عَدد 17:8 - الكتاب المقدس بالعربي الدارجي هنا تشاد

⁸ وَ أَمْبَاكِرْ فَجُرْ، مُوسَى دَخَلْ فِي الْخَيْمَةْ دِي وَ شَافْ عَصَاةْ هَارُونْ الْمِنْ قَبِيلَةْ لَاوِي خَضَّرَتْ وَ سَوَّتْ نُوَّارْ وَ عِنْدَهَا عِيَالْ نَاجْضِينْ.

عَدد 17:8 Referenca të Kryqëzuara

حِزْقِيال 17:24

وَ بَيْدَا، كُلَّ شَدَرْ الْكَدَادَةْ يَعَرِفْ كَدَرْ أَنَا اللّٰهْ. نِصَغِّرْ الشَّدَرَةْ الْعَالِيَةْ وَ نِعَلِّي الشَّدَرَةْ الصَّغَيْرَةْ. نِيَبِّسْ الشَّدَرَةْ الْخَضْرَةْ وَ نِخَضِّرْ الشَّدَرَةْ الْيَابْسَةْ. وَ دَا، أَنَا اللّٰهْ بَسْ قُلْتَهْ وَ نِحَقِّقَهْ.»

عَدد 17:5

وَ النَّادُمْ الْعَصَاتَهْ تِخَضِّرْ وَ تِسَوِّي نُوَّارْ، هُو دَا بَسْ الْأَنَا عَزَلْتَهْ. وَ بَيْدَا، أَنَا نِوَقِّفْ اللُّوَامَةْ الْقَايْمَيْن بَيْهَا بَنِي إِسْرَائِيلْ ضِدُّكُو.»

إشَعْيا 4:2

وَ فِي الْيَوْم دَا، بِذْرَةْ اللّٰهْ تِجِيبْ الْمَجْد وَ الشَّرَفْ لِلْفَضَّلَوْا مِنْ بَنِي إِسْرَائِيلْ. وَ إِنْتَاجْ الْأَرْض يِجِيبْ الْفَرَحْ وَ الشَّرَفْ.

حِزْقِيال 19:14

مَرَقَتْ نَارْ مِنْ دُنْبُرْهَا وَ أَكَلَتْ الْفُرُوعْ وَ الْفَوَاكِهْ. وَ بَتَّانْ مَا فِي فُرُوعْ الْعِنْدُهُمْ قُدْرَةْ لِيَبْقَوْا عِصَيْ لِلْمُلُوكْ.» وَ دَا غِنَيْ يِغَنُّوهْ مِثِلْ نُوَاحْ الْحِزِنْ.

زَبُور 110:2

يَا سِيدِي! مِنْ عَاصِمَتَكْ صَهْيُون، اللّٰهْ يِوَسِّعْ مُلْكَكْ وَ تَحْكِمْ فِي عُدْوَانَكْ.

تكوين 40:10

وَ الشَّدَرَةْ دِي عِنْدَهَا تَلَاتَةْ فُرُوعْ وَ تِدَوْر تِنَوِّرْ وَ بَعَدَيْن نَوَّرَتْ وَ سَوَّتْ عَنْقُودْ هَنَا عِنَبْ نَجِيضْ.

عِبْرَانِيِّين 9:4

وَ دَا الْبَكَانْ الْقَاعِدْ فَوْقَهْ الْمُخْبَرْ هَنَا دَهَبْ وَ صَنْدُوقْ الْمُعَاهَدَةْ الْمَمْسُوحْ بِدَهَبْ دَاخَلْ وَ بَرَّا. وَ الصَّنْدُوقْ دَا، عِنْدَهْ جَرّ هَنَا دَهَبْ الْفِي لُبَّهْ الْمَنَّةْ. وَ عَصَاةْ هَارُونْ السَّوَّتْ نُوَّارْ وَ لِيحَانْ الْمُعَاهَدَةْ كُلَ قَاعِدِينْ فِي لُبَّهْ.

حِزْقِيال 19:12

لَاكِنْ هِي مَلَّطَوْهَا بِغَضَبْ وَ رَمَوْهَا فِي الْأَرْض. وَ رِيحْ الصَّبَاحْ يَبَّسَتْ فَوَاكِهَّا وَ هُمَّنْ دَفَّقَوْا. وَ فُرُوعْهَا الْعِنْدُهُمْ قُدْرَةْ يِبْسَوْا وَ النَّارْ أَكَلَتْهُمْ.

نشيد 2:3

حَبِيبِي فِي أُسْط الصُّبْيَانْ مِثِلْ شَدَرَةْ التُّفَّاحْ فِي لُبّ شَدَرْ الْغَابَةْ. فِي ضُلَّهْ، نِرِيدْ نِنْجَمَّ وَ هُو حَلُو لَيِّ مِثِلْ فَوَاكِهْ فِي لِسَانِي.

عَدد 16:5

وَ بَعَدْ دَا، قَالْ لِقُورَحْ وَ لِنَاسْ بَنِي إِسْرَائِيلْ الْمَعَايَهْ: «أَمْبَاكِرْ فَجُرْ، اللّٰهْ يِوَصِّفْ لَيْنَا النَّادُمْ التَّابْعَهْ وَ الْهُو خَصَّصَهْ وَ رِضِي بَيَّهْ لِيَجِي قِدَّامَهْ. وَ النَّادُمْ الْهُو يَعَزِلَهْ دَا، هُو بَسْ يَجِي قِدَّامَهْ.

عَدد 17:9

وَ مُوسَى مَرَقْ كُلَّ الْعِصَيْ مِنْ قِدَّامْ اللّٰهْ وَ خَطَّاهُمْ قِدَّامْ بَنِي إِسْرَائِيلْ وَ أَيِّ شَيْخ شَافْ عَصَاتَهْ وَ شَالْهَا.