عَدد 17:5 - الكتاب المقدس بالعربي الدارجي هنا تشاد

⁵ وَ النَّادُمْ الْعَصَاتَهْ تِخَضِّرْ وَ تِسَوِّي نُوَّارْ، هُو دَا بَسْ الْأَنَا عَزَلْتَهْ. وَ بَيْدَا، أَنَا نِوَقِّفْ اللُّوَامَةْ الْقَايْمَيْن بَيْهَا بَنِي إِسْرَائِيلْ ضِدُّكُو.»

عَدد 17:5 Referenca të Kryqëzuara

عَدد 16:5

وَ بَعَدْ دَا، قَالْ لِقُورَحْ وَ لِنَاسْ بَنِي إِسْرَائِيلْ الْمَعَايَهْ: «أَمْبَاكِرْ فَجُرْ، اللّٰهْ يِوَصِّفْ لَيْنَا النَّادُمْ التَّابْعَهْ وَ الْهُو خَصَّصَهْ وَ رِضِي بَيَّهْ لِيَجِي قِدَّامَهْ. وَ النَّادُمْ الْهُو يَعَزِلَهْ دَا، هُو بَسْ يَجِي قِدَّامَهْ.

هُوشَع 14:5

أَنَا نَبْقَى مِثِلْ مَطَرْ لِبَنِي إِسْرَائِيلْ وَ هُمَّنْ يِنَوُّرُوا مِثِلْ السِّتَّيْب. يِدِسُّوا عُرُوقْهُمْ مِثِلْ شَدَرْ لُبْنَانْ

حِزْقِيال 16:41

وَ يِحَرُّقُوا بُيُوتْكِ وَ يِشَارُعُوكِ قِدَّامْ عَوِينْ كَتِيرَاتْ. وَ أَنَا نِوَقِّفْ شَرْمَطَتْكِ وَ بَتَّانْ مَا تَقْدَرَيْ تِكَفِّي صُدْقَانْكِ.

عَدد 17:8

وَ أَمْبَاكِرْ فَجُرْ، مُوسَى دَخَلْ فِي الْخَيْمَةْ دِي وَ شَافْ عَصَاةْ هَارُونْ الْمِنْ قَبِيلَةْ لَاوِي خَضَّرَتْ وَ سَوَّتْ نُوَّارْ وَ عِنْدَهَا عِيَالْ نَاجْضِينْ.

عَدد 16:11

أَشَانْ دَا بَسْ، إِنْتَ وَ كُلَّ نَاسَكْ قَمَّيْتُوا ضِدّ اللّٰهْ. وَ هَارُونْ كَيْ، هُو يَاتُو إِنْتُو تُلُومُوهْ؟»

حِزْقِيال 23:27

وَ خَلَاصْ، أَنَا نِوَقِّفْ فِعِلْكِ الشَّيْن وَ الشَّرْمَطَةْ الْبَدَيْتِيهَا فِي مَصِرْ. وَ بَتَّانْ مَا تِوَجِّهِي عَلَيْهُمْ وَ لَا تِذَّكَّرَيْ بَلَدْ مَصِرْ بَتَّانْ.›»

إشَعْيا 27:6

وَ فِي الْمُسْتَقْبَلْ، ذُرِّيَّةْ يَعْقُوبْ يِسَوُّوا عُرُوقْ. بَنِي إِسْرَائِيلْ يَبْقَوْا مِثِلْ شَدَرَةْ، يِخَضُّرُوا وَ يِنَوُّرُوا وَ يَمْلَوْا الْعَالَمْ بِفَوَاكِهُّمْ.

إشَعْيا 13:11

وَ الرَّبّ قَالْ: «أَنَا نِعَاقِبْ الدُّنْيَا فِي شَانْ فَسَالِتْهَا وَ الْعَاصِيِينْ فِي شَانْ خَطَاهُمْ. وَ نِوَقِّفْ إِسْتِكْبَارْ الْمُسْتَكْبِرِينْ وَ نِنَزِّلْ فَشَارْ سِيَادْ الْعُنُفْ.

إشَعْيا 11:1

وَ يَجِي وَاحِدْ مِنْ ذُرِّيَّةْ يَسَّى مِثِلْ فِرِعْ الْيَبْذُرْ مِنْ دُنْبُرْ وَ مِنْ قَعَرَهْ تُقُمّ بِذْرَةْ التِّسَوِّي عِيَالْ.

إشَعْيا 5:24

فِي شَانْ دَا، هُمَّنْ يَبْقَوْا مِثِلْ قَشّ التَّاكُلَهْ النَّارْ وَ مِثِلْ عَقَيْق الْيِوَدِّرْ فِي أَمْ بَلْبَالَةْ. وَ عُرُوقْهُمْ يِعَفُّنُوا وَ نُوَّارْهُمْ يَبْقَوْا مِثِلْ عَجَاجْ. أَشَانْ هُمَّنْ مَا طَبَّقَوْا تَوْرَاةْ اللّٰهْ الْقَادِرْ وَ حَقَرَوْا كَلَامْ قُدُّوسْ إِسْرَائِيلْ.

عَدد 17:10

وَ اللّٰهْ قَالْ لِمُوسَى: «قَبِّلْ عَصَاةْ هَارُونْ وَ خُطَّهَا قِدَّامْ الصَّنْدُوقْ دَا وَ أَحْفَضْهَا مِثِلْ عَلَامَةْ لِلْمُعَارِضِينْ. وَ تِوَقِّفْ كَلَامْهُمْ ضِدِّي وَ بَيْدَا، مَا يُمُوتُوا.»

1 كُرُنْتُس 10:10

وَ مَا وَاجِبْ نَشْكُوا لِلّٰهْ. وَاحِدِينْ مِنْهُمْ شَكَوْا وَ خَلَاصْ، مَلَكْ الْمَوْت جَاءْ دَمَّرَاهُمْ.

خُروج 16:7

وَ أَمْبَاكِرْ فَجُرْ، تِشِيفُوا مَجْد اللّٰهْ يِبِينْ لَيْكُو أَشَانْ هُو سِمِعْ لُوَامِتْكُو. كَنْ لَيْنَا أَنِحْنَ، أَنِحْنَ كَيْ شُنُو الْإِنْتُو تُلُومُونَا؟»

عَدد 11:1

وَ يَوْم وَاحِدْ، بَنِي إِسْرَائِيلْ قَمَّوْا يَشْكُوا بِزَعَلْ لِلّٰهْ. وَ وَكِتْ هُو سِمِعْ شَكْوَاهُمْ، غِضِبْ غَضَبْ شَدِيدْ وَ نَزَّلْ فَوْقهُمْ نَارْ وَ النَّارْ دِي حَرَقَتْ طَرَفْ فَرِيقْهُمْ.

عَدد 17:6

وَ خَلَاصْ، مُوسَى كَلَّمْ لِبَنِي إِسْرَائِيلْ وَ كُلَّ شُيُوخْهُمْ أَيِّ وَاحِدْ جَابْ عَصَاتَهْ. وَ الشُّيُوخْ الْأَتْنَا عَشَرْ أَيِّ شَيْخ قَبِيلَةْ جَابْ عَصَاتَهْ. وَ عَصَاةْ هَارُونْ كُلَ قَاعِدَةْ فِي أُسْط الْعِصَيْ دَوْل.

زَبُور 105:26

بَعَدْ دَا، رَسَّلْ عَبْدَهْ مُوسَى وَ هَارُونْ الْهُو عَزَلَهْ.

عَدد 1:51

وَ وَكِتْ تِسِيرُوا، اللَّاوِيِّينْ بَسْ يِفَرْتُقُوهَا. وَ وَكِتْ تَنْزُلُوا كُلَ، هُمَّنْ بَسْ يَبْنُوهَا. لَاكِنْ أَيِّ نَادُمْ آخَرْ كَنْ يِقَرِّبْ لِلْخَيْمَةْ دِي، وَاجِبْ يُمُوتْ.

يَشُوع 4:7

وَ إِنْتُو تُقُولُوا لَيْهُمْ: ‹دَا أَشَانْ أَلْمِي هَنَا بَحَرْ الْأُرْدُنْ وَقَفْ وَكِتْ صَنْدُوقْ مُعَاهَدَةْ اللّٰهْ قَاعِدْ يَقْطَعْ الْبَحَرْ. وَ الْحُجَارْ دَوْل هُمَّنْ ذِكْرَةْ لِبَنِي إِسْرَائِيلْ إِلَى الْأَبَدْ كَدَرْ أَلْمِي بَحَرْ الْأُرْدُنْ وَقَفْ.›»

2 أخبار 26:16

وَ لَاكِنْ وَكِتْ عُزِّيَّا بِقِي شَدِيدْ، هُو بَدَا يِسْتَكْبَرْ لَحَدِّي عِصِي اللّٰهْ إِلٰـهَهْ وَ جَابْ الدَّمَارْ لِنَفْسَهْ. هُو دَخَلْ فِي بَيْت اللّٰهْ وَ حَرَّقْ بَخُورْ فِي مُخْبَرْ الْبَخُورْ.

عَزْرا 2:62

رُجَالْ الدِّينْ دَوْل فَتَّشَوْا أَسَامَيْ جُدُودْهُمْ فِي كُتُبْ التَّسْجِيلْ وَ مَا لِقَوْهُمْ. أَشَانْ دَا، النَّاسْ جَعَلَوْهُمْ نِجْسِينْ وَ دَحَرَوْهُمْ مَا يَخْدُمُوا خِدْمَةْ رُجَالْ الدِّينْ.