عَدد 17:7 - الكتاب المقدس بالعربي الدارجي هنا تشاد

⁷ وَ مُوسَى خَطَّ الْعِصَيْ دَوْل قِدَّامْ اللّٰهْ فِي لُبّ الْخَيْمَةْ الْفَوْقهَا الصَّنْدُوقْ الْعِنْدَهْ لِيحَانْ الْمُعَاهَدَةْ.

عَدد 17:7 Referenca të Kryqëzuara

أعمال الرُسُل 7:44

«وَ فِي الصَّحَرَاءْ، جُدُودْنَا شَالَوْا مَعَاهُمْ الْخَيْمَةْ الْفَوْقهَا لِيحَانْ الْمُعَاهَدَةْ. دِي الْخَيْمَةْ الْمُوسَى بَنَاهَا مِثِلْ اللّٰهْ أَمَرَهْ بَيَّهْ. وَ هُو بَنَاهَا مِثِلْ النِّظَامْ الْاللّٰهْ وَصَّفَهْ.

خُروج 38:21

وَ دَاهُو وَزِنْ الْخُمَامْ الْبَنَوْا بَيَّهْ خَيْمَةْ الْعِبَادَةْ وَ هِي الْخَيْمَةْ الْبَعَدَيْن يُخُطُّوا فَوْقهَا لِيحَانْ الْمُعَاهَدَةْ. وَ مُوسَى أَمَرْ اللَّاوِيِّينْ يِسَجُّلُوا الْمُعِدَّاتْ دَوْل تِحِتْ مَسْؤُولِيَّةْ إِتَمَارْ وِلَيْد هَارُونْ رَاجِلْ الدِّينْ.

عَدد 18:2

وَ أَخْوَانَكْ نَاسْ قَبِيلْتَكْ اللَّاوِيِّينْ، خَلِّي هُمَّنْ كُلَ يِقَرُّبُوا مَعَاكْ لِلْبَيْت الْمُقَدَّسْ وَ يَخْدُمُوا مَعَاكْ وَ يِسَاعُدُوكْ. وَ لَاكِنْ إِنْتَ وَ عِيَالَكْ بَسْ تَقِيفُوا قِدَّامْ الْخَيْمَةْ الْفَوْقهَا الصَّنْدُوقْ.

عَدد 1:50

كَلِّفْهُمْ بِخَيْمَةْ الْعِبَادَةْ الْفَوْقهَا الصَّنْدُوقْ الْعِنْدَهْ لِيحَانْ الْمُعَاهَدَةْ وَ كُلَّ مُعِدَّاتْهَا وَ كُلَّ شَيّءْ الْفَوْقهَا. هُمَّنْ يِشِيلُوا الْخَيْمَةْ دِي وَ كُلَّ مُعِدَّاتْهَا وَ يَخْدُمُوا فَوْقهَا وَ يَنْزُلُوا حَوَالَيْهَا.

عَدد 1:53

وَ لَاكِنْ اللَّاوِيِّينْ خَلِّي يَنْزُلُوا حَوَالَيْ خَيْمَةْ الْعِبَادَةْ الْفَوْقهَا الصَّنْدُوقْ الْعِنْدَهْ لِيحَانْ الْمُعَاهَدَةْ وَ يَحْفَضَوْهَا. وَ بَيْدَا، غَضَبِي مَا يَنْزِلْ فِي كُلَّ مُجْتَمَعْ بَنِي إِسْرَائِيلْ.»

عَدد 9:15

وَ وَكِتْ بَنَوْا خَيْمَةْ الْعِبَادَةْ، السَّحَابَايْ نَزَلَتْ وَ غَطَّتْ الْخَيْمَةْ وَ دِي الْخَيْمَةْ الْفَوْقهَا الصَّنْدُوقْ الْعِنْدَهْ لِيحَانْ الْمُعَاهَدَةْ. وَ بِاللَّيْل، السَّحَابَايْ تِضَوِّي مِثِلْ النَّارْ فِي رَاسْ الْخَيْمَةْ لَحَدِّي فَجُرْ.

عَدد 17:4

وَ خُطّ الْعِصَيْ دَوْل فِي لُبّ خَيْمَةْ الْإِجْتِمَاعْ قِدَّامْ الصَّنْدُوقْ الْفَوْقَهْ لِيحَانْ الْمُعَاهَدَةْ فِي الْبَكَانْ الْأَنَا نِقَابِلْكُو فَوْقَهْ.

عَدد 17:6

وَ خَلَاصْ، مُوسَى كَلَّمْ لِبَنِي إِسْرَائِيلْ وَ كُلَّ شُيُوخْهُمْ أَيِّ وَاحِدْ جَابْ عَصَاتَهْ. وَ الشُّيُوخْ الْأَتْنَا عَشَرْ أَيِّ شَيْخ قَبِيلَةْ جَابْ عَصَاتَهْ. وَ عَصَاةْ هَارُونْ كُلَ قَاعِدَةْ فِي أُسْط الْعِصَيْ دَوْل.

عَدد 14:10

وَ بِسَبَبْ دَا، كُلَّ الْمُجْتَمَعْ دَوَّرَوْا يَرْجُمُوهُمْ. وَ طَوَّالِي، مَجْد اللّٰهْ بَانْ فِي خَيْمَةْ الْإِجْتِمَاعْ قِدَّامْ كُلَّ بَنِي إِسْرَائِيلْ.