عَدد 16:41 - الكتاب المقدس بالعربي الدارجي هنا تشاد

⁴¹ وَ أَمْبَاكِرْ فَجُرْ، كُلَّ مُجْتَمَعْ بَنِي إِسْرَائِيلْ قَمَّوْا ضِدّ مُوسَى وَ هَارُونْ وَ قَالَوْا: «إِنْتُو بَسْ كَتَلْتُوا شَعَبْ اللّٰهْ!»

عَدد 16:41 Referenca të Kryqëzuara

زَبُور 106:23

اللّٰهْ قَرَّرْ يِكَمِّلْهُمْ وَ لَاكِنْ مُوسَى الْهُو عَزَلَهْ وَقَفْ فِي خَشُمْ الْخُرْمَةْ قِدَّامَهْ لِيِقَبِّلْ غَضَبَهْ الْمُدَمِّرْ.

عَدد 14:2

وَ كُلَّ الْمُجْتَمَعْ قَمَّوْا يُلُومُوا مُوسَى وَ هَارُونْ وَ قَالَوْا لَيْهُمْ: «أَخَيْر لَيْنَا كَنْ مُتْنَا فِي بَلَدْ مَصِرْ أَوْ نُمُوتُوا فِي الصَّحَرَاء دِي.

أعمال الرُسُل 21:28

وَ نَادَوْا بِحِسّ عَالِي وَ قَالَوْا: «يَا بَنِي إِسْرَائِيلْ، تَعَالُوا عَاوُنُونَا! دَا بَسْ الرَّاجِلْ الْقَاعِدْ يِعَلِّمْ النَّاسْ فِي كُلَّ بَكَانْ بِكَلَامْ ضِدّ الْيَهُودْ وَ ضِدّ التَّوْرَاةْ وَ ضِدّ الْبَيْت دَا. وَ هَسَّعْ، هُو دَخَلْ فِي بَيْت اللّٰهْ بِنَاسْ مَا يَهُودْ! وَ نَجَّسْ الْبَيْت الْمُقَدَّسْ!»

أعمال الرُسُل 5:28

وَ قَالْ: «أَنِحْنَ أَمَرْنَاكُو بِكَلَامْ شَدِيدْ وَ قُلْنَا لَيْكُو مَا تِعَلُّمُوا النَّاسْ بِأُسُمْ عِيسَى. لَاكِنْ إِنْتُو مَلَيْتُوا مَدِينَةْ الْقُدُسْ بِتَعْلِيمْكُو وَ النَّاسْ قَاعِدِينْ يِحَجُّوا فَوْقَهْ. وَ إِنْتُو تِدَوْرُوا تُخُطُّوا فِي رَاسْنَا دِمَّةْ الرَّاجِلْ دَا!»

مَتَّى 5:11

«مَبْرُوكْ لَيْكُو إِنْتُو وَكِتْ النَّاسْ يِعَيُّرُوكُو وَ يَطُرْدُوكُو وَ بِالْكِدِبْ يُخُطُّوا فَوْقكُو كَلَامْ شَيْن أَشَانْ إِنْتُو تَلَامِيذِي.

عَمُوس 7:10

وَ فِيَّهْ رَاجِلْ دِينْ وَاحِدْ مِنْ حِلَّةْ بَيْت إِيلْ أُسْمَهْ أَمَصْيَا. وَ الرَّاجِلْ دَا رَسَّلْ لِيَرُبَعَامْ مَلِكْ مَمْلَكَةْ إِسْرَائِيلْ وَ قَالْ لَيَّهْ: «عَمُوسْ قَاعِدْ يِحَرِّشْ الشَّعَبْ أَشَانْ مَا يِتَابُعُوكْ. وَ بَنِي إِسْرَائِيلْ مَا يَقْدَرَوْا يَحْمَلَوْا كُلَّ الْكَلَامْ الْهُو قَاعِدْ يُقُولَهْ.

إشَعْيا 26:11

يَا اللّٰهْ! إِيدَكْ مَرْفُوعَةْ فَوْق وَ هُمَّنْ مَا شَافَوْهَا. يِشِيفُوا مَحَبِّتَكْ الشَّدِيدَةْ لِشَعَبَكْ وَ الْعَيْب يَكْرُبْهُمْ وَ النَّارْ الْجَهَّزْتَهَا لِعُدْوَانَكْ تَاكُلْهُمْ.

زَبُور 106:13

لَاكِنْ عَجَلَةْ كَيْ، هُمَّنْ نِسَوْا أَعْمَالَهْ وَ مَا رِجَوْا وَصِيّتَهْ.

1 مُلوك 18:17

وَ وَكِتْ أَخَابْ شَافَهْ لِإِلِيَاسْ، قَالْ لَيَّهْ: «دَا بَسْ إِنْتَ، إِنْتَ الْجِبْت الْبَرْجَالْ لِبَنِي إِسْرَائِيلْ وَلَّا؟»

2 كُرُنْتُس 6:8

وَ نَخْدُمُوا لِلّٰهْ كَنْ يِكَرُّمُونَا وَلَّا يَحْقُرُونَا وَ كَنْ يِعَيُّرُونَا وَلَّا يَشْكُرُونَا. يُقُولُوا أَنِحْنَ كَدَّابِينْ وَ لَاكِنْ أَنِحْنَ أَمِينِينْ.

إرْمِيا 43:3

وَ لَاكِنْ دَا بَرُوكْ وِلَيْد نَرِيَّا بَسْ قَاعِدْ يِحَرِّشَكْ لِتِسَوِّي لَيْنَا الْفَسَالَةْ وَ تِسَلِّمْنَا لِلْبَابِلِيِّينْ. وَ هُمَّنْ يَكْتُلُونَا أَوْ يِوَدُّونَا فِي الْغُرْبَةْ فِي بَابِلْ.»

إرْمِيا 38:4

وَ الْكُبَارَاتْ دَوْل قَالَوْا لِلْمَلِكْ: «النَّادُمْ دَا، وَاجِبْ يُمُوتْ! أَشَانْ هُو بَسْ قَاعِدْ يِخَوِّفْ الْعَسْكَرْ الْفَضَّلَوْا فِي الْمَدِينَةْ وَ كُلَّ الشَّعَبْ بِكَلَامَهْ دَا. هُو مَا يِدَوْر الْخَيْر لِلشَّعَبْ دَا وَ لَاكِنْ يِدَوْر لَيْهُمْ الْفَسَالَةْ.»

1 كُرُنْتُس 10:10

وَ مَا وَاجِبْ نَشْكُوا لِلّٰهْ. وَاحِدِينْ مِنْهُمْ شَكَوْا وَ خَلَاصْ، مَلَكْ الْمَوْت جَاءْ دَمَّرَاهُمْ.

يَهُوذَا 1:16

وَ النَّاسْ دَوْل زَعْلَانِينْ وَ شَكَّايِينْ. هُمَّنْ يِتَابُعُوا شَهْوَاتْهُمْ بَسْ. وَ يِكَلُّمُوا بِكِبْرِيَاءْ وَ يَشْكُرُوا النَّاسْ بِكِدِبْ أَشَانْ يَلْقَوْا مِنْهُمْ فَايْدَةْ.