا خَطَا الْمُجْتَمَعْ وَ لِتِسَوُّوا لَيْهُمْ كَفَّارَةْ قِدَّامْ اللّٰهْ.

لاوِيِّين 22:16

وَ لَاكِنْ كَنْ أَكَلَوْا الْأَشْيَاءْ الْمُقَدَّسِينْ دَوْل، يِلْحَمَّلَوْا مَسْؤُولِيَّةْ خَطَاهُمْ أَشَانْ أَنَا اللّٰهْ بَسْ نِخَصِّصْهُمْ.»

عَدد 3:6

«قَدِّمْ نَاسْ قَبِيلَةْ لَاوِي وَ خُطُّهُمْ تِحِتْ مُرَاقَبَةْ هَارُونْ رَاجِلْ الدِّينْ أَشَانْ يَخْدُمُوا لَيَّهْ.

عَدد 16:10

هُو رِضِي بَيْكُو لِتَجُوا قِدَّامَهْ، إِنْتَ وَ كُلَّ أَخْوَانَكْ اللَّاوِيِّينْ. وَ بَتَّانْ تِدَوْرُوا خِدْمَةْ رُجَالْ الدِّينْ وَلَّا؟

عَدد 18:11

«وَ دَاهُو شَيّءْ آخَرْ كُلَ يَبْقَى حَقَّكْ. وَ هُمَّنْ الْهَدَايَا الْيَرْفَعَوْهُمْ بَنِي إِسْرَائِيلْ وَ يِقَدُّمُوهُمْ، دَوْل كُلَ أَنَا نَنْطِيهُمْ لَيْك إِنْتَ وَ لِأَوْلَادَكْ وَ لِبَنَاتَكْ الْقَاعِدَاتْ مَعَاكْ. كُلِّ إِنْسَانْ طَاهِرْ مِنْ أَهَلْ بَيْتَكْ يَقْدَرْ يَاكُلْ مِنْهُمْ وَ دَا يَبْقَى لَيْكُو حَقّ دَايِمْ.

تَثْنِية 10:8

وَ فِي الْوَكِتْ دَاكْ، اللّٰهْ عَزَلْ قَبِيلَةْ اللَّاوِيِّينْ لِيِشِيلُوا صَنْدُوقْ مُعَاهَدَةْ اللّٰهْ وَ لِيَقِيفُوا قِدَّامَهْ وَ يَخْدُمُوا لَيَّهْ وَ يِبَارُكُوا الشَّعَبْ بِأُسْمَهْ. وَ دَا مِثِلْ هُمَّنْ قَاعِدِينْ يِسَوُّوهْ لَحَدِّي الْيَوْم.

قُضياء 17:12

وَ مِيكَا دَرَّجْ اللَّاوِي دَا رَاجِلْ دِينْ وَ قَعَّدَهْ مَعَايَهْ فِي بَيْتَهْ.

حِزْقِيال 4:4

«وَ أَرْقُدْ بِالْإِسْرَةْ وَ شِيلْ فَوْقَكْ خَطَا بَنِي إِسْرَائِيلْ. وَ تِشِيلْ خَطَاهُمْ طُولْ الْأَيَّامْ الْإِنْتَ رَاقِدْ فَوْقهُمْ بِنُصَّكْ دَا.